Системот „Сејф сити“ продолжува етапно да се проширува низ Македонија, а според најавите на надлежните, до крајот на годинава со камерите треба да бидат покриени сите градови во земјава. Во Охрид и Струга поставувањето и инсталирањето на опремата е завршено, а системот наскоро треба да биде ставен во целосна функција, што значи дека возачите уште оваа летна сезона ќе добиваат казни доколку не ги почитуваат сообраќајните правила.

Од 25 јуни во функција се пуштени и камерите на автопатската делница кај Ново Село, во општина Дебрца. Од СВР Охрид апелираат до возачите да ги почитуваат прописите, особено ограничувањето на брзината на оваа делница. Од МВР информираат дека поставувањето камери продолжува и во останатите сектори за внатрешни работи, а системот ќе се активира поетапно.

Официјалните податоци покажуваат дека од 2 февруари до 22 јуни 2026 година, преку системот „Безбеден град“ се регистрирани повеќе од 120.000 сообраќајни прекршоци. Над 95 проценти од нив се однесуваат на пречекорување на дозволената брзина, што потврдува дека брзото возење и натаму останува најчестиот прекршок на македонските патишта.

Тагови: казни Сејф сити - Безбеден град сообраќаен прекршок

Познавањето на германскиот јазик ова лето може да ти отвори врата кон нова деловна можност – без потреба да заминуваш на сезонска работа во странство. Transcom во Македонија ги проширува своите тимови и вработува нови колеги за две позиции во корисничка поддршка на германски јазик.

Двете позиции нудат 100 % работа од дома, од која било локација во Македонија, како и професионална и платена обука и континуирана поддршка од тимот. Нови групи за обука се планирани секој месец во текот на летото, па кандидатите имаат повеќе можности да започнат со работа.

Две можности за оние што зборуваат германски

Кандидатите можат да изберат помеѓу работа во корисничка поддршка во енергетскиот сектор и работа на проект во финансискиот сектор.

На проектот од областа на енергетиката, вработените им помагаат на постојните корисници на една од водечките енергетски компании во Германија. Прашањата се поврзани со сметки, плаќања, отчитување на броилата и други барања од корисниците. Позицијата нуди работа од дома уште од првиот ден на обуката, слободни викенди и дневни смени што започнуваат во 8 или во 10 часот.

Втората позиција вклучува корисничка поддршка за една од најголемите европски платформи за штедење и финансиски услуги. Вработените обезбедуваат поддршка во врска со сметки, трансакции и користење онлајн банкарски услуги. За оваа позиција е обезбедена почетна нето-плата од 950 евра, како и бруто бонус за добредојде во износ од 400 евра.

Претходно искуство во енергетскиот или финансискиот сектор не е задолжително. Преку платената обука, новите вработени ги стекнуваат сите потребни знаења, со поддршка од колегите и тим лидерите.

Работа од дома со бројни поволности и можности за развој

Покрај секојдневната работа на германски јазик и можноста да работат од својот дом, на вработените им се достапни приватно здравствено осигурување, поволности преку SportMaster, попусти во повеќе од 15 партнерски компании, онлајн психолошко советување и пристап до едукативната платформа T: University.

Во зависност од избраната позиција, достапни се и дополнителни поволности, како бонуси за остварени резултати, договор на неопределено време и можности за професионален развој и напредување.

За да се пријавиш, потребно е одлично познавање на германскиот јазик, добри комуникациски вештини, основно познавање на работа со компјутер, како и мотивација за учење и тимска работа.

Препорачај пријател и добиј бонус

Вработените во Transcom можат да препорачаат пријател, колега или познаник кој зборува германски и е заинтересиран за една од отворените позиции.

Доколку препорачаното лице се вработи, вработениот што го препорачал добива бонус во износ претходно договорен со проектот.

Ова лето можеш да го претвориш познавањето на германскиот јазик во стабилна деловна можност, да стекнеш искуство во меѓународна средина и да работиш од дома – од која било локација во Македонија.

Пријави се преку овој линк за позицијата во енергетскиот сектор, или преку овој линк за позицијата во секторот за финансиски услуги, и пронајди ја позицијата што најмногу одговара на твоите интереси.

Тагови: Transcom Macedonia

Министерот за одбрана Владо Мисајловски најави почеток на преговори за нов колективен договор, што треба да донесе зголемување на платите за припадниците на Армијата. Како што посочи, разговорите со синдикатите започнуваат од понеделник, а од следната година е предвидено покачување и на платите и на бодот за пресметка на примањата.

Според Мисајловски, во наредните години ќе следува и процентуално зголемување на платите, во согласност со буџетските можности. Тој оцени дека ова е важен чекор кон подобрување на статусот на армиските припадници и обезбедување посоодветни услови за нивната работа.

Министерот истакна дека Министерството за одбрана паралелно работи и на сервисирање на обврските наследени од минатото, особено по основ на тужби, за кои секоја година се исплаќаат неколку илјади предмети. Со актуелниот ребаланс на Буџетот, како што нагласи, приоритет е покривање на старите долгови, но и обезбедување средства за подобрување на капацитетите и нови инвестиции во Армијата.

Тагови: Армија на РСМ зголемување на плата

Од 1 јули до 31 август во Македонија ќе важи летна забрана за движење на тешки товарни возила над 15 тони на државните патишта. Ограничувањето ќе се применува за време на викендите, како и во периоди на екстремно високи температури, со цел да се намали метежот и да се подобри безбедноста во сообраќајот.

Според мерката, забраната ќе важи во петок попладне, сабота и недела, а при топлотни бранови ќе се проширува и од понеделник до четврток во периодот од 11:00 до 17:00 часот. Надлежните очекуваат со ова да се овозможи подобар проток на возила, особено на правците кон туристичките дестинации, каде во лето традиционално има зголемена фреквенција.

Од оваа забрана се изземени возилата што превезуваат храна, нафта, животни, хуманитарна помош и други неопходни товари. Мерката има за цел да воспостави рамнотежа меѓу потребите на транспортот и безбедното одвивање на сообраќајот во екот на летната сезона.

Тагови: мерки товарни возила