Секој прави грешки на работа. Погрешно испратен мејл, пропуштен рок, неточна информација, погрешна проценка или задача која не е завршена како што треба грешките се неизбежен дел од секоја професионална средина. Она што го покажува вашиот професионализам не е тоа дали сте направиле грешка, туку како реагирате кога ќе сфатите дека сте згрешиле.

Многу луѓе во тој момент се обидуваат да се оправдаат, да најдат виновник или да се надеваат дека никој нема да забележи. Но, прикривањето на грешката најчесто создава поголем проблем од самата грешка.

Еве како да постапите професионално.

1. Признајте ја грешката навреме

Колку подолго ја криете грешката, толку поголеми можат да бидат последиците. Ако знаете дека сте направиле пропуст, не чекајте некој друг да го открие.

Едноставно кажете: „Сфатив дека направив грешка во овој дел. Сакам веднаш да ве информирам за да можеме да ја коригираме.“

Со ова покажувате одговорност и иницијатива. Грешката можеби нема веднаш да исчезне, но вашата реакција покажува дека може да ви се верува.

2. Не барајте изговори

Постои голема разлика помеѓу објаснување и оправдување. „Имав многу задачи и затоа не стигнав“ можеби е контекст, но ако постојано ја префрлате одговорноста на околностите, може да изгледа како да бегате од одговорност.

Наместо: „Не успеав затоа што сите ми праќаа задачи.“

Подобро: „Не успеав да го испочитувам рокот. Имав повеќе паралелни задачи и погрешно го проценив времето потребно. Следниот пат ќе го комуницирам ризикот порано.“ Кратко, директно и без непотребно оправдување.

3. Кажете што ќе направите за да ја поправите

Признавањето на грешката е само првиот чекор. Најважното прашање потоа е: „Што можеме да направиме сега?“

Наместо само да кажете дека сте згрешиле, понудете решение. На пример: „Оваа информација е испратена со грешка. Ќе ја коригирам веднаш и ќе испратам нова верзија до сите засегнати.“

Ова ја менува перцепцијата од „направив проблем“ во „направив проблем и преземам одговорност да го решам“.

4. Не се обвинувајте себеси повеќе од потребното

Признавањето грешка не значи дека треба да се понижувате. Не е потребно: „Јас сум ужасен во ова.“ „Не знам како можев да бидам толку невнимателен.“ „Сè уништив.“ Таквите реченици не ја поправаат ситуацијата. Фокусирајте се на фактите, последиците и решението. „Направив грешка. Еве што ќе направам за да ја поправам.“ Тоа е доволно.

5. Ако грешката влијае врз други, информирајте ги

Една од најлошите реакции е да се обидете сами да ја поправите грешката и да се надевате дека никој нема да забележи. Ако грешката може да влијае врз клиент, колега, рок или проект, навремената комуникација е клучна.

Подобро е менаџерот да дознае од вас: „Имаме проблем со X. Јас го направив пропустот и веќе презедов чекори за да го коригирам.“

отколку од некој друг: „Само да ве информираме дека се случи проблем со X.“ Првата верзија покажува контрола и одговорност.

6. Научете нешто од грешката

Една грешка станува навистина проблематична кога ништо не менуваме по неа.

Прашајте се:

• Што точно тргна наопаку?
• Дали недостасуваше информација?
• Дали погрешно го проценив рокот?
• Дали требаше порано да побарам помош?
• Дали постои начин ова да се спречи следниот пат?

Целта не е да се казнувате за грешката, туку да го подобрите начинот на работа.

7. Не ја повторувајте истата грешка

Една грешка може да биде случајност. Истата грешка повеќепати може да стане образец. Ако еднаш сте пропуштиле рок, следниот пат поставете потсетник. Ако сте испратиле неточен документ, воведете дополнителна проверка. Ако сте презеле задача без да ги разјасните очекувањата, поставете прашања уште на почетокот. Професионалниот развој често се случува токму на овој начин преку мали промени по сопствените грешки.

Како да кажете „Јас згрешив“ без да си ја нарушите професионалната репутација?

Признавањето грешка не ја намалува вашата професионална вредност.

Напротив, кога е направено правилно, може да покаже:

• Одговорност;
• Зрелост;
• Самодоверба;
• Интегритет;
• Способност за решавање проблеми.

Луѓето не очекуваат да бидете безгрешни.Она што го очекуваат е да бидете искрени кога нешто ќе тргне наопаку и подготвени да преземете одговорност.

