Повеќето кандидати за работа мислат дека доброто образование и искуство се доволни, но искусната регрутерка Мадлин Ман открива за CNBC дека успехот на интервјуто често зависи од нешто друго - способноста паметно да се „навигира“ низ процесот на вработување.

По повеќе од една деценија во човечки ресурси, Мадлин Ман, основач на бизнисот за кариерно советување „Self Made Millennial“, знае што навистина бараат работодавците. За време на нејзината работа како регрутер, таа сфатила дека многу кандидати имаат ограничено разбирање за процесот на селекција и дека не секогаш успеваат најобразованите и најискусните, туку оние кои знаат како паметно да пристапат кон барањето работа, пишува CNBC Make It.

Според Ман, подготовката е клучот до успехот: ќе бидете поопуштени и посигурни ако однапред имате неколку добро осмислени одговори и конкретни примери. Едно од најчестите прашања на интервјуата е токму Која е вашата најголема слабост?

Поентата на ова прашање е да ја покажете вашата способност за саморефлексија. Многу кандидати се обидуваат да го избегнат тоа со фрази како „Работам премногу“ или „Јас сум перфекционист“, но искусните регрутери лесно можат да ја препознаат неискреноста.

Добриот одговор бара рамнотежа: признајте вистинска слабост, но не таква што е клучна за работата. Ако аплицирате за позиција сметководител, немојте да кажете дека го мразите Excel - тоа автоматски ве дисквалификува. Наместо тоа, слабоста треба да биде специфична, реална и поправлива, на пример, „Понекогаш ми е тешко да добијам внатрешна поддршка кога водам голем проект“.

Важно е да бидете концизни и веднаш да објасните како работите за надминување на слабостите. Можете да наведете конкретни чекори: работа на односите со колегите од други оддели, барање менторство или дополнителни обуки и курсеви. Сето тоа покажува проактивност, пренесува bizlife.

Иако зборувањето за слабостите може да биде непријатно, работодавците не го поставуваат ова прашање за да ве „фатат“. 

Секој има слабости. Ако се сериозни во врска со вработувањето, тие само сакаат да разберат како да соработуваат со вас, вели Ман.

Тагови: интервју за работа

Стокомак е ланец на дисконти продавници кој работи по концептот хард-дисконт.

Моментално вработува:

Возач на камион
Продавач/ка - Касиер/ка - Радишани
Продавач/Касиер Бутел
Продавач/ка-Касиер/ка - Илинден
Продавач/ка - Касиер/ка - Усје
Продавач/ка - Касиер/ка - Буњаковец
Контрола на квалитет

Се уште невработени?! Сите останати активни работни места ќе ги најдете ТУКА.

Тагови: ДТ Стокомак ДОО

Незадоволството на работното место ретко започнува гласно. Повеќето вработени не излегуваат веднаш со критика или поплака — напротив, најчесто молчат. Но тишината не значи мир. Таа често е најгласниот сигнал дека нешто не е во ред во културата, процесите или лидерството.

Разбирањето на овие тивки пораки е клучно за секоја компанија што сака да задржи талент, да ја подобри мотивацијата и да создаде здрава организациска средина.

1. Опадната енергија и ентузијазам

Кога вработените одеднаш престануваат да покажуваат иницијатива или да предлагаат идеи, тоа е првиот знак дека нешто ги демотивира. Тие не се „мрзеливи“ – тие се исцрпени или разочарани.

2. Намален ангажман во комуникацијата

Кратки одговори, избегнување состаноци или минимално учество на дискусии често укажуваат дека луѓето ја губат довербата дека нивното мислење има тежина.

3. Тивко напуштање (Quiet Quitting)

Ова е форма на незадоволство каде вработените работат само онолку колку што мораат. Немаат намера да даваат плус-напор, бидејќи чувствуваат дека нема да биде вреднуван.

4. Пораст на пропуштени рокови и грешки

Незадоволството често се манифестира преку пад на концентрација, намалена продуктивност и зголемена фрустрација. Ова не е недостаток на способност – туку на мотивација.

5. Повлекување од тимската динамика

Вработени кои порано биле активни, а сега избегнуваат дружење, тимски активности или паузи со колегите, често се соочуваат со стрес, замор или чувство на непрепознаена вредност.

