Летото е сѐ поблиску, а желбата да се чувствуваш лесно, енергично и самоуверено е сѐ поголема. Добрата вест? Не ти требаат екстремни диети или гладување. Со неколку паметни навики можеш да почнеш да симнуваш калории брзо и здраво  и да ја задржиш формата и после летото.

Јади полесна и свежа храна

Фокусирај се на овошје, зеленчук, салати и протеини како пилешко или риба. Избегнувај тешка, пржена и премногу масна храна. Полесните оброци значат помал внес на калории, а повеќе енергија.

Движи се повеќе секој ден

Не мора да одиш во теретана доволно е пешачење, лесно трчање или домашни вежби. Конзистентноста е клучот дури и 30 минути дневно прават огромна разлика.

Пиј повеќе вода

Често мислиме дека сме гладни, а всушност сме жедни. Водата помага да се намали апетитот и го забрзува метаболизмот.

Намали ги порциите (но не гладувај)

Јади почесто, но помали оброци. Така ќе избегнеш прејадување и ќе го одржиш нивото на енергија стабилно во текот на денот.

Спиј доволно

Недостатокот на сон го зголемува апетитот и желбата за нездрава храна. Квалитетниот сон е потценет, но многу важен дел од слабеењето.

Брзо симнување калории не значи драстични мерки  туку паметни избори. Со малку повеќе движење, подобра исхрана и грижа за себе, можеш да постигнеш видливи резултати уште пред да почне летото. Најважно од сѐ прави го тоа на начин што можеш да го задржиш и после сезоната.

Тагови: вежбање диета здрава храна здравје слабеење

Според новиот извештај на Меѓународната организација на трудот (МОТ), повеќе од 840.000 луѓе умираат секоја година во светот од здравствени состојби поврзани со психосоцијални ризици на работа, вклучувајќи долги работни часови, несигурност на работното место и мобинг.

Извештајот открива дека овие ризици се во голема мера поврзани со кардиоваскуларни заболувања и ментални здравствени состојби, вклучувајќи депресија и самоубиство.

Глобалната економска цена се проценува на околу 1,37 проценти од светскиот БДП секоја година.

Извештајот „Психосоцијална работна средина: Глобални случувања и патеки за дејствување“ нагласува како дизајнот, организацијата и управувањето со работата значително го обликуваат здравјето, безбедноста и благосостојбата на работниците.

Го идентификува клучните психосоцијални ризици, вклучувајќи прекумерни работни часови, несигурност на работното место, високи барања за работа со ниска контрола и малтретирање и вознемирување на работното место, предупредувајќи дека таквите услови можат да создадат штетни работни средини ако не се решат.

Тагови: работа стрес на работно место Меѓународната организација на трудот (МОТ)

Никогаш не треба да одите на интервју за работа без подготвени одговори, вели Ерин Мекгоф, експерт за кариера.

Подготвеноста на одговори што можете да ги презентирате во вистинскиот момент може да ве спаси од непријатностите поврзани со смислување одговори на тешки прашања.

Според Мекгоф, авторка на „Тајниот јазик на бизнисот: Хиперкорисни сценарија за секоја ситуација“, вежбањето однапред ви помага да останете смирени и прибрани во стресни ситуации.

Според нејзиното искуство, едно од прашањата што често ги збунува кандидатите е: „Зошто ја напуштивте претходната позиција?“.

Тоа е навистина често прашање со кое луѓето се мачат бидејќи не знаат како да го формулираат на начин што изгледа вистинит, но можеби не ја открива целата приказна, вели Мекгоф.

Во суштина, работодавците навистина не се грижат зошто сте ја напуштиле претходната работа, пишува таа во својата книга. Тие всушност бараат „црвени знамиња“ и се обидуваат да проценат зошто можеби ќе сакате да ја напуштите вашата нова позиција.

Најважното нешто што треба да се има предвид е дека интервјуто „не е сесија за испуштање на емоции“, вели таа. Ова не е момент да зборувате за вашиот „ужасен шеф и колеги“ од претходната компанија.

Како општо правило, Мекгоф советува да избегнувате негативни коментари за вашата поранешна компанија или колеги.

Исто така, во зависност од големината на индустријата, постои можност работодавачот да ги познава вашите поранешни колеги. Кандидатите треба внимателно да го формулираат својот одговор на ова прашање, пишува Мекгоф.

Таа препорачува три чекори за добар одговор: Посочете нешто што ви се допаднало во врска со вашата претходна работа.

Накратко објаснете ја причината за напуштање. Мекгоф советува користење неутрален јазик, пренесува Каматица. 

Тагови: интервју за работа Ерин Мекгоф

Министерот за внатрешни работи, Панче Тошковски најави дека до крајот на годината, системот „Безбеден град“ ќе биде целосно имплементиран на територијата на цела Македонија.

Тој истакна дека секој граѓанин има право да живее во побезбедна средина и дека новиот систем веќе покажува позитивни резултати во зголемувањето на сообраќајната безбедност.

Како што се создаваат техничките услови на локално ниво, системот веднаш се става во функција. Нема да се чека истовремена имплементација во сите градови, појасни Тошковски.

Тагови: Македонија Панче Тошковски Сејф сити - Безбеден град