(преземи го огласот во Word)
Оглас за вработување
Референт за присилна наплата во Служба за правни работи и наплата на побарувања
СИЛК РОУД БАНКА АД СКОПЈЕ нуди можност за работа во динамична, квалитетна и пријатна работна средина, со можност за личен развој и професионален напредок.
Банката вработува правник – референт за присилна наплата во Служба за правни работи и наплата на побарувања.
- Ја подготвува целокупната правна документација за покренување и спроведување на постапките за извршување за наплата на побарувањата на Банката, како и за заштита на интересите на Банката во судски постапки и постапки пред други органи кои произлегуваат од извршните постапки.
- Спроведува активности потребни за спроведување на постапките за извршување.
- Ја застапува Банката во судски постапки и постапки пред државните органи.
- Ги следи и координира аутсорсираните правни услуги за присилна наплата и води правилна евиденција за нивното ангажирање
- Врши постојано следење на квалитетот и контрола од аспект на законитоста на надоместоците што ги наплатуваат разни институции (нотари, извршители, адвокати) во постапките за извршување.
- Кандидатите треба да ги исполнуваат следните квалификации:
- Високо стручно образование со 240 ЕКТС кредити или VII-1 степен – правни студии
- Положен правосуден испит
- Пожелно, но не задолжително искуство од работење во банка, во извршителска, нотарска или адвокатска канцеларија
- Познавање на регулативата во областа на присилната наплата, професионални правила и добри практики
- Комуникациски, организациски и аналитички вештини
- Одлично познавање на англиски јазик
- Одлично познавање на MS Office (Word, Excel)
- Избраниот кандидат треба да поседува:
- Соодветни стручни и лични особини
- Одлични аналитички вештини
- Високо ниво на комуникациски вештини
- Иницијатива и флексибилност
Работното време е 8 часа дневно, односно 40 часа неделно, од понеделник до петок.
Заинтересираните кандидати кои ги исполнуваат наведените услови, потребно е да испратат кратка биографија и мотивационо писмо на македонски јазик на [најави се за да го видиш е-маилот] со задолжителна назнака за “Референт за присилна наплата”, најдоцна до 07.11.2023 година.
Ве молиме во Вашите апликации не доставувајте сензитивни податоци како националност, вероисповест, како и детали за вашиот приватен живот.
Само кандидатите кои ќе бидат избрани во потесен избор ќе бидат контактирани заради спроведување на интервју или тестирање.
Сите апликации ќе имаат третман на строга доверливост. Со доставувањето на Вашата апликација ќе се смета дека се согласувате Банката да може да ги обработува Вашите лични податоци за потребите на процесот на вработување.
Согласноста може да ја повлечете во секое време со доставување на барање за истото до Офицерот за заштита на лични податоци на e-mail адресата [најави се за да го видиш е-маилот]