Кристијан, кажете ни малку за себе и како започнавте со пицеријата?

Повеќе од 15 години сум дел од гастрономијата – професија во која не се вљубуваш по случајност, туку преку работа, дисциплина, но најмногу преку љубов кон луѓето и изобилството на вкусови. Мојата приказна започна во Малта, место кое ме научи на брзина, стандарди и интернационална услуга. Потоа продолжив во кафе бар „Martini“, каде што го надградував темпото, комуникацијата вештините во динамична средина. Следеше HomeBrew Specialty Coffee, каде ја открив уметноста на деталите и културата на квалитетот – од зрното до гостинот. Пет години работев во хотел „Панорамика“ каде стекнав стабилни знаења за организација, стандарди и секојдневна работа со голем обем. Сето ова искуство ме доведе до денешната пицерија КРЦ КРЦ, која постои речиси две години — во април го славиме нашиот втор роденден. Почнавме како партнерски бизнис, но со текот на времето интересите се променија и партнерот побара нови можности. Така продолжив сам, со уште поголема посветеност кон идејата да создадам место каде секоја пица ќе биде вистинско гастрономско искуство.

Зошто токму пицерија?
Пицата отсекогаш ми претставувала нешто повеќе од рецепт — тоа е креативност, истражување и вкус што остава впечаток. Сакав да создадам место каде луѓето ќе чувствуваат искрена љубов за вкусот, квалитетот и деталите. На крајот на денот, кој не сака парче сочна и вкусна пица?

Кои се најголемите предизвици со кои се соочивте на почетокот?
Најголем предизвик беше препознавањето на брендот. Кога си нов на пазарот, потребно е време да се изградат доверба и препознавање. Сега е веќе полесно — луѓето знаат што добиваат кај нас, знаат дека не штедиме на продукти, дека секој детаљ ни е важен и дека вложуваме во квалитетот.

Што го прави вашиот концепт на пицерија посебен и различен од другите?
Нè издвојува желбата за постојани новини во менито и континуитетот во квалитетот. Кај нас нема случајни рецепти — има стандарди, тестирање и посветеност на вкусот. Сè што излегува од кујната мора да има вкус како првиот ден — ист квалитет, исто внимание кон состојките.

Колку е важна свежината на состојките и како ги избирате производителите?
Свежината за мене е број еден правило. Имам внимателен избор на производители и работам со оние кај кои јас лично го чувствувам квалитетот и конзистентноста. Тоа е нешто што не го менувам лесно — затоа што вкусот го заслужува најдоброто.

Како го одржувате балансот помеѓу квалитет, цена и задоволство на клиентите?
Го одржувам со чесен пристап — не штедиме на материјал, но не креираме нереални цени. Вистинскиот баланс е кога клиентот добива повеќе од тоа што го плаќа, без да ја жртвуваме суштината на производот.

Какви планови имате за развој на пицеријата во иднина?
Тимот полека но сигурно расте што мене ми е особено драго да имам до себе луѓе кои ќе ја делат мојата страст кон пицата, и секако во иднина планираме да отвориме и нова локација каде уште повеќе луѓе ќе го почувствуваат вкусот на КРЦ КРЦ.

Која е вашата порака за сите кои размислуваат да започнат свој мал бизнис?
Да почнат! Не кога ќе биде лесно, не кога ќе има идеални услови — туку кога има идеја и желба. Бизнисот бара трпение, работа и верба во она што го создаваш. Ако правиш искрено и со квалитет, луѓето ќе го препознаат.

Токсичната работна средина ретко изгледа токсично на прв поглед. Често е обвиена во „нормализирани“ навики кои сите ги прифаќаат како дел од работата – додека тивко ја трошат вашата енергија, мотивација и здравје.

Еве неколку од најчестите невидливи навики што постепено ве носат кон прегорување:

1. „Секогаш достапен/на“ културата

Кога пораки доаѓаат и по работно време, а одговорот се очекува веднаш – тоа не е посветеност, туку притисок. Оваа навика го брише границите меѓу работа и личен живот и води до хроничен стрес.

2. Микроменаџмент маскиран како „поддршка“

Кога секоја задача мора да биде проверена, коригирана или преправена од некој друг, тоа создава чувство на недоверба. Вработените се чувствуваат како да чекорат по јајца, што ја намалува креативноста и ја зголемува анксиозноста.

3. Наградување на прегорувањето

Кога херој е оној што работи до доцна, пропушта паузи и „сè може“ – компанијата несвесно го слави нездравиот модел. Ова брзо ги исцрпува луѓето, а ефектите се чувствуваат и на тимско ниво.

4. Токсична позитивност

„Секогаш насмеан“, „Нема место за негативност“ звучи убаво – но често е опасно. Кога вработените се плашат да кажат дека нешто не функционира, се создава средина каде проблемите се заташкуваат наместо решаваат.

5. Неможност да се каже „не“

Ако одбивањето задача се гледа како слабост или непрофесионалност, се гради култура на преоптоварување. Со време, ова води до демотивација и намалена продуктивност.

6. Невидлива конкуренција меѓу колеги

Кога никој не споделува знаење, а секој се плаши да не изгледа „помалку способен“, се создава студена, индивидуалистичка атмосфера што ги уништува тимските односи.

Како да излезете од токсичниот круг?

Првиот чекор е препознавање. Вториот – поставување граници. трет – разговор со претпоставениот или HR. Токсичната култура не се менува преку ноќ, но секој мал потег е чекор кон поздраво работно секојдневие.

Прочитајте и за: Вистинскиот успех денес: Да имаш време и за себе

Тагови: HR совети за работа токсично работно место

Европол информира дека во голема предбожиќна акција се запленети околу осум милиони фалсификувани и потенцијално опасни играчки во 26 европски земји. Според агенцијата, најголем дел од овие производи воопшто не ги исполнувале строгите безбедносни стандарди на Европската Унија за детски играчки.

Меѓу запленетите артикли имало лажни кукли, комплети за боење, играчки-возила, коцки и кадифени фигури, од кои дел претставувале ризик од пожар или други сериозни опасности. Во последните две години ова е втора голема операција, а вкупно конфискуваните играчки – најчесто со потекло од Кина – достигнале речиси 17 милиони. Европол предупредува дека дел од нив можат да предизвикаат задушување, повреди, изгореници или изложеност на штетни и канцерогени хемиски материи.

Во пресрет на празниците, Европол ги поттикнува родителите да бидат особено внимателни при изборот на подароци за своите деца. Нивната препорака е купувањето да се врши исклучиво од проверени и доверливи продавачи, како мерка за избегнување на потенцијално опасни производи.

Тагови: божиќ деца празници Европол играчки

Во Македонија годинава е регистриран пад на бројот на склучени бракови, додека истовремено расте бројот на разведени бракови, покажуваат најновите податоци на државната статистика. Трендот, кој трае со години, укажува на постепено слабеење на институцијата брак и промена во семејните и општествените вредности.

Според објавените бројки, се бележи значително помалку нови бракови во споредба со истиот период лани, додека процентот на разводи продолжува да расте. Експертите како главни причини ги посочуваат економската несигурност, масовната миграција на младите, но и променетите животни приоритети, при што сè повеќе парови одлучуваат да живеат заедно без формално да стапат во брак.

Социолозите предупредуваат дека ваквиот тренд може да има долгорочни последици врз демографската слика на земјата, особено ако се земе предвид и веќе намалениот наталитет. Тие препорачуваат институциите да креираат целни мерки за поддршка на младите семејства – од подобри услови за вработување и станбено обезбедување, до пофлексибилни семејни и социјални политики.

Тагови: брак Македонци