Во секојдневната исхрана многу луѓе користат засладувачи за да го подобрат вкусот на храната и пијалоците. Најчесто тоа се Мед и Шеќер. Иако и двата производи служат за засладување, тие се разликуваат по своето потекло, хранливи вредности и влијанието врз организмот. Затоа често се поставува прашањето – кој е подобар избор?

Медот е природен производ што го создаваат пчелите од нектарот на цветовите. Тој содржи природни шеќери, но и мали количини витамини, минерали и антиоксиданси. Од друга страна, шеќерот најчесто се произведува од шеќерна репка или шеќерна трска и поминува низ процес на рафинирање, при што се губат поголем дел од природните хранливи состојки.

Хранлива вредност

Медот има малку повеќе калории од шеќерот, но истовремено содржи и корисни материи кои можат да имаат позитивно влијание врз организмот. Шеќерот, пак, претставува извор на „празни калории“, односно обезбедува енергија, но не содржи витамини или минерали.

Влијание врз здравјето

Умерената употреба на мед може да има одредени придобивки, како поддршка на имунитетот и смирување на грлото при настинка. Шеќерот, ако се консумира во поголеми количини, може да придонесе за зголемување на телесната тежина и други здравствени проблеми. Сепак, важно е да се знае дека и медот содржи шеќери, па затоа и тој треба да се користи умерено.

И медот и шеќерот имаат своја улога во исхраната, но медот често се смета за поприродна и побогата опција поради хранливите состојки што ги содржи. Сепак, најважно е засладувачите да се консумираат во умерени количини, бидејќи балансираната исхрана е клучна за добро здравје.

Тагови: здрава храна здравје мед шеќер

Во современите компании границите помеѓу одделите сè повеќе се бришат. Еден од најзабележливите трендови е се поголемата соработка помеѓу HR и IT одделите. Причината е едноставна – дигиталната трансформација го менува начинот на кој компаниите регрутираат, управуваат со талентите и го подобруваат искуството на вработените.

Денес HR повеќе не е само административна функција. Наместо тоа, тој станува стратешки партнер во развојот на компанијата, а технологијата игра клучна улога во тој процес.

Дигитализација на HR процесите

Со развојот на нови технологии, голем дел од HR процесите се автоматизирани. Платформи за регрутација, системи за управување со кандидати (ATS), алатки за анализа на податоци и платформи за онлајн обуки се само дел од дигиталните решенија кои денес ги користат HR тимовите.

Токму тука IT одделот станува клучен партнер, бидејќи обезбедува имплементација, безбедност и оптимизација на овие системи.

Подобро искуство за вработените

Модерните компании инвестираат во Employee Experience, а технологијата е важен дел од тоа. Од дигитални платформи за комуникација, до апликации за следење на перформансите и развојот на кариерата – IT инфраструктурата овозможува HR стратегиите да се реализираат поефикасно.

Кога HR и IT работат заедно, компаниите можат да создадат поинтуитивни системи, подобра комуникација и поголема транспарентност во организацијата.

Data-driven HR одлуки

Денес HR одлуките сè повеќе се базираат на податоци. Анализа на флуктуацијата на кадар, ангажманот на вработените или ефективноста на регрутацијата бара софистицирани алатки и аналитика, што повторно ја нагласува важноста на IT поддршката.

Иднината на HR и IT

Како што компаниите стануваат сè подигитализирани, се очекува HR и IT да работат уште поблиску. Во некои организации веќе се појавуваат нови улоги како HR Tech Specialist или People Analytics експерти, кои ја комбинираат експертизата од двата света.

Овој тренд покажува дека иднината на управувањето со човечки ресурси ќе биде силно поврзана со технологијата. Компаниите кои успешно ќе ја интегрираат соработката помеѓу HR и IT ќе имаат поголема способност да привлекуваат таленти, да ја подобрат продуктивноста и да создадат модерно и динамично работно место. 

Прочитајте и за: Employee Experience – новата најважна HR метрика

Тагови: HR трендови ИТ сектор

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

Студио Модерна Дооел Скопје е дел од водечката мулти-канална компанија Studio Moderna, која повеќе од 25 години успешно работи на македонскиот пазар како продажна и маркетинг компанија во малопродажба. Присутна е преку мрежа од 20+ продажни локации, дигитална платформа и Call Center каде што обезбедува одлично корисничко искуство за купувачите.

Моментално вработува:

ОВЛАСТЕН СМЕТКОВОДИТЕЛ - ОДГОВОРЕН НА СЕКТОРОТ ФИНАНСИИ
СУПЕРВИЗОР НА ПРОДАЖЕН ТИМ

Лидл е семеен бизнис заснован на едноставна филозофија: дека клиентите заслужуваат најквалитетни стоки и намирници по цени што секој може да си ги дозволи.

Моментално вработува:

ЗАМЕНИК МЕНАЏЕР НА МАРКЕТ

Пивара Скопје АД е една од најстарите и најпрепознатливи компании во Македонија, со традиција што трае повеќе од 100 години. Основана во 1924 година, денес Пивара Скопје е водечки производител на пиво, безалкохолни пијалаци и вода, и горд партнер на светските брендови Coca-Cola и Heineken.

Моментално вработува:

ИНЖЕНЕР ЗА КОНТИНУИРАНО ПОДОБРУВАЊЕ НА ПРОИЗВОДСТВО
ВОЗАЧ - ДИСТРИБУТЕР

Transcom Macedonia специјализирани за искуство со клиенти, продажба и маркетинг преку гласовни и дигитални канали.

