Младите во Македонија го напуштаат родителскиот дом на просечна возраст од 30,7 години, што е значително над просекот на Европската Унија од 26,3 години, покажуваат најновите податоци на Евростат за 2025 година. Со тоа, земјава се вбројува меѓу државите каде младите најдолго остануваат да живеат со своите родители.

Според статистиката, најдоцна од родителскиот дом си заминуваат младите во Хрватска, каде просечната возраст изнесува 31,5 години, по што следуваат Грција и Словачка со по 30,9 години. Во регионот, младите во Србија остануваат со родителите до 30,1 година, во Босна и Херцеговина до 29,5, а во Бугарија до 27,9 години. Наспроти тоа, најрано се осамостојуваат младите во Финска, Данска, Естонија и Литванија.

Евростат посочува дека подолгото останување во родителскиот дом е поврзано со пониска вработеност кај младите. Во Македонија, стапката на вработеност кај лицата на возраст од 20 до 29 години во 2025 година изнесувала 50,2%, што е под просекот на ЕУ од 65,5%. Во земјите како Холандија, Данска, Германија и Шведска, каде младите порано се иселуваат, вработеноста е повисока, додека во Грција, Хрватска, Шпанија и Италија, каде се иселуваат подоцна, таа останува под европскиот просек.

Тагови: Евростат Македонија млади родител

Lidl и шведската технолошка компанија Einride започнаа редовна употреба на автономен електричен камион на јавни патишта во Германија, што претставува значаен чекор во модернизацијата на логистиката. Возилото, кое работи на четврто ниво на автономија, превезува стока од дистрибутивниот центар на Lidl во Едерминде до блиска продавница, без возач, без класична кабина и без безбедносен оператор.

Камионот се движи со официјална дозвола од германската Сојузна управа за моторен транспорт (KBA), а според компаниите, ова е прво вакво одобрение во земјата. Возилото има капацитет за 15 европалети и може да ја помине зададената рута до трипати дневно. Во рамки на четиримесечниот проект, се очекува да превезе повеќе од 3.000 палети и целосно да ја преземе испораката на суви производи на оваа релација.

Иако станува збор за реална секојдневна испорака, автономниот камион се движи во строго дефиниран оперативен простор, што значи дека не е наменет за сите патишта и услови. Ако тест-фазата се покаже успешна, Lidl и Einride планираат проширување на системот со повеќе попатни станици. Технологијата се гледа како можен одговор на недостигот од професионални возачи, растечките трошоци и потребата од поефикасна логистика, но нејзиното пошироко воведување ќе зависи од безбедноста, регулативата и резултатите од проектот.

Тагови: Германија Lidl електричен камион

Лидл е семеен бизнис заснован на едноставна филозофија: дека клиентите заслужуваат најквалитетни стоки и намирници по цени што секој може да си ги дозволи. Веќе повеќе од четириесет години, уникатниот пристап на Лидл ги менувa и подобрувa заедниците во 30 земји, каде што Лидл се прошири и оперативно работи со околу 12.200 продавници и вработува повеќе од 376.000 луѓе.

Моментално се отворени следниве позиции:

Асистент на продажба - Струга
Асистент на продажба - Куманово
Асистент на продажба - Тетово
Асистент на продажба - Кичево
Асистент на продажба - Скопје
Асистент на продажба - Битола
Асистент на продажба - Кавадарци
Асистент на продажба - Струмица
Асистент на продажба - Гевгелија
Магацински работник и администратор во логистички дистрибутивен центар Куманово

Доколку сакате да бидете дел од успешниот тим на Лидл, не се двоумете и аплицирајте веднаш!

Се уште сте во потрага по ново работно место? Сите останати огласи можете да ги најдете ТУКА.

Тагови: Лидл Северна Македонија дооел

Со задоволство споделуваме дека KARIERA.mk потпиша Меморандум за соработка со Меѓународен Славјански Универзитет, со цел заеднички да придонесеме кон поголема вработливост и професионален развој на студентите.

Преку оваа соработка, ќе работиме на создавање нови можности за вработување, пракса и професионален развој, како и на поврзување на студентите со компании кои имаат потреба од нови кадри.

Партнерството предвидува реализација на кариерни денови, работилници, презентации и активности за подготовка на студентите за интервјуа и процеси на селекција, како и други заеднички иницијативи насочени кон нивниот кариерен развој.

Особено ни е драго што преку ова партнерство дополнително ја поврзуваме академската заедница со пазарот на трудот и создаваме конкретни можности за младите уште пред да го направат својот прв професионален чекор.

Продолжуваме да градиме партнерства кои отвораат нови можности за кариера.

Тагови: креативност пазарот на труд потпишување меморандум Меѓународен Славјански Универзитет