Во училиштата нѐ учат формули, дати и дефиниции но не нѐ учат како да ја градиме сопствената кариера. Повеќето важни лекции ги учиме сами, по пат, понекогаш на потешкиот начин. Еве неколку вистински кариерни сознанија што ретко кој ги кажува гласно, а вредат злато.

1. Никој нема да се грижи за твојата кариера повеќе од тебе

Колку и да имаш одличен менаџер, ментор или тим на крајот, само ти си таа личност што треба да се избори за следниот чекор. Барај можности, не чекај да ти ги дадат.

2. Талентот е важен, но доследноста победува

Не победува најпаметниот, победува оној што не се откажува. Малите, упорни чекори секој ден прават повеќе отколку ретки „експлозии“ на мотивација.

3. Никој не чита долги CV-а, сите бараат јасни резултати

Поентата не е да импресионираш со текст, туку со конкретни проекти и постигнувања што покажуваат што можеш.

4. Грешките не се срам - туку инвестиција

Секој пад е доказ дека си пробал нешто ново. Луѓето што никогаш не грешат, најчесто не се ни движат напред.

5. Вештините за комуникација се еднакво важни како и техничките

Како кажуваш нешто често е поважно од тоа што го кажуваш. Доброто комуницирање ти отвора врати што ни диплома не може.

6. Не мора секогаш да се согласуваш, професионалност не значи тишина

Ако имаш идеја или став, кажи го. Премногу „да, да, во ред е“ држи многу таленти во сенка.

7. Одморот е стратегија, не слабост

Заморот не е херојство. Паметно менаџираниот баланс е тоа што го одржува квалитетот на долги патеки.

Кариерата не е права линија, туку колекција од избори, лекции, ризици и нови почетоци. Колку побрзо прифатиш дека никој нема „совршена формула“, толку побрзо ќе си ја создадеш сопствената. На крајот, најважната лекција е оваа: не се споредувај, туку расти во свој ритам, во своја насока.

Прочитај и за: Пет научно поддржани начини за победа над мрзеливоста

Тагови: HR совети за работа

Денес ви ги издвојуваме најпосетуваните работни позиции во Охрид на KARIERA.mk, се надеваме дека ќе го најдете вашето идеално работно место меѓу нив.

Охрид, еден од најубавите и најпосетуваните градови во Македонија, нуди многу можности за вработување во различни сектори. За да го пронајдете вашето идеално работно место во Охрид, посетете го нашиот веб сервис KARIERA.mk, како и на нашите социјални мрежи каде многу работодавци објавуваат отворени позиции.

Шеф на маркет - Охрид
Фармацевт со лиценца - Охрид
Фармацевтски техничар со уверение - Охрид
Фармацевтски техничар – Ресен / работна позиција во Охрид
Продажен персонал - Охрид
Оператор за уплатно место во Охрид
Продавач/ка - бармен/ка
Доктор по општа стоматологија
Медицинска сестра - Охрид

Прочитајте и за: Најди работа во Битола!

Законот за работни односи утврдува дека секој вработен кој има најмалку шест месеци непрекинат стаж кај ист работодавач во тековната година има право на регрес за годишен одмор. Ова право важи и за лица вработени на определено и на неопределено време.

Регресот е директно поврзан со бројот на денови годишен одмор што му следуваат на работникот. Кај ангажман од половина работно време (20 часа неделно), работникот стекнува минимум 10 работни дена одмор, согласно член 48 став 4, а со тоа и половина од полниот износ на регресот.

За лицата вработени со полно работно време (40 часа неделно), годишниот одмор изнесува најмалку 20, а најмногу 26 работни дена (член 137 став 1 и 2), што значи и право на целосната сума на регресот.

Исплатата на регресот треба да се изврши најдоцна до 31 декември во тековната година, а минималниот износ мора да биде најмалку 40% од просечната нето плата исплатена по работник во последните три месеци. За работодавачите кои нема да го испочитуваат ова законско право, предвидени се парични казни до 4.000 евра — при што од 2.000 до 3.000 евра се однесуваат на компанијата, а од 500 до 1.000 евра на одговорното лице.

Тагови: К-15 работнички права определено време

Проектот „Сејф сити“ ќе започне официјално со работа од 1 јануари 2026 година, со што ќе се врши мониторинг и документација на сообраќајните прекршоци. Претходно, во декември годинава, ќе се спроведе тест период за подобра подготовка.

Овој систем, пред се очекуван од возачите и пешаците, има за цел да го подобри безбедносниот сообраќај преку инсталација на безбедносни камери кои автоматски ќе испраќаат казни на домашни адреси. На почетокот, проектот ќе биде имплементиран во Скопје и уште два града, а до средината на 2026 година ќе се прошири низ целата држава.

Еден корисник на Твитер смета дека за да се охрабрат совесните возачи, потребно е воведување на награди за оние кои цела година нема да направат прекршок. Тој објави на својот профил дека добра иницијатива би била да се обезбедат попусти за регистрација или бесплатен паркинг како мотивација за одговорно возење.

Тагови: Сејф сити - Безбеден град