Запомнете грешката не е најголемиот проблем. На работа никој не очекува совршенство. Понекогаш ќе згрешите. Ќе донесете погрешна одлука. Ќе пропуштите нешто. Тоа не ве прави лош вработен.Она што ве издвојува е начинот на кој ќе постапите потоа. Признајте ја грешката. Преземете одговорност. Понудете решение. Научете од неа. И продолжете понатаму. Професионалноста не значи никогаш да не згрешите. Професионалноста значи да знаете што да направите кога ќе згрешите.

Прочитајте и за: 5 знаци дека премногу се обидувате да им угодите на сите на работа

Тагови: совети за работа

Дали бараш нова работна можност во Струга? Без разлика дали си искусен професионалец или штотуку започнуваш со својата кариера, KARIERA.mk ти овозможува брзо и лесно да ја најдеш идеалната работа за тебе!

Работни позиции достапни во Струга, во моментов има различни можности за вработување, како што се:

Советник за банкарски услуги во експозитура - Струга
Менаџер за Корпоративна продажба во експозитура Струга
Касиери/ки - Струга
Асистент на продажба - Струга
Фармацевт со лиценца - Струга
Фармацевтски техничар со уверение - Струга
Шофер Ц категорија - Струга

Не чекај! Секој ден се објавуваат нови огласи, затоа следи ги редовно и аплицирај веднаш за да си обезбедиш работна позиција што одговара на твоите вештини и интереси.

Посети ја KARIERA.mk и започни ја твојата кариера во Струга денес!

Прочитајте и за: Најнови огласи за работа во Куманово!

Пензиското и инвалидското осигурување е важен дел од системот на социјална сигурност, бидејќи обезбедува права за граѓаните во различни ситуации – од пензионирање до губење на работната способност.

Системот се финансира преку придонеси, а правата се остваруваат преку Фондот на пензиското и инвалидското осигурување.

Кои права ги опфаќа?

Според Законот за пензиското и инвалидското осигурување, граѓаните можат да остварат повеќе права, меѓу кои:

• старосна пензија
• инвалидска пензија
• семејна пензија
• професионална рехабилитација
• паричен надоместок за телесно оштетување
• право на најнизок износ на пензија

Зошто е важен пензискиот стаж?

Пензискиот стаж е еден од клучните елементи при остварувањето на пензиските права. Во стаж на осигурување се смета времето поминато во работен однос или на работа врз основа на која лицето било задолжително осигурено, под услов да е платен придонесот за пензиско и инвалидско осигурување.

Тоа значи дека редовното пријавување на работниот однос и уплатата на придонесите се важни не само за тековните права од работниот однос, туку и за идното остварување на пензија.

Што е со инвалидската пензија?

Пензиското и инвалидското осигурување не се однесува само на староста. Системот предвидува права и во случаи кога кај осигуреникот ќе настане инвалидност, односно намалување или губење на работната способност, под условите утврдени со закон.

Во зависност од конкретниот случај, може да се остварат права на инвалидска пензија или други права предвидени со системот на инвалидско осигурување.

Важно за секој вработен

Пензијата е право што се гради во текот на работниот век. Затоа е важно вработените да знаат дали се уредно пријавени, дали им се уплаќаат придонесите и дали нивниот работен стаж е правилно евидентиран.

Пензиското осигурување можеби изгледа како тема за која треба да размислуваме дури пред пензионирање, но всушност започнува многу порано – со секој работен однос и секој месец поминат во осигурување.

Тагови: здравствено осигурување Министерство за труд и социјална политика стаж

Лицата на кои им недостигаат до две години работен стаж за да го достигнат законскиот минимум од 15 години, наскоро би можеле сами да го докупат преостанатиот период и да остварат право на пензија. Оваа можност ја најави министерот за социјална политика, Ѓоко Велковски, со предлог-решение што во моментов се разгледува во Владата.

Според најавите, мерката ќе важи за граѓани кои имаат најмалку 13 години стаж, ги исполнуваат условите за старосна пензија и повеќе не се активни осигуреници. Ќе може да се докупат најмногу 24 месеци, а трошокот ќе го сносат самите граѓани преку уплата на придонеси за месеците што им недостигаат. Износот ќе зависи од бројот на месеци, при што придонесите ќе се пресметуваат на половина од просечната плата од претходната година.

По извршената уплата, пензијата ќе се пресметува според редовната законска формула, врз основа на вкупниот стаж и примањата остварени во текот на работниот век. Доколку законското решение биде усвоено, тоа би значело нова можност за лицата на кои им недостига мал дел од стажот да не останат без право на пензија.

Тагови: пензија Фонд на пензиското и инвалидското осигурување на Северна Македонија (ФПИОСМ)