Во многу компании прашањето за платата е речиси табу. Вработените ретко отворено зборуваат за своите примања, а често и самите организации избегнуваат да ја откријат платната структура. Но, зошто е тоа така?

• Една од главните причини е заштитата од споредби и незадоволство. Кога вработените би знаеле кој колку заработува, тоа лесно би можело да предизвика тензии, завист или чувство на неправда. Дури и ако разликата е оправдана со искуство или одговорности, луѓето често ја доживуваат како лична навреда.
• Втората причина е флексибилноста во преговарањето. Компаниите што ја кријат платата имаат повеќе простор да понудат различни услови на кандидати, зависно од нивната преговарачка моќ. Така, двајца вработени на иста позиција може да имаат различни плати, во зависност од тоа како ја воделе првата дискусија за ангажманот.
• Трето, постои и стратегиска причина. Некои организации сметаат дека објавувањето на платите би им ја открило конкурентната предност или би ги ставило во неповолна позиција при преговори со идни вработени.

Сепак, светските трендови се движат кон поголема транспарентност. Се повеќе компании сфаќаат дека довербата и мотивацијата се градат преку фер и јасни правила. Во земји каде што платната транспарентност е законски регулирана, истражувањата покажуваат дека тоа води до помали разлики во платите и зголемена доверба во организацијата.

На крајот, прашањето останува: дали криењето на платите навистина ги штити компаниите или само ја одложува потребата за вистинска правичност.

Прочитајте и за: Скриени сигнали: Како вработените покажуваат дека се незадоволни

Тагови: HR плата работници совети за работа

За да се обезбеди правична и транспарентна исплата на трудот, вработените имаат право на различни додатоци на основната плата. Овие додатоци се пресметуваат врз основа на условите на работа, искуството и ангажманот, со цел да се награди вложениот труд и да се стимулира мотивацијата. Подолу се прикажани основните додатоци и нивните стапки.

Основната плата се зголемува по час најмалку за:

• прекувремена работа = 35%
• работа ноќе = 35%
• работа во 3 смени = 5%
• работа во ден на неделен одмор = 50%
• работа во денови на празници = 50%
• работа во неработни денови утврдени со Закон = 50%

Основната плата се зголемува за 0,5% за секоја година работен стаж.

Дополнително, работодавачот може да одобри и други видови додатоци согласно колективниот договор или интерните акти на компанијата, како што се додатоци за постигнати резултати, бонуси за успешност и награди за долгогодишна работа. На овој начин, се поттикнува мотивацијата и се наградува ангажманот и лојалноста на вработените.

Тагови: вработени закон плата додатоци

Доколку ја комплетираме законската регулатива, некаде во средината на ноември би требало да почне пробниот период на функционирањето на системот „безбеден град“ (сејф сити) и „безбедна држава“. Јас сум за конфискација на возилата за потешки инциденти, но да видиме експертската фела како ќе го реши тоа. Ова вчера го изјави министерот за внатрешни работи Панче Тошковски во интервју за „360 степени“ на МРТ 1.

Јас би сакал пробниот период за ’сејф сити’ да биде најмалку месец до месец и половина пред 1 јануари 2026 година. Со технички подготовки ќе стигнеме, да. Со техничките работи што треба да се преземат ќе стигнеме. Се надевам дека ќе стигнеме и со законската регулатива, рече Тошковски.

Датумот за пробниот период зависи од неколку закони, од кои дел се во собраниска процедура, како што се Законот за безбедност во сообраќајот и Законот за прекршоци. Измените на Законот за возила поврзани со имплементирање на „сејф сити“ се поминати во парламентот. Остануваат Кривичниот законик и Законот за извршување санкции.

Прашан дали дилемите се околу конфискацијата на возила, Тошковски вели дека за него е јасно какви треба да бидат санкциите.

Јас немам дилема дека кога одредено лице ќе стори кривично дело, а притоа нема возачка дозвола, тоа возило треба да биде трајно одземено од тоа лице. И такви компаративни искуства има и во други држави. Словенија, еве, ќе ја земам за пример. Јас немам никаква дилема дека оној којшто ќе стори безобѕирно управување на моторно возило и ќе управува моторно возило повеќе од 70 км/час во град над дозволеното, значи тоа би значело – ако е дозволено 50, тој да управува над 120, или повеќе од 90 км/час на отворено, тоа значи ако е дозволено 120, тој да вози 210, по вторпат, како рецидивист, така беше предложено во она коешто последно го имавме како предлог-текст, да се одземе возилото трајно, вели Тошковски.

Според него, автомобил треба да се одземе и кога се користи како средство за сторување кривично дело, како, на пример, при нелегално учество во трки на булеварите.

Прашан, кој има дилема, министерот одговара: „Имаат дилема одредени експерти коишто ги имаме консултирано во рамки на овој процес. Тие мислат дека е престрого да се оди со таков тип задолжителни казни. Иако, кога станува збор за повторено безобѕирно управување на возило и возило управувано од лице кое никогаш не полагало возачки испит, експертите се едногласни за конфискација“.

Со оглед дека реформата со „сејф сити“ е започната пред повеќе од една деценија, првиот човек на полицијата вели дека таа чини многу, но дека е поважно да се заштитат граѓаните.

Сакам да кажам дека 142 смртни случаи секоја година е премногу за една вака мала и убава држава. Ако просекот на загинати луѓе во Норвешка на милион жители е под 20, ако просекот на загинати луѓе во скандинавските земји е под 30 на милион жители, а просекот во Македонија е помеѓу 70 и 80, значи ние сме катастрофални, рече Тошковски.

Тагови: Безбеден град казни МВР Тошковски

Фабриката на Кромберг & Шуберт во Битола викендов се претвори во најсреќното место на светот. Повеќе од 1200 деца на вработените беа дел од традиционалниот настан „КРОШУ Детска Авантура“, кој ја обедини радоста, семејството и детската насмевка во едно незаборавно искуство.

Денот беше исполнет со богата програма која ги воодушеви најмалите: шарена и вкусна храна, балони, тромболини, замоци, играчки, магионичари и многубројни изненадувања и поклони. Секое катче нудеше ново доживување, од магичните настапи кои ги оставија сите без здив, до тромболините и замоците кои станаа омилено катче на сите деца. Атмосферата беше вистинска бајка, создадена да поттикне смеа, забава и другарување. КРОШУ Детска Авантура се претвори во вистински празник на радоста. Фабриката блескаше во бои, смеа и енергија, а создадените спомени ќе останат долго во срцата на сите присутни.

Но, настанот не беше само забава, имаше и посебна вредност. Децата добија можност да ја посетат фабриката, да влезат во производствената хала и да видат каде работат нивните родители. Ова беше ретка и драгоцена прилика малите љубопитни гости одблиску да се запознаат со работната средина и да откријат што значи труд, посветеност и тимска работа.

Преку вакви настани, компанијата уште еднаш ја потврди својата посветеност кон вработените и нивните семејства, градејќи мост помеѓу професионалниот и приватниот живот.

Денот донесе многу емоции, но и важна порака, дека среќата на децата е најголемата награда за секој вложен труд.

Со оваа прослава, Кромберг & Шуберт - Битола уште еднаш докажа дека не е само најголем работодавач во регионот, туку и компанија која создава приказни, вредности и моменти кои траат цел живот.

Еден ден за паметење. Илјада насмевки за радување. Магична авантура која потврди дека детството секогаш треба да биде незаборавна авантура.

Тагови: Kromberg & Schubert Macedonia