Аплицирањето за нова работа не е само испраќање CV и чекање повик. Тоа е процес во кој носите одлука што директно влијае на вашата кариера, мотивација и квалитетот на живот. Затоа, пред да кликнете „Аплицирај“, важно е да обрнете внимание на неколку клучни работи.

1. Описот на работното место

Прочитајте го огласот внимателно. Дали обврските се јасно дефинирани? Дали барањата се реални и во склад со вашето искуство? Нејасни или премногу општи описи често значат дека и самата позиција не е доволно структурирана.

2. Компанијата зад огласот

Истражете ја компанијата: нејзината култура, вредности и репутација. Погледнете ја нивната веб-страница, социјалните мрежи и мислењата на поранешни или сегашни вработени. Добрата компанија гради доверба уште пред првиот интервју повик.

3. Платата и бенефициите

Работата не е само плата, но платата е важна. Дали опсегот на примања е наведен? Дали постојат дополнителни бенефиции како флексибилно работно време, хибридна работа, приватно здравствено осигурување или можности за обука и развој?

4. Можностите за напредување

Прашајте се: каде ќе бидам за една или три години ако ја прифатам оваа работа? Компаниите што инвестираат во развојот на вработените нудат јасни патеки за раст и учење.

5. Работната средина и менаџментот

Дури и најдобрата позиција може брзо да стане лошо искуство во токсична средина. Обидете се да препознаете како комуницира компанијата, колку е транспарентна и каков стил на лидерство има.

6. Усогласеност со вашите лични цели

Не секоја „добра“ работа е добра за вас. Размислете дали позицијата се вклопува со вашите долгорочни цели, вредности и животен баланс.

7. Квалитетот на самиот процес на селекција

Начинот на кој компанијата ве третира за време на аплицирањето често е одраз на тоа како ќе ве третира и како вработен. Јасна комуникација, почитување на рокови и професионален пристап се добри знаци.

Аплицирањето за нова работа е инвестиција во вашата иднина. Колку повеќе внимание ќе посветите на вистинските фактори, толку поголеми се шансите да направите избор со кој ќе бидете задоволни на долг рок.

Прочитајте и за: Како да ја изградите следната фаза од вашата кариера

Тагови: нова работа совети за работа

Во време кога пазарот на труд е сè поконкурентен, задржувањето на млади кадри станува еден од најголемите предизвици за компаниите. Младите не си заминуваат затоа што „не сакаат да работат“, туку затоа што не го гледаат својот развој, вреднување и иднина во организацијата. Еве каде компаниите најчесто грешат.

1. Нејасни можности за развој и напредување

Младите вработени сакаат да знаат каде одат. Кога нема јасна патека за кариерен раст, унапредување или развој на вештини, мотивацијата брзо опаѓа. „Почекај, ќе видиме“ не е стратегија за задржување таленти.

2. Недоволна комуникација и повратна информација

Редовниот фидбек е клучен, особено за младите на почетокот од кариерата. Кога комуникацијата е сведена само на критика или формални годишни разговори, вработените се чувствуваат несигурно и недоволно вреднувани.

3. Фокус само на плата, а не на целокупното искуство

Иако платата е важна, таа не е единствениот фактор. Работната култура, флексибилноста, односот со менаџерите и чувството на припадност имаат огромно влијание. Компаниите што го игнорираат ова, често губат млади таленти.

4. Лошо лидерство и микроменаџмент

Младите сакаат доверба, автономија и поддршка – не постојан надзор. Микроменаџментот создава стрес, го гаси ентузијазмот и испраќа порака дека не им се верува, што е чест повод за отказ.

5. Недостаток на менторство и онбординг

Без соодветна поддршка на почетокот, младите брзо се чувствуваат изгубено. Лош или непостоечки онбординг и отсуство на ментор го зголемуваат ризикот од рано заминување.

6. Игнорирање на work-life балансот

Прекувремена работа, нереални очекувања и постојан притисок се сигурен начин за брн-аут. Младите сè повеќе ја ценат рамнотежата помеѓу приватниот и професионалниот живот – и се подготвени да заминат ако таа не постои.

7. Недоволно слушање на гласот на вработените

Кога идеите, предлозите и проблемите на младите не се слушаат, тие се чувствуваат небитно. Културата на слушање и вклучување е основа за лојалност.

Задржувањето на млади кадри не е прашање на една мерка, туку на целокупен пристап. Компаниите што инвестираат во развој, отворена комуникација и здрава работна култура не само што ги задржуваат младите, туку градат и посилни, поодржливи тимови.

