Институтот за јавно здравје изврши вонредно испитување во засегнатото подрачје, и во неделата беа земени примероци, мостри од страна на професионален експертски тим од ИЈЗ за испитување на радиоактивност во вода, почва, и воздух како и примероци за испитување на тешки метали во почва, земја и испитување на тешки метали во вода.

Предходниот викенд ИЈЗ извести дека според резултатите и направените анализи, во земените примероци не е утврдено присуство на радиоактивност во воздух и почва, исто така не е утврдено присуство на тешки метали во вода.

Во текот на вчерашниот ден ИЈЗ ги заврши анализите и испитувањата на примероците за испитување на тешки метали во почва како и испитувањата за радиокативност во вода.

Од добиените денешени резултати, ИЈЗ информира за следното. Земени се мостри од повеќе локации од засегенатото подрачје за испитување на тешки метали во почва, и тоа: Pb, Cd, As, Ni, Hg Cr, Cu, Zn, Sn, Ba, Be, Co, V, Tl, Mo, Sb.

По анализата на резултатите од сите земени примероци, може да се заклучи дека нема отстапување од референтните вредности за сите испитани 16 тешки метали (Pb, Cd, As, Ni, Hg Cr, Cu, Zn, Sn, Ba, Be, Co, V, Tl, Mo, Sb). Се забалежува зголемување на 2 параметри Cu (бакар) и Zn (цинк) само од едно испитано место, а тоа е површинскиот слој каде што гореле литиумски батерии и истото е во рамките на очекувањата, соопштуваат од ИЈЗ.

Во сите останатите места нема отстапување од референтните вредности за испитаните 16 тешки метали.

Исто така, ИЈЗ информира дека е испитана и радиоактивноста во примероците од вода и според добиените резултати, нема радиоактивност на земени примероци од вода.

Институтот за јавно здравје во најкус можен рок успеа да ги направи потребните анализи. Истите ќе бидат повторени согласно протоколите во времето предвидено за тоа. ИЈЗ останува во понатамошна координација со Министерството за здравство и со сите надлежни државни институции, и за секоја наредна активност јавноста ќе биде соодветно информирана, информираа оттаму. 

Тагови: загаден воздух Институтот за јавно здравје Трубарево

Во светот на современиот бизнис, личната репутација е една од најважните „валути“. Без разлика дали сте на почеток на кариерата или имате години искуство, начинот на кој ве доживуваат колегите, клиентите и менаџерите може да ја одреди вашата иднина. За среќа, изградбата на добар углед не е мистерија – таа е резултат на јасни, доследни и искрени постапки. Овие четири чекори ќе ви помогнат да станете препознатливи по интегритет, професионалност и влијание на работното место.

1. Држете го зборот што ќе го дадете 🤝
Довербата не се гради преку ноќ, туку чекор по чекор. Кога ветувате нешто – испорачувајте навремено. Ова гради стабилна слика за вас како личност на која може да се потпре секој колега или клиент.

2. Бидете решавач на проблеми 🔧
Луѓето се сеќаваат на оние што носат решенија, а не на оние што само ги истакнуваат проблемите. Доколку покажете иницијатива да најдете решенија и да помогнете, станувате лице кое другите сакаат да го имаат во тимот.

3. Споделувајте знаење 📚
Професионалците кои не се плашат да споделат совети и искуство со колегите градат силна репутација и остават впечаток на лидери. Поделбата на знаење не ве намалува – напротив, ве прави повредни.

4. Градете позитивни односи 🌟
Љубезноста и почитта кон сите – без разлика на позиција – се најдоброто „оружје“ за градење углед. Добриот однос со сите нивоа во организацијата ја прави вашата репутација стабилна и долгорочна.

Заклучок:
Вашата репутација не е она што го кажувате за себе, туку она што другите го кажуваат за вас. Со овие четири чекори ќе ја изградите својата „картичка на доверба“ која ќе ве следи во секоја кариера.

Тагови: совети за работа

Новиот систем за влез/излез (EES) ќе започне со работа на 12 октомври 2025 година. Европските земји што го користат EES постепено ќе го воведат системот на своите надворешни граници. Ова значи дека собирањето податоци постепено ќе се воведува на граничните премини со целосна имплементација до 10 април 2026 година.

Сепак и од оваа проверка ќе има исклучоци, односно на оваа категорија граѓани EES нема да важи.

• Државјани на европските земји што го користат EES, како и на Кипар и Ирска
• Државјани на земји надвор од ЕУ кои поседуваат карта за престој и се во непосредно сродство со државјанин на ЕУ
• Државјани на земји надвор од ЕУ кои поседуваат карта за престој или дозвола за престој и се во непосредно сродство со државјанин на земји надвор од ЕУ кој може да патува низ Европа како државјанин на ЕУ

Државјани на земји надвор од ЕУ кои патуваат во Европа како дел од внатрекорпоративен трансфер или за цели на истражување, студии, обука, волонтерска служба, шеми за размена на ученици или образовни проекти и ау-паринг

Носители на дозволи за престој и визи за долг престој

Државјани на Андора, Монако и Сан Марино и носители на пасош издаден од државата Ватикан или Светата Столица

Лица ослободени од гранични проверки или на кои им се доделени одредени привилегии во однос на граничните проверки (како што се шефови на држави, акредитирани дипломати, прекугранични работници итн.). Дипломатите што патуваат на краток престој може да бидат ослободени од регистрација во EES под одредени услови.

Исклучокот од регистрација во EES важи за припадници на вооружените сили кои патуваат на работа во рамките на НАТО или Партнерството за мир, кои поседуваат налог за идентификација и индивидуално или колективно движење предвиден со Договорот меѓу страните на Северноатлантскиот договор во врска со статусот на нивните сили и може да се примени на цивилна компонента или издржувани лица наведени во Договорот за статус на силите на НАТО.

• Лица кои не се должни да ги преминуваат надворешните граници само на граничните премини и во текот на утврденото работно време
• Лица кои поседуваат важечка дозвола за локален граничен сообраќај
• Членови на екипажот на патнички и товарни возови на меѓународни поврзувачки патувања

Лица кои поседуваат важечки документ за олеснет железнички транзит или важечки документ за олеснет транзит, под услов да патуваат со воз и да не се истоваруваат никаде на територијата на земја-членка на ЕУ.

Тагови: EEC граѓани ЕУ

Холандија (4,2 отсто), Белгија (3,9 отсто) и Австрија (3,4 отсто) имаа највисоки стапки на слободни работни места. Најниска стапка е забележана во Романија (0,6 проценти) и Шпанија и Полска (двете по 0,8 проценти). 

Најголеми зголемувања во споредба со истиот период минатата година се забележани во Кипар (+0,3 процентни поени) и во Литванија и Малта (двете +0,2 процентни поени), објави Сеебиз.

Стапката на слободни работни места во Еврозоната изнесуваше 2,2 oтсто во вториот квартал од оваа година, што е за 0,2 процентни поени пониско отколку во првиот квартал и за 0,4 процентни поени пониско отколку во истиот период минатата година.

Во индустријата и градежништвото, стапката на слободни работни места во еврозоната изнесуваше 2 отсто во вториот квартал, а во ЕУ беше 1,8 отсто. Во услугите, таа изнесуваше 2,4 и 2,3 отсто, објави денес Евростат, европскиот завод за статистика.

Тагови: нова работа земји