Трошоците на животот во април годинава, во однос на април лани, бележат зголемување од 2.6 %, а индексот на цените на мало од 2.7 %, соопшти Државниот завод за статистика.

Инфлацијата мерена преку индексот на трошоците на животот во април во однос на март годинава бележи раст од 0.6 %.

Зголемувањето на инфлацијата е резултат на зголемувањето на трошоците на животот во следните групи: Транспорт за 5.1 %, Облека и обувки за 1.5 %, Рекреација и култура за 1.4 %, Мебел, покуќнина и одржување на домаќинствата за 0.5 %, Здравје за 0.4 % и Храна и безалкохолни пијалаци за 0.3 %.

Намалување на трошоците на животот е забележано во групите Разновидни стоки и услуги за 0.7 % и Алкохолни пијалаци, тутун и наркотици за 0.1 %.

Трошоците на животот во групите Домување, вода, електрика, гас и други горива, Ресторани и хотели, Комуникации и Образование остануваат на исто ниво како и во претходниот месец.

Цените на мало, пак, во април во однос на март годинава се зголемени за 1.6 отсто.

Индексот на трошоците на животот во април 2025 година, во однос на април 2024 година, бележи зголемување од 2.6 %, а индексот на цените на мало бележи зголемување од 2.7 %

Тагови: Државен завод за статистика трошоци

Меѓународното училиште НОВА Скопје е првото меѓународно училиште во нашатa држава и во своето долгогодишно успешно работење континуирано ги поставува стандардите на модерна, иновативна и вредносно ориентирана организација.  

Во рамките на програмата за поддршка на вработените, се организираат повеќе настани и активности за градење тим, а еден од нив е Family Festival, којшто оваа година ќе се одржи на 10-ти мај во сабота, на училишниот кампус. Настанот којшто овој пат се одржува по 14-ти пат, претставува вистинска семејна прослава и нуди разновидна забава за сите генерации: презентација на 15 различни интернационални кујни, лотарија со вредни награди, музички точки од учениците и концерт, мини зоолошка градина, замоци за скокање и разни видови игри.

„Преку организирање на овој фестивал, значително придонесуваме кон јакнење на меѓусебните односи, градење силно чувство на заедништво и припадност, како меѓу вработените, така и во рамките на нашата широка меѓународна заедница“, велат од училиштето.

Покрај забавниот карактер на настанот, фестивалот традиционално вклучува и хуманитарна компонента по којашто училиштето е препознаено. Оваа година организациониот одбор на настанот, Асоцијатата на родители и наставници, одлучи дел од средства да им бидат донирани на погодените семејства од несреќата во Кочани.

Во изминатите години, собраните средства на настанот беа наменети и за Клиниката за педијатриска хематологија и онкологија при Универзитетската детска клиника; Домот за деца без родители „11 Oктомври“ во Скопје; Државното училиште за деца и младинци со оштетен вид „Димитар Влахов“, Заводот за ментално здравје на деца и младинци (ЗМЗДМ) „Младост’’, подобрување на условите во интернатот во с. Драгоманци, како и за основното училиште ,,Браќа Миладиновци“ од Куманово за деца со атипичен развој итн.

Настанот е отворен за јавноста и со задоволство ги покануваме сите заинтересирани да ни се придружат во прославата, исполнета со смеа, забава и хуманост. Неговата меѓународна природа овозможува автентично доживување на различни култури, а хуманитарниот аспект буди гордост и задоволство од придонесот кон општественото добро.

Тагови: Меѓународни училишта НОВА Скопје

Во време кога дипломите, сертификатите и техничките вештини се лесно проверливи и сè почести, една способност останува недоволно истакната, а сепак клучна за вистински успех – емоционалната интелигенција (EI).

Што е емоционална интелигенција?

Емоционалната интелигенција е способноста да ги препознаваш, разбираш и управуваш со своите емоции, како и со емоциите на другите. Таа опфаќа вештини како самосвесност, самоконтрола, емпатија, мотивација и социјални вештини. Иако звучи „меко“, таа е клучен фактор во „тврди“ деловни ситуации – преговори, конфликти, лидерство, комуникација и тимска работа.

Зошто е таа тајно оружје?

Затоа што луѓето со висока емоционална интелигенција:

• Реагираат смирено под притисок, додека другите губат контрола
• Граделе цврсти и доверливи односи на работа
• Го разбираат контекстот зад зборовите – нешто што машините и алгоритмите сè уште не можат
• Водат со емпатија, што создава лојалност и почит кај тимовите
• Ја користат критиката како алатка за раст, не како напад

Во динамична и често стресна работна средина, овие квалитети стануваат предност која не се учи од книга – туку се развива свесно, со искуство и работа на себе.

Како да ја развиеш?

• Слушај активно – не само што се кажува, туку и како се кажува
• Поставувај прашања – покажуваш интерес и разбирање
• Контролирај ги реакциите – одговори, не реагирај
• Биди самосвесен/а – следи ги своите мисли и емоции
• Развиј емпатија – гледај од туѓа перспектива

Во светот каде што сè може да се автоматизира, емоционалната интелигенција останува човечкиот адут кој прави разлика меѓу просечен вработен и вистински лидер.

Не ја потценувај – развивај ја. Таа може да биде твоето најмоќно оружје за професионален успех.

Прочитајте: Преговарај за својата вредност: Разговор за плата без стрес

Тагови: работни вештини емоционална интелигенција работа под притисок

Во Јужна Кореја, многу луѓе работат по четиринаесет или повеќе часа дневно. Огромниот притисок за постигнување резултати влијае врз семејниот живот и менталното здравје. Земјата има највисока стапка на самоубиства во светот, а канцерите предизвикани од стрес се честа појава.

Иако владата презема мерки за намалување на работните часови, многу жители на Кувајт го поминуваат работниот ден со помош на филмови и книги. Богатата нафташка држава им го гарантира правото на работа на своите жители – но сепак, нема доволно работни места за сите.

Според проценките, вештачката интелигенција и автоматизацијата ќе заменат голем дел од светската работна сила во наредните децении.

Тагови: вештачка интелигенција ментално здравје работнички права