Со години успехот се мереше во бројки – плата, позиција, титула, преполни календари и работни денови без пауза. Но времињата се променија, а со нив и нашето разбирање за тоа што навистина значи да бидеш успешен.

Денес, се повеќе луѓе сфаќаат дека вистинската победа не е во тоа колку работиш, туку како живееш. Балансот меѓу професионалните цели и личното благосостојба станува клучен индикатор за квалитет на живот и најголемата инвестиција во сопствениот раст.

Зошто времето за себе е новиот „луксуз“ што сите го бараат?

Менталната јасност ги создава најдобрите резултати: Одморениот човек размислува подобро, создава повеќе и носи поквалитетни одлуки.

Преоптовареноста не е знак за посветеност туку аларм: Современиот професионалец учи да поставува граници, да каже „денес доста“ и да продолжи утре со повеќе енергија.

Квалитетниот живот го зголемува професионалниот успех: Луѓето што имаат време за семејство, хобија и одмор се покреативни, помотивирани и многу лојални кон компанијата што го овозможува тоа.

Балансот не е слабост – туку стратегија

Организациите веќе гледаат дека доброто управување со работното време, флексибилните модели и поддршката за личен развој носат подобри резултати од 12-часовни работни денови.

А луѓето? Сѐ повеќе одбираат работни места кои го почитуваат нивното време – затоа што успехот денес не е да го потрошиш животот на работа, туку да имаш работа која ти дозволува да го живееш животот.

Вистинскиот успех денес е едноставен: Да имаш време за себе, за оние што ги сакаш и за живот што не поминува само во рокови и состаноци.

Прочитај и за: Кариерни лекции што никој не ве учи

Тагови: HR совети за работа работен баланс

Во последните неколку години, пазарот на труд претрпе огромни промени – но една поента сè појасно се издвојува: вработените денес не се мотивирани само од платата. Тие бараат смисла, мисија и искрена поврзаност со работата што ја вршат.

Според повеќе глобални HR истражувања, повеќе од 70% од професионалците изјавуваат дека би прифатиле работа со пониска плата доколку таа им нуди поголемо чувство на значење и придонес. Младите генерации, особено Gen Z, ја ставаат психолошката безбедност, културата, интегритетот и јасната цел високо на листата на приоритети – често над бенефициите и бонусите.

Што навистина бараат вработените?

Мисија и визија што не се само постери на ѕид: Компаниите што автентично ги живеат своите вредности привлекуваат и задржуваат талент многу полесно.

Чувство дека нивната работа нешто менува: Луѓето сакаат да видат влијание – врз клиентите, тимот или општеството.

Вистинска грижа од менаџментот: Признание, транспарентна комуникација и поддршка се клучни за лојалност.

Култура каде вработените можат да бидат свои: Психолошката безбедност станува новата „валута“ на модерното работно место.

Што значи ова за компаниите?

Овој тренд е сигнал што организациите не смеат да го игнорираат. Во борбата за таленти, победуваат оние компании што создаваат средина во која вработените се чувствуваат слушнати, вреднувани и дел од поголема цел.

Компаниите кои не инвестираат во култура, мисија и јасна комуникација ризикуваат повисока флуктуација, пад на мотивацијата и изгубени таленти – нешто што веќе е скапа реалност за многу индустрии.

Платата можеби привлекува, но смислата задржува. Организациите што ќе успеат да создадат работна средина каде цели, вредности и луѓе се усогласени, ќе бидат тие што ќе го водат пазарот на труд во следната деценија.

Прочитај и за: Психолошка безбедност – новата валута во успешните компании

Тагови: HR

Словенечкото собрание усвои измени во Законот за возачи кои овозможуваат на сопствениците на возачки дозволи издадени во Северна Македонија да го заменат документот без да полагаат практичен испит, доколку имаат регулиран престој во Словенија. Оваа одлука, донесена вчера, претставува значително олеснување за македонските граѓани кои живеат и работат во земјата.

Измените важат и за државјаните на Босна и Херцеговина, Србија, Црна Гора и Косово. Според новите правила, возачите мора да ги заменат своите дозволи во рок од една година од датумот на пријавување престој, при што нема да полагаат практичен испит, но ќе треба да достават доказ за ментална и физичка способност за возење.

Сандра Газинковски од партијата Слобода, истакна дека целта е отстранување на неоправдани административни пречки. „Тоа е една административна пречка која ги забавува процедурите за вработување и создава непотребни трошоци,“ изјави таа. Сепак, опозицијата истакна дека промената може негативно да влијае на безбедноста во сообраќајот.

Тагови: возачка дозвола Македонци Словенија

Најновите мерења на ПМ10 честички покажуваат зголемена загаденост во неколку македонски градови. Гевгелија е на првото место со вредност од 112 μg/m³, следена од Кавадарци со 106 и Струмица со 82, сите со високо до многу високо ниво на честички согласно стандардите.

Во останатите градови, Кичево е на 80, Куманово на 60, додека во Скопје концентрацијата е 47, односно нормално. Охрид, Лазарополе и Гостивар имаат најниски вредности под 30. Граѓаните се советуваат да следат ситуациијата и при високи концентрации да ограничат подолги активности на отворено.

Концентрација на ПМ10 честички во воздухот измерена во 05ч. Дозволена количина 50 µg/m³.

Скопје

Македонија