Системот за видео-надзор „Сејф сити“ за неколку дена влегува во пробна фаза, при што иако ќе се води како тест период, ќе започне да ги регистрира сообраќајните прекршоци. Официјалниот старт е закажан за 1 јануари 2026 година, но од декември годинава камерите ќе бидат во функција и ќе ги „ловат“ нарушувањата на правилата во сообраќајот. Проектот најпрво ќе биде имплементиран во Скопје и уште два други града, а до средината на 2026 година се планира проширување на целата територија на државата.

Според најавите, возачите кои ќе направат прекршок ќе добиваат СМС порака или е-пошта со фотографија од прекршокот во рок од 24 часа, додека писмените казни ќе пристигнуваат на домашна адреса. На овој начин, институциите очекуваат минимизирање на можностите за избегнување на санкциите и зголемување на дисциплината во сообраќајот.

Министерот за внатрешни работи Панче Тошковски изјави дека „Сејф сити“ ќе влијае на промена на однесувањето на возачите. „Искрено многу верувам во овој проект. Убеден сум дека за многу краток временски период ќе го смениме менталитетот и односот на нашите граѓани во делот на почитување на сообраќајни правила. Со имплементација на овој систем нема да има опција за избегнување на казна“, порача Тошковски.

Тагови: Панче Тошковски Сејф сити - Безбеден град сообраќаен прекршок

Во последните години, компаниите се соочуваат со најголемиот талентски јаз досега – а одговорот на оваа криза повторно ги враќа во фокус програмите за развој и обука. „Инвестирај во луѓето или изгуби ги“ веќе не е мотивациски цитат, туку реалност што ја диктира конкурентноста на секој бизнис.

По периодот на економски несигурности и кратење на трошоци, многу организации повторно ги активираат плановите за развој на вештини. Причината е јасна: вработените повеќе не остануваат таму каде што не се развиваат. Според последните HR трендови, 7 од 10 професионалци би ја напуштиле својата работа ако компанијата не нуди можности за учење и напредок.

Компаниите кои вложуваат во тренинзи веќе бележат значајни резултати: повисока продуктивност, пониски нивоа на прегорување, подобра соработка меѓу тимовите и значително задржување на талентите. Обуките не се трошок – тие се стратегија.

Особено се барани програми за:

• Развој на лидерски вештини
• Дигитални компетенции
• Комуникациски и софт-скилс обуки
• Управување со промени и стрес
• Продажба и клиентско искуство

Во услови каде пазарот на труд станува сè подинамичен, компаниите кои не инвестираат во своите луѓе ризикуваат да го изгубат највредниот ресурс – знаењето.

Обуките се враќаат посилни од кога било. Организациите што ќе ги препознаат како клучен дел од својата стратегија ќе ја предводат следната фаза на раст. Останатите ќе се соочат со сè потешка битка за талент.

Прочитајте и за: Тренд што не смее да се игнорира: вработените сакаат смисла, не само плата

Тагови: HR

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

Макпетрол АД отсекогаш бил предводник во примената на новитетите во погонските горива, во унапредувањето на квалитетот на своите производи, како и во воведувањето на алтернативни погонски горива кои придонесуваат за поголема заштита на животната средина. На тој начин, во сите овие години ние успеваме да ја задржиме лидерската позиција во дистрибуцијата и прометот со нафтени деривати во Република Северна Македонија.

Моментално вработува:

БРАВАР ВО ОДДЕЛЕНИЕ ЗА РЕГИОНСКИ ПОПРАВУВАЧИ
ВИШ СТРУЧЕН СОРАБОТНИК ВО ОДДЕЛЕНИЕ ЗА ФИНАНСИИ
СТРУЧЕН СОРАБОТНИК ВО ОДДЕЛЕНИЕ ЗА БЕЗБЕДНОСТ И ЗДРАВЈЕ ПРИ РАБОТА

Брендот B Watch датира уште во далечната 1920 год, започнувајќи како семејна традиција на продажба, дистрибуција како и сервисирање на висококвалитетни часовници и накит.

