Уште од првата година од нашето постоење, а денес веќе повеќе од 5 години присутни на македонскиот пазар, формиравме едно посебно и многу престижно друштво – „Club of Excellence“.

Идејата на клубот е, со самото членство, да им се оддаде признание на најдобрите меѓу нас: најдобрите не само во смисла на работни резултати, туку и во својата суштина – како колеги, тимски играчи, најдобри во секој поглед.

Токму овие луѓе се камен-темелникот на Agile Pro Solutions – моторот што ни овозможува стабилна сегашност и сигурна иднина. Секој од нив е работник, колега и пријател на кој мораме да бидеме горди.

2025 Club of Excellence Team

Уште едно признание за најдобрите меѓу нас е „Employee of the Quarter“. На секое тромесечие, еден од нашите вработени добива признание дека во тој период постигнал исклучителни резултати и дека претставува пример за целата компанија.

Agile Pro Solutions е компанија во која сте ценети и почитувани, а секој ваш квалитет е препознаен и негуван. Затоа, погледнете ги нашите отворени позиции и, доколку се препознаете во некоја од нив, аплицирајте.

Ве очекуваме.

Тагови: Agile Pro Solutions

Во дигиталната ера, работодавачите повеќе не се единствените што „бираат“. Денес, кандидатите внимателно ги анализираат компаниите, исто како што потрошувачите споредуваат брендови пред да купат производ. Работодавачкиот бренд стана одлучувачки фактор во трката по таленти.

Првиот контакт е онлајн

Пред да аплицираат, кандидатите истражуваат: веб-страница, огласи за работа, LinkedIn профил, социјални мрежи, па дури и коментари од поранешни вработени. Неконзистентна комуникација, застарен веб или нејасни огласи веднаш создаваат недоверба.

Искуството на кандидатот е новото „корисничко искуство“

Комплицирани апликации, долги процеси и молк по интервју се еднакви на лошо корисничко искуство. Компаниите што вложуваат во јасен, брз и транспарентен процес оставаат впечаток на професионалност и почит – вредности што кандидатите ги ценат.

Вредностите продаваат повеќе од платата

Платата е важна, но не е единствениот мотиватор. Кандидатите сакаат да знаат: Каква е културата? Како се третираат вработените? Има ли можност за развој? Компаниите што автентично ги комуницираат своите вредности привлекуваат луѓе што се подготвени да останат на долг рок.

Вработените се најсилните амбасадори

Реалните приказни од вработени имаат поголема тежина од било која маркетинг кампања. Кога тимот зборува позитивно за работното место, работодавачкиот бренд станува кредибилен и привлечен.

Работодавачкиот бренд е инвестиција, не тренд

Компаниите со силен employer brand полесно привлекуваат квалитетни кандидати, имаат пониска флуктуација и подобра репутација на пазарот. Во време на недостиг на таленти, тоа е конкурентска предност што директно влијае врз растот.

Денес, кандидатите не аплицираат импулсивно. Тие избираат компании исто како брендови – со споредување, очекувања и јасни критериуми. Компаниите што тоа ќе го разберат, ќе ги добијат најдобрите луѓе.

Прочитајте и за: Од отказ до лојалност: Како добриот onboarding го спасува кадарот

Тагови: HR трендови

Низ булеварите во Скопје веќе почнаа да се поставуваат информативни табли со кои се известува дека сообраќајот е под видео надзор, како дел од имплементацијата на системот „Сејф сити“, кој треба целосно да профункционира од 1 февруари.

За правосилно стапување во сила на казнувањето преку камерите, неопходни се измени на Законот за прекршоци, за кои е потребно двотретинско мнозинство во Собранието. Токму овој закон се очекува да биде првиот конкретен резултат од позитивната атмосфера по одржаната лидерска средба.

На вчерашната координација на пратеничките групи била постигната согласност ДУИ да ги поддржи измените во Законот за прекршоци, со што се отвора патот камерите на сообраќајниците да почнат со правосилна примена од 1 февруари. Изгласувањето на законските измени, според најавите, најверојатно ќе се случи во текот на следната недела.

Паралелно со ова, денеска во Собранието, Комисијата за политички систем и односи меѓу заедниците на својата 51. седница ќе одржи јавна расправа по Предлог-законот за изменување и дополнување на Кривичниот законик. Со предложените измени, како што се наведува, ќе се отстранат воочените слабости во постојните законски решенија, особено во делот на заострување на казнената политика со цел повторно зајакнување на нејзината превентивна и репресивна функција.

Во образложението се наведува дека измените се изработени врз основа на компаративна анализа подготвена во Собранието, како и во согласност со забелешките од Извештајот на Европската комисија за 2023 година, со цел зајакнување на борбата против високата корупција.

Предлог-законот предвидува и воведување ново кривично дело – „злоупотреба на туѓа снимка, фотографија, аудио запис или спис со сексуално-експлицитна содржина“, со што како примарен објект на заштита се поставува приватноста на граѓаните.

