Семејството Димитровски упати јавна благодарност до министерката Сања Божиновска за поддршката што, како што наведуваат, му ја дала на нивниот син Македон за остварување на можноста да се запише на престижната образовна програма Johns Hopkins Center for Talented Youth (CTY).

Во Фејсбук објавата на семејството се вели дека зад успехот на секое дете стојат многу труд, знаење и посветеност, но дека понекогаш е потребна и поддршка од луѓе кои ќе го препознаат талентот и ќе помогнат во вистинскиот момент.

Од срце сакаме јавно да ѝ се заблагодариме на министерката Сања Божиновска, а пред сè на човекот Сања, за нејзината човечност, разбирање и искрена поддршка за Македон, наведуваат од семејството.

Тие додаваат дека нејзиниот придонес за можноста Македон да стане дел од програмата на Johns Hopkins CTY има големо значење за нив и дека оваа поддршка ќе остане дел од неговиот пат кон нови знаења, предизвици и успеси.

Ви благодариме, министерке, но пред сè – Ви благодариме, Сања, што покажавте дека зад функцијата стои човек со срце, се вели во јавната благодарност на семејството Димитровски.

Johns Hopkins Center for Talented Youth (CTY) е програма на Универзитетот „Џонс Хопкинс“ наменета за надарени ученици, која нуди напредни образовни можности и предизвици за ученици со исклучителни академски способности.

Тагови: Македон Димитровски

Доброто познавање на работата повеќе не е единствениот услов за успешен вработен. Во време кога технологијата, AI алатките и работните процеси се менуваат со голема брзина, сè поголемо значење имаат вештините што не можат едноставно да се научат од упатство или софтвер.

Станува збор за таканаречените soft skills комуникација, организација на времето, тимска работа, решавање проблеми, адаптибилност, критичко размислување и способност за ефективна соработка.

Според ново истражување на City & Guilds, 74% од работодавачите во Шкотска, Велс и Северна Ирска велат дека станува потешко да најдат кандидати со потребните soft skills. Истото истражување покажува дека повеќе од една третина од работодавачите веќе забележуваат последици од недостигот на овие вештини меѓу кои оперативни грешки и доцнења, пониска ефикасност, намалена мотивација и поголема флуктуација на вработени.

Зошто soft skills директно влијаат врз продуктивноста?

Замислете вработен кој има одлично техничко знаење, но тешко комуницира со колегите, не успева добро да го организира времето или тешко се приспособува на промени. Техничкото знаење е тука, но резултатот може да изостане. Во современото работно опкружување, продуктивноста често зависи од тоа како луѓето соработуваат, а не само од тоа што знаат да направат.

Комуникацијата, тимската работа, решавањето проблеми и способноста за адаптација стануваат особено важни во средини каде што работните задачи постојано се менуваат и каде што технологијата презема дел од рутинските активности.

AI може да ја промени работата, но не ги заменува човечките вештини

Парадоксално, колку повеќе технологијата напредува, толку поважен станува човечкиот фактор. AI може да помогне во анализа на податоци, автоматизација на задачи и забрзување на процесите. Но, комуникацијата со клиент, решавањето конфликт, водењето тим, преговарањето или разбирањето на потребите на друг човек остануваат области во кои човечките вештини имаат значајна улога.

Токму затоа, современиот професионалец не треба да избира помеѓу technical skills и soft skills. Потребни се и едните и другите.

Одговорноста не е само кај кандидатите

Кога компаниите забележуваат недостаток на soft skills, решението не мора секогаш да биде „да најдеме подобар кандидат“. Понекогаш решението е да развиеме подобар вработен.

Компаниите можат да инвестираат во обуки за комуникација, лидерство, тимска работа, управување со времето и решавање проблеми. Особено важно е овие вештини да не се третираат како еднократна обука, туку како дел од долгорочниот развој на луѓето.

Истражувањата за идните потреби на работната сила исто така покажуваат дека критичкото размислување, креативноста, активното учење и лидерските способности остануваат значајни во работниот свет што се менува под влијание на технологијата.

