Во Македонија, правото на боледување е регулирано со Законот за работни односи и други релевантни прописи, обезбедувајќи финансиска поддршка за вработените за време на нивната привремена спреченост за работа поради болест или повреда. Согласно најновите информации за 2025 година, боледувањето може да трае онолку колку што е медицински неопходно, при што се применуваат различни стапки на надоместок во зависност од времетраењето на отсуството.

За боледување до 7 работни дена, вработените имаат право на 70% од нивната редовна плата, исплатена од страна на работодавачот. Ако боледувањето трае од 8 до 15 дена, надоместокот се зголемува на 80%. За периоди подолги од 15 дена, вработените добиваат 90% од нивната редовна плата. Работодавачот е одговорен за исплата на надоместокот за првите 30 дена на боледување. По истекот на овој период, надоместокот се исплаќа од страна на Фондот за здравствено осигурување. За да се оствари правото на боледување, потребно е да се достави соодветен медицински сертификат од овластен лекар.

Важно е да се напомене дека нема годишно ограничување за бројот на денови на боледување, сè додека постои валидна медицинска потврда за спреченост за работа. Овие одредби се однесуваат на сите вработени, без разлика на нивниот работен статус.

Тагови: здравје Министерството за здравство боледување

KARIERA.mk во пријатна пролетна атмосфера на 28.05.2025 во друштво на реномирани компании и млади таленти зема учество на JobFair 25, организиран од Семос Едукација и Career Center by Semos Education.

Имавме можност да поразговараме и со искусни професионалци, и со млади кои штотуку го почнуваат својот кариерен пат - сите исполнети со ентузијазам и интересни перспективи! 

Како и времето што не поддржа, така и овој настан претставува вистинска можност за сите кои сакаат да ги откријат своите потенцијали и да направат чекор напред во кариерата. 

Честитки до Semos Education за одличната организација и уште едно успешно издание! 

Погледнете де од атмосферата, воприлог галерија од слики:

Тагови: Кариера Онлајн

Алкохолот се враќа во Саудиска Арабија по 74 години, ќе се служи на Светското првенство.

Имено, лидерите на оваа земја планираат официјално да ја укинат забраната за консумирање алкохол почнувајќи од следната година. Оваа историска одлука означува крај на 74-годишната забрана, која во еден период вклучуваше јавно камшикување како казна за прекршителите.

Според владините најави, алкохолот ќе биде дозволен само во 600 специјално назначени туристички зони, кои вклучуваат луксузни хотели, одморалишта и лиценцирани објекти наменети за меѓународни посетители. Оваа промена е дел од поширока стратегија за подготовка за Експо 2030 и Светското првенство во фудбал во 2034 година, кое ќе се одржи во Саудиска Арабија.

Тагови: алкохолот Саудиска Арабија Светското првенство фудбал

Илон Маск објави дека ја напушта администрацијата на Доналд Трамп, каде што ја водеше новосоздадената канцеларија за намалување на трошоците на американската влада. Во неговиот мандат, стотици илјади вработени беа отпуштени или прераспоредени. Маск му се заблагодари на Трамп за можноста во објава на неговата платформата X.

Според Би-Би-Си, Белата куќа го започна процесот за негово заминување од позицијата „специјален владин службеник“, што му дозволуваше да извршува федерални работи до 130 дена годишно. Позицијата беше привремена, но времето на неговото заминување е значајно бидејќи тој го критикуваше новиот законодавен проект на администрацијата.

Маск додаде дека иако неговиот мандат завршува, мисијата на Канцеларијата за ефикасност на владата ќе продолжи да зајакнува со времето. „Мисијата на DOGE само ќе станува посилна со текот на времето, бидејќи станува начин на живот низ целата влада“, изјави тој.

Тагови: Доналд Трамп Елон Маск Би-Би-Си