Моментално вработува:

AСИСТЕНТ ЗА ПРОДАЖБА – СКОПЈЕ

Лидл е семеен бизнис заснован на едноставна филозофија: дека клиентите заслужуваат најквалитетни стоки и намирници по цени што секој може да си ги дозволи.

Моментално вработува:

МАСТЕР ДАТА СПЕЦИЈАЛИСТ ВО ОДДЕЛ НАБАВКИ
КОПИРАЈТЕР / СПЕЦИЈАЛИСТ ЗА КРЕИРАЊЕ МЕДИУМСКА СОДРЖИНА
СПЕЦИЈАЛИСТ ЗА ГРИЖА ЗА ПОТРОШУВАЧИ
СПЕЦИЈАЛИСТ ЗА АНГАЖИРАНОСТ НА ВРАБОТЕНИ
СПЕЦИЈАЛИСТ ЗА ПРИВЛЕКУВАЊЕ НА ТАЛЕНТИ
СПЕЦИЈАЛИСТ ЗА СИНЏИР НА НАБАВКИ
КОНСУЛТАНТ ЗА СВЕЖИ И ЗАМРЗНАТИ ПРЕХРАНБЕНИ ПРОИЗВОДИ

ПЕКО ДОО Скопје е застапник на повеќе брендови меѓу кои и познатите: Ciciban, Planika, Paar, Imac, Nicola Benson, Stefano, Fly flot, Ara, Gabor, Zen, Alpina, Clarks, Obuca Marko, Urban fly, Walker flex, Atrai, Alberola, Girza, Legero, Fantasy, Mubb, итн.

Моментално вработува:

ПРОДАЖЕН АСИСТЕНТ ВЕЛЕС

Пивара Скопје АД е една од најстарите и најпрепознатливи компании во Македонија, со традиција што трае повеќе од 100 години. Основана во 1924 година, денес Пивара Скопје е водечки производител на пиво, безалкохолни пијалаци и вода, и горд партнер на светските брендови Coca-Cola и Heineken.

Моментално вработува:

УНАПРЕДУВАЧ НА ПАЗАРОТ - ТЕТОВО
УНАПРЕДУВАЧ НА ПАЗАРОТ - КУМАНОВО (М/Ж)
МАГАЦИОНЕР

Рамстор Македонија е една од водечките малопродажни синџири во земјата. Од своето основање во 2005 година, компанијата постојано расте и денес располага со широка мрежа на супермаркети и трговски центри низ цела Македонија.

Сите огласи од Рамстор Македонија можете да ги најдете ТУКА.

Вдл Ван Хоол Македонија Дооел Илинден, белгиски реномиран производител на автобуси, лоциран во Технолошко Индустриската Развојна Зона – Скопје 2, во Бунарџик.

Моментално вработува:

ТЕХНИЧАР ЗА ОДРЖУВАЊЕ

Компанијата А1 Македонија е член на Групацијата А1 Телеком Австрија, водечки провајдер за комуникациски и дигитални решенија во Централна и Источна Европа.

Сите огласи од А1 Македонија можете да ги најдете ТУКА.

Групацијата Виндија опфаќа 14 компании, од кои 8 се со седиште во Хрватска и 6 во соседните земји. Вработува повеќе од 4.000 луѓе. Беспрекорниот квалитет на производите на Виндија е препознаен на бројни меѓународни саеми, што со гордост ја направи компанијата добитник на бројни награди.

Моментално вработува:

ВОЗАЧ ДИСТРИБУТЕР

Штедилница Можности е финансиска институција која постои повеќе од 22 години на финансискиот пазар во Република Северна Македонија, додека почетоците на микро кредитирањето преку Можности датираат од 1996 година.

