Македонија доби силно туристичко признание од CNN, кој во својата рубрика за патувања ја опиша како „скриен бисер“ во Јужна Европа. Според медиумот, додека најголем дел од туристите и понатаму се насочуваат кон традиционалните дестинации како Франција, Шпанија и Италија, сè поголемо внимание заслужуваат помалку откриените земји што нудат автентично искуство – меѓу кои се издвојува и Македонија.

Во текстот, земјата е претставена како драматично планинска дестинација со импресивни природни пејзажи, зелени ридови, планински врвови и карпести предели што се особено привлечни за љубителите на природата и авантуристичкиот туризам. Посебен акцент е ставен и на македонската гастрономија, која варира од регион до регион, како и на поволните климатски услови за производство на квалитетен зеленчук, лозарство и развој на винската индустрија.

CNN го издвојува и Скопје како град со уникатен спој на модерно и традиционално, додека националните паркови и планинските региони се посочени како сè поинтересни за странските посетители. Ова признание доаѓа во период кога туристите сè повеќе бараат дестинации надвор од стандардните европски рути, што дополнително ја зацврстува позицијата на Македонија на светската туристичка мапа и отвора простор за зголемен интерес од меѓународната публика.

Тагови: CNN Европа Македонија Скопје бисер

Министерството за внатрешни работи соопшти дека македонската сообраќајна полиција, како членка на европската мрежа ROADPOL, од денеска се приклучува на засилена акциска контрола за санкционирање на возењето над дозволената брзина. Акцијата ќе трае до 19 април, а нејзина главна цел е зголемување на безбедноста во сообраќајот и намалување на бројот на несреќи со тешки последици.

Во рамки на оваа европска кампања, на 15 април од 00:00 часот до 16 април во 00:00 часот ќе се спроведе 24-часовен „Маратон на брзина“, при што ќе има непрекинати контроли на територијата на целата држава. Од МВР потенцираат дека брзото возење и натаму е една од водечките причини за сообраќајни незгоди со тешки и смртни последици, па затоа е неопходно постојано превентивно дејствување.

Според МВР, голем дел од локациите каде ќе се вршат контролите им се однапред познати на возачите, со цел акцијата да има превентивен, а не само казнен карактер. „Целта не е казнување, туку почитување на ограничувањата и сообраќај што спасува животи“, порачуваат од Министерството. ROADPOL „Speed marathon“ се спроведува истовремено на европските патишта како заедничка акција на сообраќајните полиции низ континентот.

Тагови: автомобили Министерство за внатрешни работи (МВР) контроли за брзина

Државјаните на Македонија, Србија, Босна и Херцеговина и другите земји што не се дел од Шенген зоната, можат да престојуваат во Грција најмногу 90 дена во период од 180 дена. Ова правило важи без разлика дали престојот е непрекинат или во повеќе наврати.

Поседувањето недвижност во Грција не носи дополнителни поволности – и за сопствениците важи истото ограничување од 90 дена.

Клучно е да се разбере дека станува збор за „клизен“ период. Тоа значи дека при секое ново влегување во земјата се пресметуваат последните 180 дена наназад, а не од датумот на првиот влез. Патниците треба да ги избројат деновите поминати во Грција (или било која друга земја од Шенген) во тој период за да знаат колку им преостанува.

За полесна пресметка, може да се користи т.н. Шенген калкулатор, во кој се внесуваат датумите на влез и излез, по што автоматски се добива точниот број на преостанати денови.

Граничните служби имаат прецизна евиденција за престојот. При влез и излез се става печат во пасошот, а електронските системи им покажуваат на службениците колку долго лицето престојувало.

Пречекорувањето на дозволениот престој не поминува без последици. Во Грција казните се движат од 600 до 1.200 евра, а во одредени случаи може да следи и депортација или забрана за влез во Шенген зоната.

Доколку некој не може да ја напушти земјата пред истекот на рокот, потребно е најмалку две недели однапред да се обрати до надлежните служби за странци и да побара продолжување на престојот.

Важно е да се напомене дека правилото 90/180 важи за целата Шенген зона, што значи дека деновите поминати во Грција се пресметуваат заедно со престојот во другите земји членки.

Тагови: Грција престој Шенген

Државната администрација нуди одлични можности за работа и кариера, а порталот KARIERA.mk е идеално место за најдобрите кандидати да ги пронајдат огласите за отворените позиции. 

На платформата ќе најдете различни работни места во јавниот сектор, од најниските до највисоките позиции во разни министерства, агенции и други државни институции.

Моментално отворени позиции:

Соработник за нормативно правни работи, Одделение за правни работи, Сектор за општи и правни работи

Помошник на Главниот ревизор за ИПА на сектор за ревизија 5, Сектор за ревизија на програми финансирани од ИПА II за регионална и територијална соработка и програми финансирани од ИПА III од областа на Прекугранична соработка со ИПА земјите и учество во микро регионални стратегии - (Сектор за ревизија 5)

Самостоен референт - Архивар, Одделение за општо правни работи и човечки ресурси, Административна служба

Раководител на одделение за општо правни работи и човечки ресурси, Административна служба

Соработник сметководител

Сите останати позиции за во државна администрација можете да ги најдете ТУКА.

Тагови: државна администрација