KARIERA.mk со гордост ја објавува целосната програма за овогодинешното издание на Global HR Vision, кое ќе се одржи на 23 април во Skopje Marriott Hotel.

Подгответе се за ден исполнет со врвни светски експерти, иновативни стратегии и networking кој ги поместува границите.

Детална програма:

08:15 – 08:50 | Регистрација

08:50 – 09:00 | Welcome & Opening Remarks

Harbir Singh Rissam - AstraZeneca

09:00 – 09:45 | AI in HR: Data, Bias & Ethical Decision-Making 

Peter Spannagl - Bayer

09:45 – 11:00 | From Day 1 to Performance: Leading the First 90 Days 

11:00 – 11:15 | Surprise Guest? 

11:15 – 11:45 | Coffee Break 

Majda Berislavic - Atlantic Group

11:45 – 12:30 | How to Build Functional Academies: Set Up, Scale, and Sustain 

Ilona Popczyk - Green Man Gaming

12:30 – 13:30 | Is the WFH dream still alive? 

Nadina Tyropolis - Dara Impact

13:30 – 14:30 | Escaping the Performance Trap: Sustainable Leadership 

14:30 – 14:35 | Closing remarks

Afternoon Party - Trend London Bistro

14:45 – 16:45 | Забавата продолжува во неформална атмосфера!

DJ Set by DJ Boogimen (Latino & R&B)

Идеална можност за дружење и нови деловни пријателства.

Global HR Vision 2026 не е само настан, туку платформа за сите што сакаат да бидат чекор пред промените во светот на човечките ресурси.

Купете карти онлајн тука: https://kariera.mk/events?id=Zy5u9sJnakWJAhopUleVew

Или за карти на фактура и групни карти пишете ни на contact@kariera.mk тел.077 888 722 и 078 262 370

Тагови: Global HR Vision HR Scanner HR трендови работнички права агенда

Лојалноста долго време се смета за една од најценетите вредности на еден вработен. Да останете во компанија со години, да го познавате тимот, процесите и културата – тоа носи сигурност и стабилност. Но, што се случува кога токму таа лојалност почнува да ве кочи наместо да ве унапредува?

Границата помеѓу лојалност и стагнација е тенка и често невидлива.

Во почетокот, секоја позиција носи учење, предизвици и напредок. Но со текот на времето, ако новите можности се ретки, ако улогата станува рутина, а вашите вештини не се развиваат – тогаш лојалноста може да прерасне во зона на комфор. А токму таму најчесто завршува растот.

Еден од првите сигнали е чувството дека сте „заглавени“. Работите повеќе не ве мотивираат како порано, задачите се повторуваат, а ентузијазмот полека исчезнува. Наместо да учите нови работи, вие ги усовршувате истите процеси одново и одново.

Друг важен момент е кога вашата вредност на пазарот расте, но вашата позиција и плата остануваат исти. Компаниите не секогаш можат или знаат да го препознаат вашиот напредок, особено ако сте „сигурен“ и не барате промени. Во такви ситуации, лојалноста често се претвора во тивко прифаќање на статус кво.

Исто така, лојалноста понекогаш доаѓа од емоционални причини добар тим, пријателства, чувство на припадност. Иако ова се важни фактори, тие не треба да бидат единствената причина поради која останувате. Кариерата е долгорочен процес, а растот бара свесни одлуки, не само удобност.

• Важно е да си поставите искрени прашања:
• Дали учам нешто ново?
• Дали напредувам?
• Дали сум вреднуван/а?
• Дали оваа работа ме носи поблиску до моите цели?

Ако одговорите се почесто негативни, тогаш можеби не станува збор за лојалност туку за страв од промена.

Да се замине од компанија не значи нелојалност. Напротив, тоа може да биде знак на зрелост и свесност за сопствениот развој. Вистинската лојалност треба да биде двонасочна компанијата да инвестира во вас, а вие во неа.

На крајот, најважното прашање не е колку долго сте останале, туку дали тоа време ве направило подобри.

Прочитајте и за: Од ангажираност до повлекување: Модели на однесување кај незадоволни вработени

Тагови: совети за работа лојален вработен

Компанијата за хартија „Гуангдонг Донгпо Пејпер“ воведе необичен систем на наградување – бонуси за вработени врз основа на истрчаните километри месечно. Највисокиот бонус од 130% е за оние кои трчаат 100 км, целосен бонус за 50 км и помал бонус за 30 км, а напредокот се следи преку апликации за фитнес. Целта е да се поттикне здрав живот и подобар тимски дух, според изјавата на претседателот Лин Џијонг.

Лин истакнува дека здравјето на вработените е клуч за успехот на компанијата и дека инвестирањето во физичката кондиција е долгорочна придобивка за тимот и отпорноста на компанијата. Овој пристап е замислен како начин да се стимулира активен и здрав начин на живот, додека истовремено се наградува посветеноста и дисциплината на вработените.

Сепак, новиот систем предизвика контроверзии. На социјалната мрежа Веибо, корисниците истакнаа дека трчањето од 100 км месечно е преголем напор за просечниот работник, со можни повреди или стрес, и дека тоа може да создаде неправда кон постари или здравствено ограничени вработени. Некои ја прашуваат границата помеѓу мотивацијата и притисокот, предупредувајќи на потенцијални негативни ефекти на долг рок.

Тагови: вежбање здравје награди работнички права бонус

Во последните неколку години, темата за бенефити стана еден од клучните фактори при избор на работно место. Платата повеќе не е единствениот критериум вработените сè почесто бараат баланс, флексибилност и грижа од страна на работодавачите.

Но, каде се македонските компании во оваа приказна?

Што нудат компаниите во Македонија?

Во локалниот контекст, најчести бенефити се:

• Приватно здравствено осигурување
• Бонуси за перформанс
• Платен годишен одмор (во рамки на законскиот минимум)
• Тим билдинзи и корпоративни настани

Во последно време, сè повеќе компании воведуваат:

• Флексибилно работно време
• Хибриден модел на работа
• Дополнителни слободни денови

Сепак, овие практики сè уште не се стандард, туку повеќе привилегија во одредени индустрии (ИТ, телекомуникации, странски инвестиции).

Каква е состојбата во Европа?

Во многу европски земји, бенефитите одамна се дел од основниот пакет:

• 4-дневна работна недела (во тест или имплементација)
• Неограничен платен одмор (во одредени компании)
• Буџети за ментално здравје и wellbeing
• Буџети за учење и развој (courses, certifications)
• Родителски политики значително над законскиот минимум

Компаниите таму активно инвестираат во „employee experience“, знаејќи дека задоволен вработен значи и подобри резултати.

Каде е разликата?

Главната разлика не е само во буџетот туку во пристапот.

Во Европа: Бенефитите се стратегија за задржување на талент

Во Македонија: Бенефитите често се реакција на конкуренцијата

Дополнително, кај нас сè уште постои фокус на традиционалните модели на работа, додека европските компании се движат кон поголема флексибилност и персонализација на бенефитите.

Што следува?

Добрата вест е дека трендот се менува.

Сè повеќе македонски компании:

• Го подобруваат employer branding-от
• Воведуваат модерни HR практики
• Сфаќаат дека бенефитите не се трошок, туку инвестиција

Прашањето не е дали ќе ги стигнеме европските стандарди туку колку брзо.

Прочитајте и за: Invisible Talent: Како компаниите ги пропуштаат најдобрите кандидати

Тагови: HR трендови бенефиции Македонија работа