Вистинското прашање за HR

Прашањето повеќе не е: „Дали кандидатот ги има потребните знаења?“

Туку: „Дали кандидатот знае да ги примени тие знаења во реална работна средина?“ Затоа, при селекцијата и развојот на кадарот, компаниите сè повеќе треба да гледаат пошироко од дипломата, сертификатите и техничките квалификации. Бидејќи понекогаш токму вештините што не стојат во CV-то се оние што прават најголема разлика во секојдневната работа. Во иднината на работата, знаењето ќе биде важно. Но начинот на кој го користиме ќе биде уште поважен.

Прочитајте и за: HR аларм: Дали сме продуктивни или само постојано зафатени?

Тагови: AI HR трендови soft skills

Со доаѓањето на есента, гардеробата повторно се менува, а потоплите парчиња постепено стануваат дел од секојдневните комбинации. Оваа сезона фокусот е на удобноста, слоевитото облекување и парчињата кои лесно можат да се комбинираат на различни начини.

Плетиво и широки панталони

Плетените џемпери и кардигани остануваат едни од омилените есенски парчиња. Комбинирајте ги со широки панталони и едноставни обувки за опуштен, но среден изглед.

Кошула под џемпер

Една од најлесните комбинации за есен е кошула под плетен џемпер. Јаката која се гледа над џемперот додава уреден изглед, а комбинацијата е практична за работен ден, факултет или кафе со пријатели.

Фармерки и сако

Класичните фармерки во комбинација со добро скроено сако се безвременски избор. Со патики ќе добиете посекојдневен изглед, додека со чизми или мокасини комбинацијата може да изгледа поелегантно.

Миди здолниште и чизми

Миди здолништата се одличен избор за есенските денови. Носете ги со плетен џемпер, пократка јакна и чизми за женствена есенска комбинација која лесно се приспособува на различни пригоди.

Кожна јакна и едноставна основа

Кожната јакна повторно е парче кое може да ја освежи речиси секоја комбинација. Носете ја со маичка или тенок џемпер, фармерки и чизми за едноставен, но впечатлив изглед.

Слоевито облекување

Есента е идеална за играње со слоеви. Кошула, елек, џемпер, палто или јакна можат да се комбинираат во зависност од температурата, а истовремено овозможуваат еден ист аутфит да изгледа различно.

Најважно е да изберете парчиња во кои се чувствувате удобно и да ги комбинирате на начин што одговара на вашиот личен стил. Оваа есен не мора да имате целосно нова гардероба  со неколку добро избрани парчиња и малку креативност, и старите омилени комбинации можат да добијат нов изглед.

Тагови: есен креативност мода

Избрана е потенцијалната локација за националниот дата-центар – најверојатно во близина на двете скопски технолошко-индустриски зони. Парцела на која нема плодно земјиште, но имa доволно простор доколку во иднина Владата одлучи да изгради и фотонапонска централа од каде податочниот центар би добивал електрична енергија, објави Сител ТВ.

Се наоѓа во близина на Градот Скопје, во близина на Технолошко-индустриската развојна зона Скопје 1 и 2, се наоѓа во близина на автопат, во близина на оптичка линија, така што најверојатно центарот за податоци ќе биде сместен таму, вели министерот за дигитална трансформација, Стефан Андоновски.

Изградбата на Националниот дата-центар ќе се финансира со државни пари, но има и 30% грантова компонтента. Владата сега има задача да најде меѓународен финансиер, со оглед на тоа што иако разговараше со Светска Банка, поради некомпатибилност со барањата на ЕУ, Светска банка нема да може да ги обезбеди парите.

Разговараме со различни финансиери коишто се компатибилни со барањата на Европската Унија за ваков вид на проекти. Овој процес е нов и за ЕУ. Планот за раст е една нов механизам којшто тие го користат за финансирање. Така што, тоа ќе бидат некои од меѓународните финансиски институции. Ние имаме добра соработка со голем дел од нив. Не сме имале проекти досега, имаме само еден со кој сме во напредна фаза на дискусија со Банката на Советот на Европа. Така што, разговараме со нив, разговараме со други некои потенцијални финасиери. Ќе видиме во периодот којшто следи од кого ќе добиеме најдобра понуда и кој ќе биде заинтересиран за соработка, вели Андоновски.

Парите за Национален дата-центар се фиксни – 20 милиони евра. 70% од нив ќе одат за самата изградба на објектот, 30% за опремата. Од почетокот на изградбата, до неговото пуштање во употреба ќе бидат потребни околу две – две и пол години.

Тагови: Европската централна банка ЕУ Скопје технологија