Вештачката интелигенција (AI) брзо ја менува секоја индустрија, а човечките ресурси не се исклучок. Она што до вчера изгледаше како тренд, денес е реалност што ги трансформира процесите – од регрутација до управување со таленти. Но дали AI е вистински пријател на HR професионалците или нов предизвик што бара дополнителна адаптација?

Пријател: Побрзи процеси, подобри одлуки, помалку рутина

AI овозможува автоматизација на задачи што трошат време и енергија – скрининг на кандидати, анализа на CV-а, предвидување успешност, па дури и препознавање ризик од тековно незадоволство кај вработените.

Компаниите што веќе користат AI истакнуваат:

• Побрза селекција и поквалитетни short-листи
• Објективна проценка на кандидатите базирана на податоци
• Подобра employee experience преку персонализирана комуникација
• Поддршка за HR тимовите, кои конечно можат да се фокусираат на стратегија, култура и развој на луѓето

Предизвик: Етички прашања и страв од заменливост

Но, со придобивките доаѓаат и дилеми. AI сепак е технологија – и како таква може да носи ризици:

• Можна пристрасност ако моделите се хранат со неточни или „искривени“ податоци
• Страв кај вработените и кандидатите дека „машина“ одлучува за нивната иднина
• Дилема околу приватноста и заштитата на чувствителни податоци

Потреба од нови вештини кај HR професионалците, кои мора да разберат како AI работи за да можат да го користат етички и ефективно

Иднината на HR: партнерство, а не конкуренција

Експертите се согласуваат дека AI нема да ги замени HR професионалците – туку ќе ги надополни. Ќе го преземе административниот дел, но одлуките поврзани со луѓе, култура и лидерство ќе останат во човечки раце.

Најуспешните HR тимови во следните години ќе бидат оние што ќе го прифатат AI како стратегиски партнер, а не закана.

Прочитај и за: Добро ментално здравје = добра компанија: wellness, burnout и благосостојба на вработените

Тагови: HR

Проектот Сејф сити сега влегува во тест-фаза, но возачите низ целата земја веќе пронајдоа практично дигитално решение за полесно снаоѓање со новите правила и масовното мерење на брзина. Навигациската апликација Waze се покажува како најкорисен сообраќаен асистент, бидејќи ги прикажува речиси сите локации на камерите за мерење брзина.

Waze е апликација (Android, iOS) која во реално време им нуди на возачите важни информации за патот. Сега, речиси целата мрежа на камерите поставени од „Сејф сити“ е мапирана од самите корисници. Апликацијата овозможува:

• прецизна мапа на сите камери – фиксни, мобилни и новопоставени,
• гласовно предупредување при приближување кон камера,
• информации за полиција, радари, патни работи и метеж внесени од корисниците,
• автоматско пресметување на најбезбедна рута и
• можност самите возачи да пријавуваат нови локации, со што мрежата постојано се ажурира.

Со Waze, возачите можат полесно да го следат ограничувањето на брзината, да избегнат ненамерни прекршоци, да добијат предупредување неколку стотини метри пред камера и да ја планираат рутата без страв од непријатни изненадувања. Принципот на работа е заеднички – колку повеќе возачи ја користат апликацијата, толку информациите стануваат поточни и побрзо се ажурираат, вклучувајќи ги и најновите камери на „Сејф сити“. Во првите 48 часа од стартот на тест-фазата, бројот на пријави за камери на Waze забележа значителен пораст, што ја прави апликацијата клучна алатка за сите кои сакаат да возат безбедно и да избегнат ненамерни прекршоци.

Тагови: МВР Сејф сити - Безбеден град Waze

ФОНДАЦИЈАТА „ТРАЈЧЕ МУКАЕТОВ" – Скопје додели 40 нови стипендии за учебната 2025/26 година

Фондацијата „Трајче Мукаетов“ – Скопје во насока на реализирање на своите програмски определби, а врз основа на Правилникот за критериумите, постапката и користењето на средствата на Фондацијата „Трајче Мукаетов“ – Скопје за студенти на Фармацевтскиот факултет – Скопје според програмата за работа на Фондацијата за 2025 година и одлуката на Управниот одбор на Фондацијата „Трајче Мукаетов“ – Скопје бр. 02-46/1 од 02.12.2025 година за усвојување на конечната ранг листа на стипендисти студенти по фармација за учебната 2025/2026 година на Фондацијата „Трајче Мукаетов“ – Скопје врз база на предложената прелиминарна ранг листа од Комисијата за распределба на стипендии за студенти по фармација ја објавува

Конечната ранг листа на стипендисти студенти по фармација за учебната 2025/2026 година на Фондацијата „Трајче Мукаетов“ – Скопје:

Студенти од трета година на студиска програма за магистер по фармација

1. Теа Колевска
2. Каменка Николова
3. Гала Стојановска
4. Христина Марковска
5. Марија Димитрова
6. Евгенија Ристеска
7. Стефан Трајковски
8. Мила Стојановска
9. Адела Маловска

Студенти од четврта година на студиска програма за магистер по фармација

1. Јоана Илиевска
2. Марија Трпеска
3. Андријана Коцевска
4. Ива Јуришиќ
5. Давид Додевски
6. Анастасија Димитријевиќ
7. Ангела Ѓоргиевска
8. Теона Гаџоска
9. Ангела Јованоска
10. Ана Димитриевска
11. Сара Алексовска

Конечната ранг листа на стипендисти на Фондацијата „Трајче Мукаетов“ – Скопје е усвоена од страна на Управниот одбор на Фондацијата „Трајче Мукаетов“ – Скопје, по предложената прелиминарна ранг листа од Комисијата за распределба на стипендии за студенти по фармација во состав: Проф. Др. Зоран Стерјев – Претседател на комисијата, Проф. Др. Ана Поцева Пановска, Проф. Др. Ѓоше Стефков, Г-дин Бојан Георгиев, и Г-ѓа Наташа Вучидолова Ристовска – членови на комисијата.

Извршната канцеларија на Фондацијата „Трајче Мукаетов“ – Скопје ќе ги контактира сите стипендисти за потпишување на Договори за стипендирање.

Фондацијата „Трајче Мукаетов“ – Скопје во насока на реализирање на своите програмски определби, а врз основа на Правилникот за критериумите, постапката и користењето на средствата на Фондацијата „Трајче Мукаетов“ – Скопје за студенти на Медицинскиот факултет – Скопје според програмата за работа на Фондацијата за 2025 година и одлуката на Управниот одбор на Фондацијата „Трајче Мукаетов“ – Скопје бр. 02-48/1 од 02.12.2025 година за усвојување на конечната ранг листа на стипендисти студенти по медицина за учебната 2025/2026 година на Фондацијата „Трајче Мукаетов“ – Скопје врз база на предложената прелиминарна ранг листа од Комисијата за распределба на стипендии за студенти по медицина ја објавува

Конечната ранг листа на стипендисти студенти по медицина за учебната 2025/2026 година на Фондацијата „Трајче Мукаетов“ – Скопје:

Студенти од трета година на општа медицина

1. Наталија Николовска
2. Андреј Тодоров
3. Инес Негриеска
4. Моника Нановска
5. Борјана Трајкова
6. Емили Обочки
7. Бистра Младеновска
8. Дијана Пенова
9. Катерина Бицеска
10. Дарко Палиќ

Студенти од четврта година на општа медицина

1. Евгенија Ристова
2. Матеј Јорданоски
3. Славјана Иваноска
4. Софија Тодороска
5. Даниел Зарев
6. Борис Фенев
7. Денис Новчевиќ
8. Петар Стефановски
9. Карла Карина Арнаудова
10. Михаела Слезенковска

Конечната ранг листа на стипендисти на Фондацијата „Трајче Мукаетов“ – Скопје е усвоена од страна на Управниот одбор на Фондацијата „Трајче Мукаетов“ – Скопје, по предложената прелиминарна ранг листа од Комисијата за распределба на стипендии за студенти по медицина во состав: Проф. Др. Светозар Антовиќ – Претседател на комисијата, Проф. Др. Јулија Живадиновиќ Богдановскa, Проф. Др. Димче Зафиров, Доц. Др. Васил Папестиев, Г-ѓа Надица Танчева и Г-ѓа Наташа Вучидолова Ристовска – членови на комисијата.

Извршната канцеларија на Фондацијата „Трајче Мукаетов“ – Скопје ќе ги контактира сите стипендисти за потпишување на Договори за стипендирање.

Тагови: стипендија Алкалоид АД Скопје

Казните за сообраќајни прекршоци регистрирани преку системот „Сејф сити“ ќе се издаваат на сопственикот на возилото, без разлика кој го управувал во моментот на прекршокот. Доколку друго лице го возело возилото, сопственикот има обврска во рок од осум дена да го пријави вистинскиот возач и да го доведе во надлежната полициска единица.

Во полиција, возачот што го сторил прекршокот треба да даде изјава дека ја презема и ја признава казната. Алтернативно, преземањето на одговорност може да се формализира и со потпишана нотарска изјава, се наведува во правните поуки на записник-опомена во кој редакцијата имаше увид. Со ова се овозможува казната правно да се пренасочи од сопственикот на вистинскиот прекршител.

За целосна примена на системот, потребно е Собранието да ги доврши измените на Законот за прекршоци, кои се веќе во парламентарна процедура. Проектот „Сејф сити“ има за цел значително да го намали бројот на жртви во сообраќајот и да го ограничи бројот на сообраќајни прекршоци преку построга и поефикасна контрола.

Тагови: казни Сејф сити - Безбеден град