Моментално вработува:

АГЕНТ ЗА КОРИСНИЧКА ПОДДРШКА НА ГЕРМАНСКИ ЈАЗИК ВО СЕКТОР ЗА ЕНЕРГЕТСКИ УСЛУГИ - РАБОТА ОД ДОМА
ТУРИСТИЧКИ СОВЕТНИК ЗА ПАТУВАЊА СО ГЕРМАНСКИ ЈАЗИК (М/Ж)
ITALIAN-SPEAKING QUALITY ANALYST (M/F)
ITALIAN-SPEAKING TEAM LEADER (M/F)
СПЕЦИЈАЛИСТ ЗА КОРИСНИЧКА ПОДДРШКА СО ФРАНЦУСКИ+АНГЛИСКИ ЈАЗИК ВО ОБЛАСТА НА ТУРИЗМОТ

Рамстор Македонија е една од водечките малопродажни синџири во земјата. Од своето основање во 2005 година, компанијата постојано расте и денес располага со широка мрежа на супермаркети и трговски центри низ цела Македонија.

Сите огласи од Рамстор Македонија можете да ги најдете ТУКА.

Вдл Ван Хоол Македонија Дооел Илинден, белгиски реномиран производител на автобуси, лоциран во Технолошко Индустриската Развојна Зона – Скопје 2, во Бунарџик.

Сите огласи од Вдл Ван Хоол Македонија можете да ги најдете ТУКА.

Компанијата А1 Македонија е член на Групацијата А1 Телеком Австрија, водечки провајдер за комуникациски и дигитални решенија во Централна и Источна Европа.

Сите огласи од А1 Македонија можете да ги најдете ТУКА.

Agile Pro Solution (APS) е основана со идејата да го донесе европскиот талент до американските компании. Со повеќе од 11 години искуство, напорно работиме на редефинирање на класичниот аутсорсинг пристап и нудиме поекономично и поефикасно решение за растечките бизниси.

Моментално вработува:

SENIOR SALES REPRESENTATIVE
SALES REPRESENTATIVE IN SKOPJE
SALES REPRESENTATIVE IN TETOVO
SALES TEAM LEADER
SALES DEVELOPMENT REPRESENTATIVE (US MARKET)
LEAD GENERATION SPECIALIST - B2B (ON-SITE IN SKOPJE)

Нептун е најголемата малопродажна и дистрибутивна мрежа на производи од бела техника, апарати за домаќинство, ТВ/Аудио/Видео, компјутери, телефони, фото апарати и камери, производи за нега и убавина, ладење и греење, во Македонијa.

Сите огласи од Нептун можете да ги најдете ТУКА.

Зегин ДОО е првата приватна компанија во Република С. Македонија регистрирана за продажба на лекови.

Сите огласи од Зегин можете да ги најдете ТУКА.

Се уште невработени?! Сите останати активни работни позиции можете да ги најдете ТУКА.

Начинот на кој компаниите ги избираат кандидатите за работа постојано се менувал низ историјата. Во почетокот на 20 век, еден производител од Филаделфија избирал работници на необичен начин – фрлал јаболки кон група кандидати и оној што ќе успеел да фати јаболко и да го задржи, бил примен на работа. Подоцна, во педесеттите години, компаниите вовеле сложени тестирања на интелигенција и личност кои траеле со денови.

Во средината на 2000-тите, инспирирани од практиките на „Гугл“, работодавците почнале да поставуваат необични прашања на интервјуата, како на пример: „Колку голф топчиња може да собере еден училишен автобус?“ Но подоцнежните истражувања покажале дека ваквите прашања немаат врска со реалниот работен учинок, па практиката постепено исчезнала.

Денес, во процесот на вработување сè поголема улога има вештачката интелигенција. Според извештај на Светскиот економски форум, дури 90 проценти од работодавците користат автоматизирани системи за рангирање или елиминирање на кандидатите. Се проценува дека три од четири биографии никогаш не стигнуваат до човек, бидејќи алгоритмите ги отфрлаат уште во првата фаза, понекогаш за само 0,3 секунди.

Алгоритмите како „чувари на вратата“

За многу кандидати, овие системи стануваат првата пречка кон работното место. Ако биографијата не помине низ алгоритамската селекција, постои голема веројатност никој од компанијата никогаш да не ја прочита.

Сепак, експертите велат дека технологијата не е секогаш толку софистицирана како што се мисли. Новинарката Хилке Шелман, во својата книга „The Algorithm“, тестирала повеќе системи за автоматска селекција и открила дека тие понекогаш даваат високи оценки дури и на бесмислени одговори.

Во суштина, овие системи најчесто проверуваат совпаѓање на клучни зборови од огласот за работа со текстот во биографијата. Затоа експертите советуваат кандидатите внимателно да го читаат огласот и да ја прилагодат терминологијата во CV-то.

И кандидатите користат вештачка интелигенција

Во меѓувреме, и кандидатите почнаа да користат алатки базирани на вештачка интелигенција за пишување апликации, истражување на компаниите или анализирање на платите на пазарот.

Во некои случаи се појавуваат и трикови, како таканаречениот „white fonting“, при кој кандидатот го става описот на работното место во CV-то со бел фонт – невидлив за човек, но читлив за алгоритмот. Но компаниите велат дека ваквите обиди лесно се откриваат и кандидатите обично се елиминираат.

На крајот сепак одлучува човекот

Иако алгоритмите играат сè поголема улога, експертите нагласуваат дека конечната одлука сè уште најчесто ја носат луѓето. Во моментот кога апликацијата ќе стигне до менаџер или интервјуер, најголема тежина има впечатокот дека кандидатот навистина разбира што прави компанијата.

Затоа, и покрај напредокот на технологијата, се смета дека вештачката интелигенција може да помогне во селекцијата, но човечкиот фактор и понатаму останува клучен во изборот на вистинскиот кандидат.

Тагови: вработени Свет Гугл