Уште од основањето, повеќе од седум децении, Макпетрол АД отсекогаш бил предводник во примената на новитетите во погонските горива, во унапредувањето на квалитетот на своите производи, како и во воведувањето на алтернативни погонски горива кои придонесуваат за поголема заштита на животната средина.

Како компанија која константно расте и се унапредува, моментално го проширува својот тим и има отворено позиции за:

Пожарникар - обезбедувач во склад Илинден
Пожарникар - обезбедувач во склад Прилеп
Помлад бравар во Дирекција за одржување
Автомеханичар во Сервис за автомобили и мотоцикли Хонда - Илинденска

Доколку сакте да станете дел од Макпетрол аплицирајте и станете дел од една од водечките компании во Македонија.

Останатите рабони позиции можете да ги најдте ТУКА.

Тагови: МАКПЕТРОЛ

Од 1 декември стапуваат во сила нови правила за издавање боледување, според кои матичниот лекар ќе може да одобри отсуство без дополнителни дијагностички критериуми најмногу до пет дена, наместо досегашните седум. За продолжување на боледувањето ќе бидат потребни дополнителни испитувања или специјалистички прегледи, во зависност од состојбата на пациентот.

Од Фондот за здравствено осигурување појаснуваат дека ова не значи автоматско враќање на работа по петтиот ден, ниту ограничување на правото на боледување. Матичните лекари и понатаму ќе можат да отвораат боледување до 15 дена, а за подолг период ќе одлучува лекарска комисија. За боледување подолго од 60 дена, по правило, ќе биде потребно и конзилијарно мислење од тројца специјалисти, со исклучоци за одредени тешки заболувања и хронични пациенти.

Правилникот предвидува и можност за приоритетен упат кога е медицински оправдано, како и електронско издавање извештаи, постапка за повторно отворање боледување и право на приговор на лекарската оценка. Дел од лекарите, сепак, бараат дополнителни појаснувања, особено во случаи кога пациентите не можат навреме да добијат термин кај специјалист. Фондот најави работилници на 19 и 20 ноември, како и отворена дебата со лекарите за практичната примена на новите критериуми.

Тагови: боледувања Фонд за здравствено осигурување (ФЗО) матични лекари

Иако редовно одат на работа и ја добиваат својата плата, за голем дел од вработените таа веќе не е доволна за да ги покрие основните животни трошоци. Растот на цените на храната, домувањето, превозот и сметките создава сè поголем притисок врз личните буџети, а работата со полно работно време не значи нужно и финансиска сигурност.

Според истражувањето 2026 Employee Compensation Confidence Index на Paychex, 62% од анкетираните вработени во САД сметаат дека нивната плата во изминатата година не го следела целосно растот на цените. Речиси една третина од нив работат и дополнителна работа за да можат да ги покријат трошоците за живот. Истражувањето опфатило повеќе од 1.000 вработени со полно работно време.

Платата можеби е точна, но дали е доволна?

Интересно е што 71% од испитаниците сметаат дека нивната плата е правилно пресметана, но само 45% ја оценуваат како правична. Уште помал процент, само 34%, велат дека нивните примања се во чекор со актуелните животни трошоци.

Само 22% од вработените имаат целосна доверба дека нивната плата истовремено е точно пресметана, правична и доволна во однос на растот на цените.

Најголем финансиски притисок создаваат трошоците за храна, по кои следуваат домувањето, превозот, комуналните услуги, здравствените трошоци, долговите и грижата за децата.

Грешките во платите создаваат дополнителен проблем

Финансискиот притисок не произлегува само од висината на платата. Според истражувањето, повеќе од 40% од испитаниците се соочиле со грешка при исплатата на платата во изминатата година, а речиси две третини од нив имале повеќе од една таква грешка.

За 42% од вработените што доживеале грешка, последиците вклучувале дополнителни трошоци, како банкарски провизии за недозволено пречекорување. Околу 45% од нив морале да го одложат купувањето храна, гориво или лекови поради проблемите со исплатата.

Ова покажува дека точната и навремена исплата на платата не е само административна обврска, туку важен дел од финансиската сигурност на вработените.

Што можат да направат работодавачите?

За компаниите, ваквите резултати се предупредување дека задоволството од работата не зависи само од работната атмосфера, можностите за напредување или дополнителните поволности. Кога вработените чувствуваат дека нивните примања не ги покриваат основните потреби, нивната доверба во работодавачот може да се намали.

Иако не секоја компанија има можност веднаш да ги зголеми платите, може да преземе конкретни чекори: да обезбеди точни и навремени исплати, јасно да ги објаснува надоместоците, редовно да ја преиспитува конкурентноста на платите и отворено да комуницира со вработените за нивните примања.

Платата не е само бројка на сметката. Таа влијае врз чувството на сигурност, довербата во работодавачот и одлуката дали вреди да се остане во една компанија. Кога разликата меѓу примањата и реалните трошоци станува преголема, задржувањето на квалитетните кадри станува сè поголем предизвик за работодавачите.

Прочитај и за: 80% од вработените се сомневаат во вистинските намери на менаџментот: Довербата во раководството е на сериозен тест

Тагови: HR трендови плата трошоци

Од ноќеска стапуваат на сила нови, пониски цени на горивата, со што граѓаните и дел од компаниите ќе имаат помали трошоци. Најголемо намалување е регистрирано кај бензините ЕУРОСУПЕР БС-95 и ЕУРОСУПЕР БС-98, кои поевтинуваат за 7 денари по литар.

Според новата одлука, ЕУРОСУПЕР БС-95 ќе се продава по 86 денари за литар, додека ЕУРОСУПЕР БС-98 ќе чини 88 денари за литар. Намалување има и кај ЕУРОДИЗЕЛ, чија цена се намалува за 5,50 денари и ќе изнесува 94,50 денари за литар.

Поевтинуваат и другите енергенси: екстра лесното масло за домаќинство (ЕЛ-1) ќе се продава по 103,50 денари за литар, што е намалување од 6,50 денари, додека мазутот М-1 НС поевтинува за 6,261 денар за килограм и новата цена ќе биде 49,312 денари за килограм. Новите цени се пониски во споредба со претходната одлука од 2 ноември 2026 година.

Тагови: гориво Регулаторната комисија за енергетика-(РКЕ)