6. Индиректна комуникација или пасивна агресија

Коментари „меѓу редови“, цинизам или минимално вклучување во работниот ден можат да бидат знак дека вработениот веќе нема сила или храброст директно да зборува за проблемот.

7. Нагло зголемен број на боледувања или непланирани отсуства

Психолошкиот товар од незадоволство често се манифестира и физички. Ова е важен индикатор дека организацијата треба да погледне под површината.

Зошто е важно да ги „слушаме“ овие тивки сигнали?

Затоа што секој од нив е предупредување. Компаниите што ги игнорираат раните знаци на незадоволство најчесто се соочуваат со:

• Заминување на таленти,
• Пад на квалитетот,
• Токсична атмосфера,
• Зголемени трошоци за регрутација и обука.

Но добрата вест е дека незадоволството не мора да е крај – често е почеток на подобрување, ако се реагира навреме.

Како лидерите можат да ја прекинат тишината?

• Прашајте ги луѓето што им треба, не само што им недостига.
• Создадете безбедна средина за изразување мислење.
• Дејствувајте брзо кога ќе идентификувате проблем.
• Постојано комуницирајте транспарентно и отворено.
• Потврдете го трудот, гласот и влогот на секој член од тимот.

Кога тимот молчи слушнете внимателно. Некогаш во тишината се крие вистината која може да ја трансформира организациската култура.

Прочитајте и за: Фер селекција без предрасуди: Како да избегнете дискриминација по возраст

Тагови: HR работа работа под притисок совети за работа

Ерата на евтини, неоданочени нарачки од странство завршува. Собранието ги изгласа измените на Законот за данокот на додадена вредност, со кои се укинува даночното ослободување за пратките со мала вредност. 

Ова значи дека граѓаните отсега ќе плаќаат 18% ДДВ и за нарачките до 22 евра кои пристигнуваат од популарните онлајн платформи за пазарување како „Тему“, „Шеин“ и „Али Експрес“.

Со 59 гласа „за“ и 12 „против“, пратениците дадоа зелено светло за мерката која директно ќе влијае врз крајната цена на производите нарачани онлајн. Овие нарачки, кои досега беа ослободени од давачки, практично ќе поскапат за износот на данокот.

Заменик-министерот за финансии, Николче Јанкуловски, пред пратениците образложи дека основната причина за оваа измена е воведување ред во е-трговијата и заштита на домашната економија.

Основна причина заради која се врши оваа измена е создавање на појасна правна рамка, спречување на злоупотреби и обезбедување пофер и порамноправна положба на малите бизниси во Република Македонија со оние во странство при плаќање на ДДВ, истакна Јанкуловски.Тој посочи дека Македонија го следи европскиот тренд, потсетувајќи дека Европската Унија со директива го укина ова ослободување уште на 1 јули 2021 година. Слични мерки веќе се воведени во Србија и Црна Гора, додека во Албанија постапката е во процедура.

Поддршка за законското решение стигна од пратеникот Малиша Станковиќ од Социјалистичката партија на Македонија (СПМ). Тој презентираше податоци кои укажуваат на обемот на увозот на ситни пратки.

Само минатата година над 1.000 тони ситни производи се влезени во Република Македонија кои што не се оданочени. Тоа претставува нелојална конкуренција. Со ова законско решение ги ставаме барем во рамноправна положба македонските трговци, рече Станковиќ.

Остро противење на измените изразија од пратеничката група на Левица. Пратеникот Реџеп Исмаил ја обвини власта дека наместо да ги оданочи профитите на големите компании или да се справи со сивата економија, удира по џебот на обичните граѓани.

Сивата економија ви цвета. Кога имате рамен данок на добивка, од каде треба да се полни буџетот, вие одлучувате на и онака огромниот процент на приход од ДДВ – кој популарно се нарекува ‘данок на сиромашни’ – да се полни дополнително од нив. Практично, празниот буџет ние ќе го полниме од тоа што нашето граѓанство купува шноли и боички, критикуваше Исмаил.

Новите правила нема да чекаат долго за примена. Законот стапува на сила осум дена по неговото објавување во „Службен весник“. Ова значи дека граѓаните кои планираат нарачки од странски веб-страници треба да очекуваат пресметување на ДДВ во многу краток рок. 

Тагови: данок собрание Тему