Дополнително, со измените се проширува примената на проширената конфискација, се врши усогласување со Истанбулската конвенција, особено во делот на родово-базираното и семејното насилство, како и се воведуваат нови облици кај кривичното дело „трговија со дете“, со цел поефикасна борба против злоупотребата и питачењето.

Во пакетот измени се опфатени и кривичните дела против безбедноста во сообраќајот и одземањето предмети, кои се директно поврзани со имплементацијата на проектот „Сејф сити“.

Тагови: казни Сејф сити - Безбеден град Скопје

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

Грант Торнтон Северна Македонија е дел од глобалната мрежа на Грант Торнтон Интернационал составена од независни ревизорски, даночни и советодавни фирми, со преку 73.000 луѓе во над 149 земји во светот. Ние сме тим од независни професионалци кои го ставаат квалитетот, инклузијата и интегритетот на прво место.

Моментално вработува:

ПЛАТЕНА ПРАКСА ВО СМЕТКОВОДСТВО И ФИНАНСИИ
СМЕТКОВОДИТЕЛ

Студио Модерна Дооел Скопје е дел од водечката мулти-канална компанија Studio Moderna, која повеќе од 25 години успешно работи на македонскиот пазар како продажна и маркетинг компанија во малопродажба. Присутна е преку мрежа од 20+ продажни локации, дигитална платформа и Call Center каде што обезбедува одлично корисничко искуство за купувачите.

Моментално вработува:

АГЕНТ ЗА ПРОДАЖБА

Лидл е семеен бизнис заснован на едноставна филозофија: дека клиентите заслужуваат најквалитетни стоки и намирници по цени што секој може да си ги дозволи.

Моментално вработува:

СПЕЦИЈАЛИСТ ЗА СИНЏИР НА НАБАВКИ
ЦАРИНСКИ ДЕКЛАРАНТ (БЕЗ ЛИЦЕНЦА)
КОНСУЛТАНТ ЗА СВЕЖИ И ЗАМРЗНАТИ ПРЕХРАНБЕНИ ПРОИЗВОДИ
СПЕЦИЈАЛИСТ ЗА ПРИВЛЕКУВАЊЕ НА ТАЛЕНТИ
МАСТЕР ДАТА СПЕЦИЈАЛИСТ ВО ОДДЕЛ НАБАВКИ

B Watch 1920 е македонска компанија со долга традиција во продажба и сервис на часовници и накит. Нуди богата палета од познати светски брендови и професионална услуга преку своите салони низ Македонија.

Моментално вработува:

AСИСТЕНТ ЗА ПРОДАЖБА - СКОПЈЕ

Жито Маркети располага со над 70 маркети распространети низ цела територија на нашата држава.

Сите огласи од Жито Маркети можете да ги најдете ТУКА.

Рамстор Македонија е една од водечките малопродажни синџири во земјата. Од своето основање во 2005 година, компанијата постојано расте и денес располага со широка мрежа на супермаркети и трговски центри низ цела Македонија.

Сите огласи од Рамстор Македонија можете да ги најдете ТУКА.

Вдл Ван Хоол Македонија Дооел Илинден, белгиски реномиран производител на автобуси, лоциран во Технолошко Индустриската Развојна Зона – Скопје 2, во Бунарџик.

Моментално вработува:

ЕЛЕКТРОИНЖЕНЕР ВО СЕКТОР ЗА ПРОИЗВОДСТВЕН ИНЖЕНЕРИНГ
РЕФЕРЕНТ ЗА НАБАВКИ

Компанијата А1 Македонија е член на Групацијата А1 Телеком Австрија, водечки провајдер за комуникациски и дигитални решенија во Централна и Источна Европа.

Сите огласи од А1 Македонија можете да ги најдете ТУКА.

Групацијата Виндија опфаќа 14 компании, од кои 8 се со седиште во Хрватска и 6 во соседните земји. Вработува повеќе од 4.000 луѓе. Беспрекорниот квалитет на производите на Виндија е препознаен на бројни меѓународни саеми, што со гордост ја направи компанијата добитник на бројни награди.

Моментално вработува:

ВОЗАЧ ДИСТРИБУТЕР

Нептун е најголемата малопродажна и дистрибутивна мрежа на производи од бела техника, апарати за домаќинство, ТВ/Аудио/Видео, компјутери, телефони, фото апарати и камери, производи за нега и убавина, ладење и греење, во Македонијa.

Моментално вработува:

СПЕЦИЈАЛИСТ ЗА ОБУКА И РАЗВОЈ
РАКОВОДИТЕЛ НА ЛОГИСТИКА
ПРОДУКТ МЕНАЏЕР
АДМИНИСТРАТОР ЗА УПРАВУВАЊЕ СО ПРОИЗВОДИ
МЕНАЏЕР ЗА Б2Б ПРОДАЖБА

Зегин ДОО е првата приватна компанија во Република С. Македонија регистрирана за продажба на лекови.

Сите огласи од Зегин можете да ги најдете ТУКА.

Се уште невработени?! Сите останати активни работни позиции можете да ги најдете ТУКА.