Согласно Законот за работни односи, секој вработен има право на платен годишен одмор во траење од најмалку 20, а најмногу 26 работни дена во текот на една календарска година.

Годишниот одмор може да се користи во два дела. Првиот дел мора да изнесува најмалку 12 работни дена и задолжително да се искористи до крајот на тековната година, додека преостанатиот дел може да се искористи најдоцна до 30 јуни наредната година.

При пресметката на годишниот одмор не се вклучуваат државните празници, саботите и неделите, како и отсуствата поради боледување или други форми на оправдано отсуство од работа.

Лицата кои работат без формален работен однос, како што се непријавените работници или таканаречените „хонорарци“, не се опфатени со Законот за работни односи. Сепак, останува морална обврска на работодавачите кои ги ангажираат да обезбедат фер и еднаков третман во однос на користењето одмор, споредлив со оној на редовно вработените.

Законот предвидува прекршочни санкции за работодавачите кои не им овозможуваат на вработените користење на годишен одмор согласно законските одредби или кои не издаваат писмено решение за одмор, кое претставува доказ при инспекциски надзор.

Во секоја компанија, користењето на годишниот одмор треба да биде организирано според однапред утврден план, а вработениот мора да добие писмен документ за одобрен одмор, потпишан и од работодавачот и од самиот вработен.

Доколку поради работните обврски вработениот е ангажиран за време на државен празник, работодавачот има обврска да исплати соодветна празнична дневниц

Тагови: годишен одмор работнички права

Православните христијани кои се водат според Јулијанскиот календар вечерва ја дочекуваат Старата нова година, која официјално започнува утре, на 14 јануари, со празникот Василица. Овој ден е посветен на Свети Василиј Велики и традиционално се одбележува од верниците на Македонската православна црква – Охридска архиепископија, како и од други православни заедници што ги следат празниците според стариот календар.

Во македонската традиција, Василица се смета за празник што симболизира нов почеток, благосостојба, здравје и надеж. Во домовите се подготвува свечена трпеза, а централно место зазема василичарската пита или погача со скриена паричка. Според верувањата, оној што ќе ја пронајде паричката ќе има среќна и успешна година.

Прославувањето на Василица е збогатено со различни обичаи што варираат од еден до друг крај на земјата. Во некои средини се организираат василичарски поворки, маскирани дефилеи и јавни настани исполнети со хумор и народна традиција, додека во други места празникот се одбележува потивко, во семејна атмосфера, со молитва и заедничка трпеза.

Иако Старата нова година не е прогласена за официјален државен празник, Василица и понатаму има значајна улога во културниот и духовниот живот. Таа останува жив симбол на традицијата, празник што ги спојува генерациите и ја чува врската меѓу минатото и сегашноста како дел од колективниот идентитет.

Тагови: василица обичаи традиции

Лидл е семеен бизнис заснован на едноставна филозофија: дека клиентите заслужуваат најквалитетни стоки и намирници по цени што секој може да си ги дозволи. Веќе повеќе од четириесет години, уникатниот пристап на Лидл ги менувa и подобрувa заедниците во 30 земји, каде што Лидл се прошири и оперативно работи со околу 12.200 продавници и вработува повеќе од 376.000 луѓе.

Моментално се отворени следниве позиции:

Специјалист за синџир на набавки
Царински декларант (без лиценца)
Консултант за свежи и замрзнати прехранбени производи
Специјалист за привлекување на таленти
Мастер дата специјалист во оддел набавки

Доколку сакате да бидете дел од успешниот тим на Лидл, не се двоумете и аплицирајте веднаш!

Се уште сте во потрага по ново работно место? Сите останати огласи можете да ги најдете ТУКА.

Тагови: Лидл Северна Македонија дооел

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,03% во однос на одлуката од 5.1.2026 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,332%, кај дизелот има намалување за 0,317%, кај екстра лесното масло зголемувањето е за 0,391% и кај мазутот има намалвање за 4,067%.

Курсот на днарот во однос на доларот во изминатиот период по кој беа формирани цените со претходната пресметка е повисок за 0,7158%.

Од 13.1.2026 година од 00:01 часот максималните цени на нафтените деривати ќе изнесуваат:

• Моторен бензин ЕУРОСУПЕР БС – 95 70,50 (денари/литар)
• Моторен бензин ЕУРОСУПЕР БС – 98 72,50 (денари/литар)
• Дизел гориво ЕУРОДИЗЕЛ БС (Д-Е V) 64,50 (денари/литар)
• Масло за горење Екстра лесно 1 (ЕЛ-1) 64,50 (денари/литар)
• Мазут М-1 НС 32,133 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на Екстра лесното масло за домаќинство на (ЕЛ-1) се зголемуваат за 0,50 ден/лит.

Малопродажната цена на ЕУРОДИЗЕЛ (Д-Е V) не се менува.

Малопродажната цена на Мазутот М-1 НС се намалува за 0,668 ден/кг и сега ќе изнесува 32,133 ден/кг.

Напоменуваме дека ова се максималните цени на нафтените деривати од 00:01 часот на 13.1.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од Регулаторна. 

Тагови: Регулаторната комисија за енергетика-(РКЕ) цени на горивата