Во многу компании, неплатените часови не доаѓаат со директна наредба. Наместо тоа, постои „тивок притисок“ - суптилни очекувања, култура на постојана достапност и чувство дека „ако не останеш подолго, не си доволно посветен“. Овој модел постепено станува нормален, а границата меѓу професионалност и експлоатација се брише.

Како изгледа тивкиот притисок?

• „Само уште ова да го завршиме“ - фраза што редовно го продолжува работниот ден
• Пораки и мејлови надвор од работно време со очекување за брз одговор
• Колеги што постојано остануваат подолго - па се создава „норма“
• Менаџери што наградуваат присуство, не продуктивност
• Страв дека ќе изгледаш „неангажиран“ ако си заминеш на време

Со тек на време, ова не се доживува како исклучок, туку како правило.

Зошто луѓето прифаќаат да работат бесплатно?

• Страв од губење работа
• Желба за напредок („ќе се исплати подоцна“)
• Лојалност кон тимот
• Недефинирани работни граници
• Култура што го слави „прегорувањето“ како успех

Како да се заштитиш – практични совети

1. Постави јасни граници

Дефинирај кога завршува твојот работен ден и почитувај го тоа. Не мора да објаснуваш секој пат зошто си заминуваш на време.

Пример: „Ќе продолжам утре наутро, за да го завршам со свеж фокус.“

2. Не нормализирај итност што не е итна

Не секоја задача е „итна“. Прашај:

• Дали ова навистина мора денес?
• Што се случува ако се заврши утре?

3. Води евиденција за прекувремена работа

Запишувај ги дополнителните часови. Ова ти дава основа ако треба да разговараш со менаџер или HR.

4. Комуницирај проактивно

Ако работата редовно излегува од контрола, кажи го тоа.

Пример: „Во последно време имам повеќе задачи отколку што може да се завршат во работно време. Можеме ли да приоритизираме?“

5. Научи да кажеш „не“ (професионално)

Одбивањето не значи непрофесионалност туку зрелост.

Пример: „Можам да го преземам ова, но ќе треба да одложиме друга задача.“

6. Не дозволувај „културата“ да ти диктира вредност

Само затоа што сите остануваат подолго, не значи дека тоа е правилно. Вредноста на работникот не се мери со бројот на поминати часови, туку со резултатите.

7. Препознај кога е време за промена

Ако неплатената работа е системска и нема слух за промени можеби проблемот не си ти, туку организацијата.

Тивкиот притисок е опасен затоа што не се гледа веднаш но со тек на време води до исцрпеност, незадоволство и прегорување. Поставувањето граници не те прави помалку вреден работник - туку професионалец што знае да го цени својот труд. Работата е важна, но не треба да доаѓа по цена на твоето време, здравје и живот.

Прочитајте и за: Моќта на зборовите: Како комуникацијата ја обликува вашата кариера

Тагови: совети за работа

Македонија е подготвена да стане првата земја во регионот што ќе ги исполни обврските за укинување на дополнителните трошоци за роаминг во Европската Унија, најави министерот за дигитална трансформација Стефан Андоновски. Во гостување во емисијата „Клик Плус“ на ТВ21, тој истакна дека граѓаните во иднина нема да плаќаат дополнително за повици, пораки и интернет додека престојуваат во земјите членки на ЕУ.

Андоновски рече дека земјата веќе го завршила својот дел од обврските и го испратила законскиот текст до Европската Унија на мислење, по што следува негово усвојување во Собранието. Иако во меѓувреме пристигнале нови прашања од Брисел, министерот нагласи дека планот останува ист и дека институциите се подготвени да ја финализираат потребната регулатива, со цел балканскиот модел за роаминг да се преслика и во односите со ЕУ.

Осврнувајќи се и на евроинтегративниот процес, Андоновски порача дека државата не се откажува од европскиот пат и продолжува со реформите, но потенцираше дека секој нареден чекор мора да биде проследен со јасни гаранции. Според него, Македонија ги исполнува задачите што ѝ се поставени, додека истовремено инсистира националните интереси да не бидат доведени во прашање.

Тагови: ЕУ Регион роаминг

Променливо облачно време со повремени локални врнежи од дожд со слаб интензитет. Ќе дува слаб до умерен ветер од северен правец, а на одредени места дожд Повардарието повремено ќе се засилува.

Во Скопје се очекува променлива облачност со повремени слаби врнежи од дожд, проследени со слаб до умерен ветер од север.

Временска прогноза за Скопје. За другите градови кликни ТУКА.

3.4.2026 Петок   9° / 13° 08:14   21:04

4.4.2026 Сабота   7° / 15° 08:12   21:05

5.4.2026 Недела   4° / 19° 08:11   21:06

Новата емисија „Од нула“ ја започнува својата приказна со гостинка која го спојува маркетинг искуството со чистата креативност. Данче Азманова Мирчевска, авторката на сликовницата „Време е за Даро!“, низ искрен разговор ги открива деталите од својот креативен процес.

Инспирирана од реалноста, таа успева да го преточи својот истражувачки труд во приказна напишана „во еден здив“. Фокусот е ставен на една од најгорливите теми на денешницата – зависноста од мобилните телефони и сè помалото количество квалитетно време кое родителите го поминуваат со своите најмали.

Што ќе научите од овој разговор?

• Како темелното истражување помага во креирање на порака која допира до срцата.
• Зошто е важно да се поттикне свесноста за семејните вредности во дигиталната ера.
• Која е симболиката на „малото крзнено пријателче“ во процесот на поврзување со децата.

Денес, патот на Данче продолжува низ проекти со подлабока цел, насочени кон инспирирање промени во начинот на кој ги воспитуваме идните генерации.

Тагови: Време е за Даро креативност Од нула сликовница уметност