Прочитајте и за: Од HR дигитализација до people analytics: кои нови позиции треба да ги знаат HR професионалците?

Тагови: HR трендови

Во Управата за јавни приходи во Скопје е потпишан трипартитен договор за развој и надградба на веб-сервиси и информациски системи, со кој се воспоставува клучната дигитална инфраструктура за целосна примена на Законот за работно ангажирање на лица. Договорот го потпишаа Министерството за финансии – УЈП како краен корисник на системот за наплата на даноци и придонеси, Центарот за истражување и креирање на политики – ЦИКП Скопје како спроведувач на проектот „Подобри услови за вработување на сезонските работници во Република Северна Македонија“ и УЛТРА ДОО Скопје како изведувач на техничкото и софтверското решение.

Од УЈП истакнуваат дека договорот е пример за функционално партнерство помеѓу јавниот сектор, граѓанското општество и приватниот технолошки сектор, со цел создавање модерен и правично уреден систем на работно ангажирање. Вклучувањето на Министерството за труд и социјална политика и Агенцијата за вработување обезбедува стабилен систем за пресметка и наплата на даноци и придонеси, формализација на работните односи и целосен, интероперабилен механизам за евиденција на пријава и одјава на ангажираните лица, особено сезонските, повремените и привремено вработените.

Со договорот се исполнува законската обврска до 1 јануари 2026 година да се воспостави систем за евиденција на работно ангажирани лица и надградба на системот за наплата на даноци и придонеси, предвидена во член 26 став (3) од Законот. ЦИКП, со поддршка од Германското друштво за меѓународна соработка (GIZ GmbH), обезбедува усогласеност на решенијата со јавните политики и европските стандарди, додека УЛТРА развива безбедни и интероперабилни веб-сервиси и интеграција на институционалните системи. „Со овој договор државата испраќа порака дека реформите во трудот и јавните финансии се реални и технолошки поддржани, во насока на формална економија, заштита на работниците и фер конкуренција“, стои во соопштението.

Тагови: Министерството за финансии Скопје УЈП

Домаќинствата годинава трошоеле во просек 50,8 проценти од домашниот буџет на храна и пијалаци, од кои најмногу за месо, млечни и житни производи, покажуваат податоците од „Статистичкиот годишник на Република Северна Македонија 2025“, на Државниот завод за статистика.

Најмногу во домаќинствата се јадело леб – 172,3 кг и компир – 64 кг, додека говедско, телешко и јунешко месо – 16,9 и риба – 18,4 килограми.

Најмногу се пиеле безалкохолни пијалаци – 181,6 литри и млеко – 73,4 литри.

Над половина од семејниот буџет во 2024 година одел за храна и безалкохолни пијалаци, односно по околу 159.750 денари. За храна домаќинствата во просек најмногу трошеле за месо – 38.397 денари, потоа за млеко, млечни производи и јајца – 30.411 денари, за производи од жито – 25.079 денари, за зеленчук – 21.373 денари, за овошје – 9.932 денари, за шеќер и чоколади – 7.409 денари, други прехранбени производи – 6.375 денари, за масло и маснотии – 5.160 денари, и најмалку за риба – 4.369 денари.

Најмногу се јадело леб – 172,3 килограми и компир – 64 килограми. Во просек на семејната трпеза имало по околу 25 килограми – тестенини и ориз, млеко – 73,4 литри, сирење – 32,4 килограми, 609 јајца, но и чоколади и кекси – 22,7 килограми и шеќер – 19,8 килограми.

Од зеленчук во просек се јадело по 33 килограми домати, 30,4 килограми пипер, 29,5 килограми зелка и 19,2 килограми краставици. Грав – 14,9 килограми, а грашок и боранија 0,7 килограми.

Од овошје најмногу се јадело јужно – 70,2 килограми, потоа бостан – 33,5 килограми и јаболка – 31,4 килограми. Праски и кајсии – 7,8 килограми, круши – 3,8 килограм, грозје – 3,5 килограми и цреши и вишни – 1,5 килограми.

Од месо најмногу на домашната трпеза имало живина – 45,6 килограми, потоа свинско – 23,6 килограми, говедско, телешко и јунешко – 16,9 килограми и овчо и јагнешко – 0,4 килограми. Свежа и замрзната риба домаќинствата во просек изеле по 16 килограми, а преработки од риба – 2,4 килограми.

Од млеко и млечни производи најмногу се консумирало кисело млеко и јогурт – 76,2 кг, потоа пресно млеко 73,4 литри и сирење – 32,4 кг.

Тагови: Македонци семејство трошоци