Моментално вработува:

СЛУЖБЕНИК ЗА ОДНОСИ СО КЛИЕНТИ ВО ЕКСПОЗИТУРА ГОСТИВАР

Зегин ДОО е првата приватна компанија во Република С. Македонија регистрирана за продажба на лекови.

Сите огласи од Зегин можете да ги најдете ТУКА.

Се уште невработени?! Сите останати активни работни позиции можете да ги најдете ТУКА.

Кристијан, кажете ни малку за себе и како започнавте со пицеријата?

Повеќе од 15 години сум дел од гастрономијата – професија во која не се вљубуваш по случајност, туку преку работа, дисциплина, но најмногу преку љубов кон луѓето и изобилството на вкусови. Мојата приказна започна во Малта, место кое ме научи на брзина, стандарди и интернационална услуга. Потоа продолжив во кафе бар „Martini“, каде што го надградував темпото, комуникацијата вештините во динамична средина. Следеше HomeBrew Specialty Coffee, каде ја открив уметноста на деталите и културата на квалитетот – од зрното до гостинот. Пет години работев во хотел „Панорамика“ каде стекнав стабилни знаења за организација, стандарди и секојдневна работа со голем обем. Сето ова искуство ме доведе до денешната пицерија КРЦ КРЦ, која постои речиси две години — во април го славиме нашиот втор роденден. Почнавме како партнерски бизнис, но со текот на времето интересите се променија и партнерот побара нови можности. Така продолжив сам, со уште поголема посветеност кон идејата да создадам место каде секоја пица ќе биде вистинско гастрономско искуство.

Зошто токму пицерија?
Пицата отсекогаш ми претставувала нешто повеќе од рецепт — тоа е креативност, истражување и вкус што остава впечаток. Сакав да создадам место каде луѓето ќе чувствуваат искрена љубов за вкусот, квалитетот и деталите. На крајот на денот, кој не сака парче сочна и вкусна пица?

Кои се најголемите предизвици со кои се соочивте на почетокот?
Најголем предизвик беше препознавањето на брендот. Кога си нов на пазарот, потребно е време да се изградат доверба и препознавање. Сега е веќе полесно — луѓето знаат што добиваат кај нас, знаат дека не штедиме на продукти, дека секој детаљ ни е важен и дека вложуваме во квалитетот.

Што го прави вашиот концепт на пицерија посебен и различен од другите?
Нè издвојува желбата за постојани новини во менито и континуитетот во квалитетот. Кај нас нема случајни рецепти — има стандарди, тестирање и посветеност на вкусот. Сè што излегува од кујната мора да има вкус како првиот ден — ист квалитет, исто внимание кон состојките.

Колку е важна свежината на состојките и како ги избирате производителите?
Свежината за мене е број еден правило. Имам внимателен избор на производители и работам со оние кај кои јас лично го чувствувам квалитетот и конзистентноста. Тоа е нешто што не го менувам лесно — затоа што вкусот го заслужува најдоброто.

Како го одржувате балансот помеѓу квалитет, цена и задоволство на клиентите?
Го одржувам со чесен пристап — не штедиме на материјал, но не креираме нереални цени. Вистинскиот баланс е кога клиентот добива повеќе од тоа што го плаќа, без да ја жртвуваме суштината на производот.

Какви планови имате за развој на пицеријата во иднина?
Тимот полека но сигурно расте што мене ми е особено драго да имам до себе луѓе кои ќе ја делат мојата страст кон пицата, и секако во иднина планираме да отвориме и нова локација каде уште повеќе луѓе ќе го почувствуваат вкусот на КРЦ КРЦ.

Која е вашата порака за сите кои размислуваат да започнат свој мал бизнис?
Да почнат! Не кога ќе биде лесно, не кога ќе има идеални услови — туку кога има идеја и желба. Бизнисот бара трпение, работа и верба во она што го создаваш. Ако правиш искрено и со квалитет, луѓето ќе го препознаат.