Од 1 февруари 2026 година стапија во сила измените на Кривичниот законик со кои се воведува една од најстрогите санкции во сообраќајот: одземање на моторното возило од лица кои управуваат без стекнато право на возачка дозвола. Доколку сторителот со тоа изврши кривично дело против безбедноста на јавниот сообраќај, возилото со кое е сторено делото ќе биде одземено, под услов да е во негова сопственост.

Кога возилото е во сопственост на трето лице, ќе може да биде одземено само доколку се утврди дека сопственикот знаел или бил должен да знае дека лицето што управувало немало право да вози. Новите правила важат за сите видови моторни возила – патнички автомобили, мотоцикли, скутери и други моторизирани превозни средства – и предвидуваат и кривична, а не само прекршочна одговорност за ваквите случаи.

Законот пропишува одземање на возилото и при екстремно пречекорување на брзината: најмалку 70 км/ч над дозволената брзина во населено место или 90 км/ч надвор од населено место. Доколку возачот веќе бил осудуван за вакво кривично дело, одземањето на возилото е задолжително. Надлежните институции истакнуваат дека целта на мерката е драстично намалување на тешките сообраќајни несреќи, зголемување на дисциплината и отстранување на најризичните учесници од патиштата.

Тагови: возачка дозвола полиција

Вработените со полно работно време ќе земаат приближно 1.000 евра нето плата во месецот. Минималната бруто плата изнесува 1.482,88 евра.

Словенечкиот министер за труд ја потпиша одлуката за новата минимална плата, која беше објавена во Службени весник на Словенија во петокот, 30 јануари 2026 година, со што се исполни законскиот рок според кој минималната плата мора да се утврди и објави најдоцна до 31 јануари секоја година.

Министерството за труд објаснува дека законот предвидува дека минималната плата мора да биде помеѓу 20 и 40 проценти над минималните трошоци за живот. За 2026 година, тој опсег беше од 1.372,03 до 1.648,28 евра бруто. Министерот одлучи за износот од 1.442,92 евра бруто, кој потоа беше прилагоден на инфлацијата од 2,7 проценти, што доведе до конечната минимална плата од 1.481,88 евра бруто, објавуваат регионалните медиуми.
Како што истакнува министерството, целта на таков модел е минималната плата да не биде само формална категорија, туку инструмент што им обезбедува на работниците основна финансиска сигурност и достоинствен живот.

Зголемувањето на минималната плата има и поширок општествен ефект. Голем број други бенефиции што се законски врзани за овој износ, исто така, автоматски се зголемуваат, вклучувајќи ги минималните надоместоци за невработеност, часовните плати за студентска работа, бенефициите за личен асистент, како и одредени други социјални и работни бенефиции. Затоа одлуката за минималната плата директно влијае на многу поголем број граѓани отколку што изгледа на прв поглед, објави Б92.

Тагови: минимална плата Словенија

Вкупно 101 забрана за возење е изречена вчера како резултат на прекршоците што ги забележал системот „Безбеден град“, на првиот ден на кој тој почна да изрекува казни, соопшти МВР.

Притоа изречени се вкупно 101 забрана за управување на моторно возило по основ на двата вида на прекршоци, додаваат од Министерството.

Во текот на вчерашниот ден преку системот „Безбеден град“ биле констатирани вкупно 646 сообраќајни прекршоци на територијата на државата. Поради минување на црвено светло регистрирани се 64 прекршоци, од кои 35 во Скопје, пет во Тетово и 24 во Куманово.

За возење со брзина поголема од дозволената евидентирани се 582 прекршоци, при што најголем дел – 445, се регистрирани во Скопје. Во Тетово се констатирани 36, во Куманово 31, додека 70 прекршоци се евидентирани на патните коридори.

Тагови: казни камери Министерство за внатрешни работи (МВР) Сејф сити - Безбеден град

Државната администрација нуди одлични можности за работа и кариера, а порталот KARIERA.mk е идеално место за најдобрите кандидати да ги пронајдат огласите за отворените позиции. 

На платформата ќе најдете различни работни места во јавниот сектор, од најниските до највисоките позиции во разни министерства, агенции и други државни институции.

Моментално отворени позиции:

Референт за контрола на евиденција на набавки, дистрибуција и складирање на материјал, Сектор за материјално финански работи и сметководство

Советник за правни работи, Одделение за нормативни и правно-административни работи, Сектор за правни и административни работи, Централна служба

Раководител на одделение за поддршка и вработување на млади, Сектор за активни мерки и услуги за вработување, Централна служба

Помошник раководител на сектор за активни мерки и услуги за вработување, Централна служба

Помлад соработник за економски анализи на акти со кои претпријатијата ги уредуваат меѓусебните односи за целите за примена на Законот за забрана на нефер трговски практики во синџирот на снабдување на земјоделски и прехрамбени производи, Одделение за истражување на економски анализи за целите за примена на Законот за забрана на нефер трговски практики во синџирот на снабдување на земјоделски и прехрамбени производи, Сектор за забрана на нефер трговски практики во синџирот на снабдување на земјоделски и прехрамбени производи

Сите останати позиции за во државна администрација можете да ги најдете ТУКА.

Тагови: државна администрација