КАМ е најпрепознатливиот македонски бренд и компанија во која граѓаните имаат најголема доверба меѓу 200 најголеми домашни претпријатија формирани по осамостојувањето на Македонија, покажа новото истражување на агенцијата „Инсајдер ИД“.

Анализата е реализирана за потребите на КАМ со цел да се истражи пазарот со објективни параметри кои осигуруваат транспарентност и релевантност на резултатите. Податоците уште еднаш ја потврдуваат силата на КАМ кој во текот на изминатите 30 години изгради висока лојалност меѓу потрошувачите, доверба во квалитетот, како и препознатлива стратегија базирана на најдобар однос помеѓу цена и квалитет.

Истражувањето се заснова на прецизна методологија и опфати компании со доминантно домашно сопствеништво (над 51 отсто), имаат повеќе од 50 вработени, се дел од 200 најголеми претпријатија во државата според приход и формирани се или започнале со работа по осамостојувањето на Македонија.

Од КАМ истакнуваат дека фактот дека се на врвот на листите за најпрепознатлив бренд и компанија на која граѓаните најмногу ѝ веруваат, е потврда за нивната конзистентност.

- Со огромна благодарност и гордост ја примивме веста дека КАМ е брендот во кој граѓаните имаат најголема доверба. Токму тоа признание е најголемата потврда дека нашата посветеност и одговорен пристап се препознаени од потрошувачите. Довербата е најголемата награда за компанијата и мотив да продолжиме да вложуваме во нови технологии, да ја унапредуваме понудата и да создадаваме уште поголема вредност за граѓаните - велат од менаџерскиот тим на КАМ.

КАМ веќе 8 години по ред ја носи титулата „Префериран ланец на маркети“ според истражувањата на „Инсајдер ИД“. Во циклусот за 2024/25 година, дури 72 отсто од испитаниците ги избираат маркетите на КАМ како своја примарна дестинација за купување.

Компанијата годинава одбележува 30 години од постоењето под мотото „Секогаш прв избор“. Денес, КАМ има развиена мрежа од 86 маркети во Македонија и 26 во Бугарија, со постојана тенденција на раст и унапредување.

Тагови: Кам Доо Илинден

Македонскиот дизајнер Сатја Грабулоски, познат по својот бренд „Свитхадот“, уште еднаш го привлече светското внимание со своите уникатни и оригинални креации. Овој пат, на Формула 1 трката во Лас Вегас, неговите рачно изработени патики ги носеше светскиот диџеј Стив Аоки. Во дизајнот на патиките доминираат позиции од аниме-приказната „Хироквест“, која е исто така дело на Аоки.

Грабулоски, кој веќе има изработено четири парови патики за Аоки, ги истакнува рачната работа и уникатноста какви што никој друг пар нема. Дизајнот на овие патики не може да се репродуцира, што ги прави вистински колекционерски предмет.

Ова не е прв пат уметникот да биде забележан на меѓународната сцена, со оглед на тоа што неговите креации ги имаат носено и имиња како Новак Ѓоковиќ, Кристијано Роналдо и Дуа Липа. Секој пар од неговите патики зборува за оригиналноста и стилот кој ги импресионира и на најголемите ѕвезди.

 

 

 

 

View this post on Instagram

 

 

 

 

 

 

 

 

 

 

 

A post shared by Swithadot StudioS. (@swithadot)

Тагови: Стив Аоки Сатја Грабулоски Формула 1

Три години со ChatGPT: На 30 ноември, 2022 година, OpenAI го лансираше ChatGPT, проект кој веднаш по успехот на генераторот на слики DALL-E, брзо стана глобален феномен. Сега, по три години, виртуелниот асистент го користат над 800 милиони корисници неделно и поддржува повеќе од 20 јазици, што го прави една од најзначајните алатки на нашето време.

Работа: Со појавата на ChatGPT, многу експерти предвидеа дека вештачката интелигенција ќе влијае на загуба на работни места. Денес, веб-развивачите, преведувачите и фриленсерите се први жртви. Но, ChatGPT исто така нуди нови можности – работници во филмската индустрија го користат за пишување сценарија, а во Африка, ChatGPT им помага на земјоделците со инстант совети.

Образование: Од училници во Индија до онлајн курсеви во Африка, ChatGPT најде примена во образованиот процес. Во многу земји младите научници делат свои искуства базирани на истражувања кои ги прават со помош на AI. Сепак, не секаде интеграцијата е лесна – во Јужна Кореја, AI-проект беше вратен поради проблеми со точноста и приватноста.

Здравство: Виралниот асистент е нашироко користен за здравствени консултации, а во Јужна Кореја и како помошник за стари лица преку робот-кукли кои ги потсетуваат да земат лекови и ги алармираат во итни случаи.

Јазик и ги иднина: Иако ChatGPT е способен за повеќе јазици, има потешкотии со некои јазици како што се бенгалскиот и свахили. За да се реши овој пропуст, повеќе земји започнаа со развој на свои LLM (големи јазични модели), како што е случајот во Индонезија и Нигерија.

Тагови: ChatGPT OpenAI вештачка интелигенција

Според извештајот на Европската банка за обнова и развој (ЕБОР) од 1990 година, Албанија и Косово се двете земји кои имаат најголема емиграција на населението од посткомунистичките земји.

Во извештајот се наведува дека Албанија изгубила околу 40 отсто од своето население во периодот 1990-2023 година, само преку нето емиграција, второ највисоко ниво во Европа и во целата група економии на ЕБОР.

Од друга страна, природниот прираст бил позитивен во поголемиот дел од периодот и компензирал за околу 27 проценти од населението во 1990 година, што делумно го ублажува ударот, но недоволно за да ги неутрализира одливите. Косово, исто така, изгубило 50 отсто од населението во истиот период, што е највисоко ниво во Европа, иако имало помал природен прираст од Албанија со речиси 40 отсто, наведува албанскиот весник „Монитор“ во својата анализа.

Во извештајот се вели дека овој голем демографски јаз се претвора во значително економско оптоварување на Албанија. ЕБОР првпат го мери годишното влијание на демографијата врз растот на БДП по глава на жител. За Албанија, придонесот на населението бил негативен во периодот 2000-2023 година, со околу минус 0,2 отсто загуба на раст секоја година.

За периодот 2024 – 2050 година, се очекува влијанието да се продлабочи од минус 0,3 до минус 0,4 отсто годишно, што ја прави Албанија една од најизложените економии во целиот регион на ЕБОР. Недостатокот на работна сила, зголемувањето на бројот на стари лица и слабеењето на основата на придонеси во социјалните шеми ја ставаат економијата под постојан притисок, се наведува во анализата.

ЕБОР предупредува дека без зголемување на продуктивноста, технолошки инвестиции и политики што го спречуваат губењето на човечкиот капитал, земјите што доживуваат масовна емиграција ќе доживеат пад на нивниот долгорочен потенцијал за раст. Во извештајот се додава дека овој модел веќе има видливи последици врз пазарот на трудот, инвестициите, продуктивноста и фискалната стабилност.

Според ЕБОР, Албанија и Косово се меѓу најизложените економии во целиот регион. Дури и ако економскиот раст остане позитивен, неговото потенцијално темпо ќе биде значително пониско отколку во земјите со растечко население, како што се Турција, Египет или земјите од Централна Азија. Извештајот сугерира дека во отсуство на зголемување на продуктивноста, технолошки инвестиции, раст на човечкиот капитал и подобрување на деловната клима, масовната емиграција ќе продолжи да го попречува економскиот раст најмалку уште три децении, заклучува „Монитор“.

Тагови: Албанија Косово ЕБОР