Ерјон дојде во тимот на Agile Pro Solutions во Тетово во јануари оваа година, како помлад соработник за продажба без никакво претходно искуство. Девет месеци подоцна, откако напредуваше од помлад во постар соработник, денес е веќе специјалист за продажба, со резултати уште од почеток значително над поставените цели.
Со него разговаравме за неговите први чекори, за тоа како успеал толку брзо да напредува, како и за советите што би им ги дал на младите кои мислат дека мора да имаат искуство за да ја започнат својата кариера.
KARIERA.mk: Ерјон, да почнеме од почеток. Како дојде во APS?
Ерјон: Бев студент во потрага по својата прва вистинска работа и, искрено, не бев сигурен дали некој би ме вработил без искуство. Наидов на огласот додека барав каде би можел да ја започнам кариерата и да стекнам искуство. APS ми го привлече вниманието, па решив да аплицирам и да видам каде ќе ме одведе тоа.
На интервјуто никој не ме праша колку знам за работата. Ги интересираше дали сум подготвен да учам. Тоа беше првото нешто што ме изненади.
KARIERA.mk: Како изгледаа твоите први недели, имајќи предвид дека немаше никакво искуство во продажба?
Ерјон: Предизвикувачки, но никогаш не се чувствував оставен сам на себе. Сè беше ново: процесите, клиентите, темпото на работа.
Сепак, имав две предности. Веќе одлично зборував англиски, па комуникацијата со американските клиенти ми беше природна уште од првиот повик. Освен тоа, отсекогаш сум бил комуникативна личност. Уживам до разговарам, да муабетам, така што тој дел никогаш не го гледам како работа.
За сè останато, уште од првиот ден покрај мене имаше луѓе кои трпеливо ми објаснуваа и не очекуваа веднаш да знам сè. Обуката беше добро организирана и секогаш имав кому да се обратам.
Се сеќавам колку многу работи требаше да научам на почетокот. Секој повик беше ново искуство и станував сè посигурен во разговорите со клиентите. А колегите и тим лидерите секогаш беа тука да ми помогнат, што ми беше од непроценлива помош.
KARIERA.mk: За помалку од една година напредуваше од помлад соработник, преку постар соработник, до специјалист. Што беше пресудно?
Ерјон: Повеќе упорноста и континуитетот отколку талентот. Се трудев да научам нешто од секој разговор, особено од оние потешките. Моите тим лидери ми даваа искрени коментари што било добро, што не, а јас многу сериозно ги прифаќав нивните совети.
И, да бидам искрен, мотивацијата е и многу конкретна: системот на бонуси тука е навистина одличен. Ако работиш напорно, можеш добро да заработиш и нема горен лимит на заработката. Поголем успех - повеќе пари.
Кога гледаш дека компанијата го препознава и наградува твојот труд, и преку унапредувања и преку плата, природно добиваш желба да дадеш уште повеќе од себе.
KARIERA.mk: Имаше ли моменти кога се сомневаше во себе?
Ерјон: Секако! Имаше денови кога работите не одеа по план и беше фрустрирачки кога не ги постигнував пшшланиртаните резултати.
Но, наместо да се откажам, се фокусирав на советите што ги добивав, работев на своите слабости и продолжив да се подобрувам. Научив дека упорноста и трпението прават огромна разлика.
Најмногу ми помогна тимот. Во Тетово навистина функционираме како едно. Кога некој има лош ден, другите му помагаат. Кога некој ќе постигне успех, сите заедно се радуваме.
KARIERA.mk: Често го спомнуваш тимот. Како би ја опишал атмосферата во канцеларијата во Тетово?
Ерјон: Како второ семејство, и навистина го мислам тоа.
Колегите секогаш си помагаат меѓусебно, а тим лидерите се постојано достапни, не само за прашања поврзани со работата, туку и за совети воопшто.
И менаџментот е близок со нас. Нè познаваат лично, го следат нашиот напредок и создаваат победничка атмосфера.
Тоа не е нешто што можеш да го најдеш баш секаде, особено не на почеток на кариера.
KARIERA.mk: Сè уште си студент. Како ги усогласуваш работата и факултетот?
Ерјон: Бидејќи работиме според американското работно време, претпладневните и пладневните часови ми се слободни, па имам време и за предавања и за испити.
Така можам да го продолжам образованието, а истовремено да ја градам својата кариера.
Многумина мислат дека мора да изберат помеѓу студирањето и кариерата. Тука може да ги правам и двете.
KARIERA.mk: Што би им порачал на младите луѓе кои се плашат да аплицираат затоа што немаат искуство?
Ерјон: Аплицирајте!
Пред една година бев во истата ситуација. Искуството е нешто што се стекнува, а не нешто што го имате од старт.
Она што е важно е пристапот: бидете истрајни, поставувајте прашања, не плашете се од грешки и не откажувајте се по првиот тежок ден.
Во нашата комапнија трудот се забележува и се наградува, па навистина вреди да го дадете најдоброто од себе.
KARIERA.mk: И за крај, кои се твоите следни планови?
Ерјон: Да завршам факултет и да напредувам уште повеќе во компанијата.
Благодарен сум им на моите колеги, тим лидерите и менаџментот во АПС Тетово што веруваа во мене уште пред да покажам какви било какви резултати.
Погледнете ги нашите отворени позиции и аплицирајте. Можеби токму вашата ќе биде наша следна успешна приказна.
Тагови: Agile Pro Solutions