Во време кога задржувањето на квалитетни кадри е еден од најголемите HR предизвици, сè повеќе компании сфаќаат дека клучот не е само во платата или бенефитите, туку во првите денови на новиот вработен. Лошиот onboarding е една од најчестите причини зошто вработените си заминуваат уште во првите 3 - 6 месеци.

Првиот впечаток не се повторува

Onboarding не започнува првиот работен ден, туку од моментот кога кандидатот ќе ја прифати понудата. Јасна комуникација, навремени информации и чувство дека се очекувани прават новиот вработен да се чувствува сигурно и мотивирано, наместо изгубено и несигурно.

Структура наместо хаос

Компаниите што имаат јасно дефиниран onboarding план – со чекори, цели и одговорни лица – значително ја намалуваат флуктуацијата. Запознавање со тимот, културата, очекувањата и алатките уште во првите денови создава чувство на припадност и контрола.

Менторството гради доверба

Доделувањето ментор или „buddy“ им помага на новите вработени побрзо да се вклопат. Наместо страв од прашања, тие добиваат личност на која можат да се потпрат, што директно влијае на нивната самодоверба и перформанс.

Feedback уште од старт

Редовниот feedback во првите недели покажува дека компанијата се грижи за развојот на вработениот. Кога луѓето знаат каде стојат и што се очекува од нив, шансите за незадоволство и брз отказ драстично се намалуваат.

Onboarding како инвестиција, не трошок

Компаниите што вложуваат во квалитетен onboarding добиваат лојални, ангажирани и продуктивни вработени. Наместо постојано регрутирање поради рани откази, тие градат стабилни тимови и силен employer brand.

Во модерниот HR, onboarding повеќе не е формалност. Тој е стратегиска алатка што го претвора потенцијалниот отказ во долгорочна лојалност.

Прочитај и за: Skills-First: Зошто вештините стануваат поважни од дипломите во регрутацијата и развојот на кариера

Тагови: HR трендови

Успешниот работен тим не се мотивира само со резултати и бонуси. Кога тимот веќе постигнува добри резултати, вистинскиот предизвик е како да се задржи енергијата, фокусот и желбата за напредок. Еве 7 докажани совети што им помагаат на лидерите да ја одржат мотивацијата на високо ниво.

1. Признајте го успехот – јавно и искрено

Луѓето сакаат да знаат дека нивниот труд е забележан. Јавното признание, пофалбата на состанок или едноставно „браво“ во вистински момент имаат огромен ефект врз мотивацијата.

2. Поставувајте нови предизвици

Кога нема предизвик, мотивацијата паѓа. Дајте им на успешните вработени нови цели, проекти или одговорности што ќе ги поттикнат да излезат од комфор зоната.

3. Вклучете го тимот во донесување одлуки

Кога вработените имаат глас, тие чувствуваат поголема припадност и одговорност. Прашајте ги за мислење, идеи и решенија – често тие знаат што најдобро функционира.

4. Инвестирајте во нивен развој

Обуки, менторство и можности за учење се силен мотиватор. Тим кој гледа перспектива за раст е тим што останува ангажиран и лојален.

5. Одржувајте здрава работна атмосфера

Мотивацијата не може да опстои во токсична средина. Поттикнувајте отворена комуникација, меѓусебна почит и баланс помеѓу работата и приватниот живот.

6. Дајте автономија и доверба

Контролата ја убива мотивацијата. Дозволете му на тимот самостојно да организира задачи и да носи одлуки – довербата создава чувство на вредност и одговорност.

7. Поврзете ја работата со поголема цел

Луѓето се мотивирани кога знаат зошто работат. Покажете како нивниот труд придонесува за успехот на компанијата, тимот или за пошироката заедница.

Мотивирањето на успешен работен тим не е еднократна акција, туку континуиран процес. Кога лидерите инвестираат во луѓето, резултатите доаѓаат природно.

Прочитајте и за: Како работната средина влијае врз нивото на стрес.

Тагови: совети за работа

Нуркачите од Нуркачкиот центар АМФОРА традиционално кај Музејот на вода го запалија василичарскиот оган под вода и ја најавија Стара нова година.

Со ова нуркачите од АМФОРА на православните христијани им ја честитаат Стара нова година и Василица и се вклучуваат во организацијата во празнување на претстојните празници Богојавленије Водици и Св. Јован крстител – денот на рибарите во Охрид. 

Тагови: василица Охрид Охридско Езеро

Скопје како главен град и економски центар на Македонија нуди широк спектар на можности за вработување во разни индустрии и сектори. Во последно време, пазарот на трудот во Скопје забележува зголемена побарувачка за професионалци од различни области, од технологија и маркетинг до угостителство и администрација. 

Еве некои од најновите и најпопуларни огласи за работа во градот:

Помошник готвач/ка
Доктор - Специјалист по Оториноларингологија
Лабораториски техничар
Деловен секретар
Супервизор на ресторан/ F&B Supervisor

Останатите оглси за во Скопје можете да ги најдете ТУКА.

Прочитајте и за: Огласи за работа во Охрид!