Со доаѓањето на новата сезона, модата повторно добива свежи бои и парчиња што лесно можат да го освежат секој гардеробер. Наместо целосна промена, доволни се неколку внимателно избрани елементи за да изгледате модерно и во чекор со трендовите. Оваа сезона акцентот е на едноставност, удобност и впечатливи нијанси.

Беж и земјени тонови

Неутралните бои повторно се во фокус, особено беж, крем и светло кафеави нијанси. Овие тонови лесно се комбинираат и даваат елегантен, минималистички изглед кој одговара и за работа и за секојдневие.
 

Oversized кошули

Широките кошули се вистински хит – удобни, практични и стилски. Може да се носат со фармерки, панталони или дури и како фустан, што ги прави идеални за различни комбинации.

Светло сина боја

Светло сината носи свежина и леснотија во секој outfit. Без разлика дали станува збор за кошула, фустан или моден додаток, оваа боја веднаш привлекува внимание и дава модерна нота.

Со правилен избор на бои и неколку клучни парчиња, секој може лесно да го освежи својот стил без големи вложувања. Трендовите оваа сезона покажуваат дека модата не мора да биде комплицирана – доволно е да се чувствувате удобно и самоуверено во она што го носите.

Тагови: мода пролет уметност

Дали лојалноста кон една компанија е доблест – или ризик за вашиот кариерен раст?

Ова прашање сè почесто се поставува, особено во време кога пазарот на труд се менува побрзо од кога било. Некогаш важеше правилото „остани и гради кариера“, денес сè повеќе професионалци избираат динамика наместо стабилност.

Но, која е вистинската мерка?

Што вели практиката?

Во просек, професионалците денес ја менуваат работата на секои:

• 2 - 3 години во динамични индустрии (ИТ, маркетинг, стартапи)
• 3 - 5 години во постабилни сектори
• Премногу чести промени (на пр. секоја година) може да остават впечаток на нестабилност.
• Но, предолго останување може да значи стагнација.

Кога е време за промена?

Размислете за нова работа ако:

• Не учите ништо ново веќе подолго време
• Нема простор за напредување
• Платата и бенефитите не се конкурентни
• Мотивацијата ви е значително намалена
• Вашите вештини не се развиваат

Ако се препознавате во 2–3 од овие точки веројатно сте подготвени за следниот чекор.

Дали честото менување значи побрз раст? Често - да.

Менувањето работа може да донесе:

• Поголема плата
• Нови вештини
• Подобра позиција
• Поширока професионална мрежа

Но, само ако промените се стратешки, а не импулсивни.

Балансот е клучен

Најуспешните кариери не се градат со постојано бегање ниту со слепа лојалност.

• Останете доволно долго за да создадете вредност
• Заминувајте кога ќе престанете да растете

Не постои „совршен тајминг“ што важи за сите. Но постои едно правило што ретко греши: Ако не растете време е за промена.

Прочитајте и за: Македонските компании и бенефити: Каде сме во споредба со Европа?

Тагови: HR трендови

Жичницата на Водно нема да продолжи со работа поради неповолни временски услови, информираа денеска од ЈСП Скопје.

Јавното сообраќајно претпријатие - ЈСП Скопје ги известува своите корисници дека поради дожд и засилен ветер, кој ги надминува дозволените безбедносни граници, жичницата е ставена вон функција, истакнаа од ЈСП.

Од таму посочија дека надлежните служби ја следат состојбата на терен и штом се создадат услови за безбедно функционирање, жичницата ќе продолжи со редовен превоз на патници.

Тагови: Жичницата „Милениумски крст“ Јавно Сообраќајно Претпријатие (ЈСП)

Европската унија од 1 јули 2026 година ќе воведе фиксна давачка од 3 евра за мали пратки со вредност под 150 евра, мерка што директно ќе ги погоди и пратките од платформи како ТЕМУ, Шеин и АлиЕкспрес. Според Советот на ЕУ, оваа привремена давачка е дел од поширок обид за поголема контрола врз евтините увози и за заштита на европскиот пазар.

Нов договор постигнат во март носи и дополнителна такса за обработка на малите пратки, која треба да почне да се применува најдоцна до 1 ноември 2026, а нејзиниот точен износ допрва ќе го утврди Европската комисија. Во пакетот реформи влегуваат и построги казни за платформите што внесуваат опасни или нелегални производи на европскиот пазар.

Брисел ги засилува мерките поради огромниот раст на евтините пратки. Само во 2024 година во ЕУ влегле 4,6 милијарди мали пратки, а повеќе од 90 проценти од нив дошле од Кина. Европските институции велат дека целта е поголема безбедност за потрошувачите, пофер услови за домашните трговци и посилен надзор врз онлајн платформите.

Тагови: данок ЕУ Тему