При печење храна, изборот на хартија за печење може да направи поголема разлика отколку што изгледа на прв поглед. Најчесто се среќаваат две варијанти – бела и кафеава хартија за печење. Иако намената им е иста, меѓу нив постојат неколку важни разлики што влијаат на здравјето, издржливоста и резултатот при печење.

5 разлики меѓу бела и кафеава хартија за печење

Процес на производство

Бeлата хартија најчесто се избелува со хемиски процеси, додека кафеавата обично е неизбелена и помалку обработена.

Состав и природност

Кафеавата хартија се смета за поприродна опција, бидејќи содржи помалку хемикалии во споредба со белата.

Отпорност на висока температура

Кафеавата хартија често е поотпорна на високи температури и поретко потемнува или гори при подолго печење.

Влијание врз здравјето

Поради отсуството на избелувачи, кафеавата хартија се смета за побезбедна за секојдневна употреба, особено при често готвење.

Изглед и еколошки аспект

Белата хартија има поуреден и „почист“ изглед, додека кафеавата е поеколошка и почесто се рециклира.

И двете хартија за печење ја вршат истата основна функција, но кафеавата нуди поприродна и поеколошка алтернатива, особено за оние што внимаваат на здравјето и одржливоста. Белата, пак, е практична и естетска, но изборот на крај зависи од вашите приоритети во кујната.

Тагови: брза храна здрава храна здравје хартија за печење бела кафеава

Уште од првата година од нашето постоење, а денес веќе повеќе од 5 години присутни на македонскиот пазар, формиравме едно посебно и многу престижно друштво – „Club of Excellence“.

Идејата на клубот е, со самото членство, да им се оддаде признание на најдобрите меѓу нас: најдобрите не само во смисла на работни резултати, туку и во својата суштина – како колеги, тимски играчи, најдобри во секој поглед.

Токму овие луѓе се камен-темелникот на Agile Pro Solutions – моторот што ни овозможува стабилна сегашност и сигурна иднина. Секој од нив е работник, колега и пријател на кој мораме да бидеме горди.

2025 Club of Excellence Team

Уште едно признание за најдобрите меѓу нас е „Employee of the Quarter“. На секое тромесечие, еден од нашите вработени добива признание дека во тој период постигнал исклучителни резултати и дека претставува пример за целата компанија.

Agile Pro Solutions е компанија во која сте ценети и почитувани, а секој ваш квалитет е препознаен и негуван. Затоа, погледнете ги нашите отворени позиции и, доколку се препознаете во некоја од нив, аплицирајте.

Ве очекуваме.

Тагови: Agile Pro Solutions

Во дигиталната ера, работодавачите повеќе не се единствените што „бираат“. Денес, кандидатите внимателно ги анализираат компаниите, исто како што потрошувачите споредуваат брендови пред да купат производ. Работодавачкиот бренд стана одлучувачки фактор во трката по таленти.

Првиот контакт е онлајн

Пред да аплицираат, кандидатите истражуваат: веб-страница, огласи за работа, LinkedIn профил, социјални мрежи, па дури и коментари од поранешни вработени. Неконзистентна комуникација, застарен веб или нејасни огласи веднаш создаваат недоверба.

Искуството на кандидатот е новото „корисничко искуство“

Комплицирани апликации, долги процеси и молк по интервју се еднакви на лошо корисничко искуство. Компаниите што вложуваат во јасен, брз и транспарентен процес оставаат впечаток на професионалност и почит – вредности што кандидатите ги ценат.

Вредностите продаваат повеќе од платата

Платата е важна, но не е единствениот мотиватор. Кандидатите сакаат да знаат: Каква е културата? Како се третираат вработените? Има ли можност за развој? Компаниите што автентично ги комуницираат своите вредности привлекуваат луѓе што се подготвени да останат на долг рок.

Вработените се најсилните амбасадори

Реалните приказни од вработени имаат поголема тежина од било која маркетинг кампања. Кога тимот зборува позитивно за работното место, работодавачкиот бренд станува кредибилен и привлечен.

Работодавачкиот бренд е инвестиција, не тренд

Компаниите со силен employer brand полесно привлекуваат квалитетни кандидати, имаат пониска флуктуација и подобра репутација на пазарот. Во време на недостиг на таленти, тоа е конкурентска предност што директно влијае врз растот.

Денес, кандидатите не аплицираат импулсивно. Тие избираат компании исто како брендови – со споредување, очекувања и јасни критериуми. Компаниите што тоа ќе го разберат, ќе ги добијат најдобрите луѓе.

Прочитајте и за: Од отказ до лојалност: Како добриот onboarding го спасува кадарот

Тагови: HR трендови

Низ булеварите во Скопје веќе почнаа да се поставуваат информативни табли со кои се известува дека сообраќајот е под видео надзор, како дел од имплементацијата на системот „Сејф сити“, кој треба целосно да профункционира од 1 февруари.

За правосилно стапување во сила на казнувањето преку камерите, неопходни се измени на Законот за прекршоци, за кои е потребно двотретинско мнозинство во Собранието. Токму овој закон се очекува да биде првиот конкретен резултат од позитивната атмосфера по одржаната лидерска средба.

На вчерашната координација на пратеничките групи била постигната согласност ДУИ да ги поддржи измените во Законот за прекршоци, со што се отвора патот камерите на сообраќајниците да почнат со правосилна примена од 1 февруари. Изгласувањето на законските измени, според најавите, најверојатно ќе се случи во текот на следната недела.

Паралелно со ова, денеска во Собранието, Комисијата за политички систем и односи меѓу заедниците на својата 51. седница ќе одржи јавна расправа по Предлог-законот за изменување и дополнување на Кривичниот законик. Со предложените измени, како што се наведува, ќе се отстранат воочените слабости во постојните законски решенија, особено во делот на заострување на казнената политика со цел повторно зајакнување на нејзината превентивна и репресивна функција.

Во образложението се наведува дека измените се изработени врз основа на компаративна анализа подготвена во Собранието, како и во согласност со забелешките од Извештајот на Европската комисија за 2023 година, со цел зајакнување на борбата против високата корупција.

Предлог-законот предвидува и воведување ново кривично дело – „злоупотреба на туѓа снимка, фотографија, аудио запис или спис со сексуално-експлицитна содржина“, со што како примарен објект на заштита се поставува приватноста на граѓаните.

Дополнително, со измените се проширува примената на проширената конфискација, се врши усогласување со Истанбулската конвенција, особено во делот на родово-базираното и семејното насилство, како и се воведуваат нови облици кај кривичното дело „трговија со дете“, со цел поефикасна борба против злоупотребата и питачењето.

Во пакетот измени се опфатени и кривичните дела против безбедноста во сообраќајот и одземањето предмети, кои се директно поврзани со имплементацијата на проектот „Сејф сити“.

Тагови: казни Сејф сити - Безбеден град Скопје