Почетокот на ново работно место секогаш носи мешавина од возбуда и неизвесност. Нови колеги, нови правила, нови очекувања – сето тоа може да создаде дополнителен притисок. Но, со правилен пристап, адаптацијата може да биде многу полесна и дури пријатна. Еве како да се вклопите во нов тим без непотребен стрес:

1. Започнете со отвореност и позитивен став

Вашата енергија многу влијае на првиот впечаток. Бидете љубезни, насмеани и подготвени да слушате. Позитивниот пристап ги охрабрува колегите полесно да ви пријдат и да ве прифатат.

2. Поставувајте прашања – тоа е знак на интерес, не на слабост

Нема потреба да глумите дека сè ви е јасно. Прашајте за процеси, рутини, начинот на работа и очекувања. Ова ви помага да работите правилно од почеток и избегнувате недоразбирања.

3. Вклучете се во разговори и неформални моменти

Кратките паузи, кафе-разговорите или тимските активности се одлични за поврзување. Дури и краток несврзан муабет може да создаде чувство на блискост.

4. Набљудувајте ја динамиката на тимот

Пред да се вклучите во процеси или дискусии, одвојте малку време да видите како функционира тимот – кој носи одлуки, кој комуницира најчесто, каков е стилот на работа. Ова ви помага да се прилагодите природно, без наметнување.

5. Покажете иницијатива

Доколку имате можност – понудете помош, прашајте дали можете да помогнете или преземете некоја помала задача. Иницијативноста покажува дека сте мотивирани и подготвени да придонесувате.

6. Почитувајте ги различностите

Секој тим има своја „култура“. Некои се формални, некои опуштени; некаде комуникацијата е директна, некаде дипломатска. Почитувањето на тие разлики ви помага побрзо да се вклопите.

7. Дајте си време за адаптација

Не очекувајте од себе да знаете сè од првиот ден. Адаптацијата е процес и сосема е нормално да ви требаат неколку недели за да се чувствувате сигурно и опуштено.

Вклопувањето во нова работна средина не е натпревар – туку постепено создавање чувство на припадност. Со трпение, отвореност и проактивност, брзо ќе изградите добри односи, ќе се чувствувате пријатно и ќе започнете да функционирате со самодоверба во новиот тим. 

Прочитај и за: Стратегии што ви помагаат побрзо да стигнете до интервју

Тагови: нова работа совети за работа

Узбекистан од април идната година драстично ќе го ограничи користењето готовина, со цел да ја намали сивата економија и да ја зајакне транспарентноста во финансиските текови. Според новиот декрет на претседателот Шавкат Мирзијоев, плаќањето со кеш ќе биде забрането за сите владини услуги и за сметките за струја, вода и гас, додека банкарските картички и електронските плаќања стануваат задолжителни за сите производи поскапи од 25 милиони суми (околу 2.000 долари) и за акцизните стоки како алкохол и цигари. Бензинските пумпи, вклучително и станиците за полнење електрични возила, исто така нема да прифаќаат готовина.

Целиот пазар на недвижнини и купопродажбата на тешки моторни возила и машини ќе се префрли на безготовински трансакции, при што порамнувањата ќе се обработуваат преку електронска размена на податоци меѓу банките и нотарските служби. Единствен исклучок остануваат плаќањата извршени преку банкарски благајни. До средината на следната година, сите трговски и услужни дејности ќе мора задолжително да воведат унифициран QR-код систем за електронски плаќања, со што се очекува дополнително да се потиснат неформалните готовински текови.

Мерките се дел од поширока владина стратегија до 2030 година да се намали сивата економија за 30%, во услови кога уделот на безготовинските плаќања веќе пораснал од 38% во 2023 на 43% во 2025 година, а прогнозите се дека до 2027 ќе достигне 75%. Моделот во голема мера е инспириран од Кина, каде технолошките гиганти Alipay и WeChat Pay обработуваат над 90% од мобилните трансакции, а сега настојуваат да го прошират своето влијание и на средноазискиот регион.

Тагови: Узбекистан безготовинска економија

Водени од посветеноста кон потребите на клиентите, УНИБанка АД Скопје, во соработка со ПЗУ Клиничка болница „Жан Митрев“ Скопје и ПЗУ „Жан Митрев Дијагностик“ Струмица, ја претставува новата и исклучително поволна можност за финансирање медицински услуги – наменски потрошувачки кредит со 0% камата.

Овој внимателно создаден модел на финансиска поддршка има една јасна цел, да им овозможи на пациентите брз и непречен пристап до врвна здравствена грижа и квалитетни медицински услуги, истовремено намалувајќи го финансискиот товар што често претставува пречка за навремена дијагностика и лекување.

Во време кога здравјето е најголем приоритет, овој кредит овозможува финансирање до 600.000 денари со рок на отплата до 48 месеци, при што пациентите добиваат вистинска слобода да ја изберат услугата што им е потребна без грижа за каматни оптоварувања или дополнителни трошоци. Условите се исклучително поволни: 0% камата, без надомест за одобрување, без надомест за предвремена отплата и без потреба од жиранти или дополнително обезбедување. Постапката за аплицирање е максимално лесна и прилагодена на потребите на пациентите.

Со оваа заедничка иницијатива, УНИБанка и „Жан Митрев“ ја истакнуваат својата посветеност кон создавање подобри услови за клиентите, овозможувајќи им да се фокусираат на суштината, зачувување на здравјето и благосостојбата на себе и на своите најблиски.

Ова решение претставува вистински чекор кон подигнување на стандардите во грижата за пациентите и демонстрира дека силното партнерство меѓу финансискиот и здравствениот сектор може да донесе реални придобивки за заедницата.

Тагови: УНИ БАНКА АД

Министерството за внатрешни работи (МВР), во одговор на прашање на „360 степени“ околу тоа дали системот „Безбеден град“ (Сејф сити) се тестира и кога официјално ќе биде во функција, посочи дека регистрирањето сообраќајни прекршоци преку овој систем ќе започне да функционира од 1 февруари, а не од 1 јануари, како што беше првично најавено.

Безбеден град ќе започне да функционира од 1.2.2026 година на територија на Скопје, Тетово и Куманово, како и долж коридорите 8 и 10“, велат од МВР за „360 степени.

Откако отпочна тест-периодот и опомените кои стигаат во СМС-пораки, системот „Безбеден град“, властите размислуваа за одложување на почетниот датум откога наместо опомени, ќе почнат да се испраќаат казни за брзо возење и поминување на црвено светло.

Покрај одложувањето, претставници на МВР изминатите денови најавија дека се размислува и за извесна толеранција околу брзината, односно да не се казнуваат возачите кои возеле 52 или 53 километри на час во градска зона.

Тагови: казни МВР Сејф сити - Безбеден град