Ерата на евтини, неоданочени нарачки од странство завршува. Собранието ги изгласа измените на Законот за данокот на додадена вредност, со кои се укинува даночното ослободување за пратките со мала вредност. 

Ова значи дека граѓаните отсега ќе плаќаат 18% ДДВ и за нарачките до 22 евра кои пристигнуваат од популарните онлајн платформи за пазарување како „Тему“, „Шеин“ и „Али Експрес“.

Со 59 гласа „за“ и 12 „против“, пратениците дадоа зелено светло за мерката која директно ќе влијае врз крајната цена на производите нарачани онлајн. Овие нарачки, кои досега беа ослободени од давачки, практично ќе поскапат за износот на данокот.

Заменик-министерот за финансии, Николче Јанкуловски, пред пратениците образложи дека основната причина за оваа измена е воведување ред во е-трговијата и заштита на домашната економија.

Основна причина заради која се врши оваа измена е создавање на појасна правна рамка, спречување на злоупотреби и обезбедување пофер и порамноправна положба на малите бизниси во Република Македонија со оние во странство при плаќање на ДДВ, истакна Јанкуловски.Тој посочи дека Македонија го следи европскиот тренд, потсетувајќи дека Европската Унија со директива го укина ова ослободување уште на 1 јули 2021 година. Слични мерки веќе се воведени во Србија и Црна Гора, додека во Албанија постапката е во процедура.

Поддршка за законското решение стигна од пратеникот Малиша Станковиќ од Социјалистичката партија на Македонија (СПМ). Тој презентираше податоци кои укажуваат на обемот на увозот на ситни пратки.

Само минатата година над 1.000 тони ситни производи се влезени во Република Македонија кои што не се оданочени. Тоа претставува нелојална конкуренција. Со ова законско решение ги ставаме барем во рамноправна положба македонските трговци, рече Станковиќ.

Остро противење на измените изразија од пратеничката група на Левица. Пратеникот Реџеп Исмаил ја обвини власта дека наместо да ги оданочи профитите на големите компании или да се справи со сивата економија, удира по џебот на обичните граѓани.

Сивата економија ви цвета. Кога имате рамен данок на добивка, од каде треба да се полни буџетот, вие одлучувате на и онака огромниот процент на приход од ДДВ – кој популарно се нарекува ‘данок на сиромашни’ – да се полни дополнително од нив. Практично, празниот буџет ние ќе го полниме од тоа што нашето граѓанство купува шноли и боички, критикуваше Исмаил.

Новите правила нема да чекаат долго за примена. Законот стапува на сила осум дена по неговото објавување во „Службен весник“. Ова значи дека граѓаните кои планираат нарачки од странски веб-страници треба да очекуваат пресметување на ДДВ во многу краток рок. 

Тагови: данок собрание Тему

Во динамичниот свет на човечки ресурси, инклузивноста повеќе не е само „добра пракса“ таа е неопходност. Возрасната дискриминација сè уште е присутна во многу компании, најчесто како последица на несвесни предрасуди, стари навики или неправилно формулирани процеси. Но современиот бизнис бара фер селекција заснована на компетенции, а не на години.

Зошто е важно да се избегне возрасната дискриминација?

Дискриминирањето по возраст не само што е незаконско, туку е и бизнис-погрешно. Со исклучување на одредени возрастни групи, компаниите губат:

• Ценето искуство,
• Свежата перспектива,
• Разновидноста во тимовите,
• Мсоставен од луѓе со различни години е побогат, поинвентивен и поотпорен на предизвици.

Како да создадете фер регрутациски процес?

1. Размислувајте за вештини, не за години

Фокусирајте се на тоа што кандидатот знае, а не колку години има. Поставувајте прашања што ја мерат способноста, решавањето проблеми и потенцијалот, наместо години искуство како бројка.

2. Избегнувајте формулации во огласи што „сигнализираат“ возраст

Фрази како „млад тим“, „енергична личност“, „до 35 години“ или „совршено за студенти“ праќаат погрешна порака. Наместо тоа, дефинирајте конкретни задачи и компетенции.

3. Стандарден и структуриран интервју процес

Унапред одобрени прашања, ист метод на оценување и јасни критериуми се клучни за фер селекција. Така се избегнуваат несвесни предрасуди и се осигурува дека сите кандидати се оценети на ист начин.

4. Обука за HR и менаџери

Многу предрасуди се несвесни. Кратки обуки за инклузивно регрутирање, различност и етичко интервјуирање можат значително да ги подобрат процесите.

5. Внимателно избирајте прашања на интервју

Избегнувајте прашања што индиректно ја допираат возраста, како:

• „Кога планирате пензија?“
• „Дали ќе можете да се вклопите со помлад тим?“
• „Колку години работите во оваа индустрија?“

Фокусот треба да биде на задачите и на работниот стил.

6. Обезбедете еднакви можности за развој

Луѓето од различни возрасти еднакво заслужуваат шанса за унапредување, обука и влез во нови улоги. Ова покажува дека компанијата вреднува талент, а не бројка во лична карта.

Што добива компанијата со фер селекција?

• Поголема доверба меѓу кандидатите и вработените
• Позитивен имиџ на пазарот
• Поголема разновидност во тимовите
• Подобри резултати и иновации
• Помал ризик од правни проблеми

Културата без предрасуди не е тренд — тоа е стратешка предност.

Прочитајте и за: Совети за вработените кои работат во три сменски распоред.

Тагови: HR интервју за работа нова работа работа совети за работа возрасна дискриминација

Невработеното лице може да поднесе барање за паричен надоместок во Центарот за вработување во местото на живеење во рок од 30 дена од денот на престанокот на работниот однос. Доколку барањето се поднесе по истекот на овој рок, паричниот надоместок ќе се исплаќа од денот на поднесувањето на барањето за преостанатиот период. Сепак, паричен надоместок не се исплаќа ако барањето е поднесено по истекот на времето за кое истото следува.

Невработеното лице нема право на паричен надоместок доколку работниот однос му престанал поради: давање писмена изјава за престанок на работниот однос (освен поради промена на местото на живеење на брачниот другар или склучување на брак), спогодбен престанок, остварување права спротивно на закон, престанок по сила на закон (освен во случај на стечај), отказ поради кршење на работниот ред и дисциплина, одбивање да работи на законски распоредените работи, одбивање обука или преквалификација, губење на работната способност согласно пензиското и инвалидско осигурување, или исполнување услови за пензија. Исто така, правото на паричен надоместок престанува доколку невработеното лице отвори трговско друштво, претпријатие или врши самостојна професионална дејност.

Времетраењето на исплатата на паричниот надоместок зависи од стажот на осигурување. За стаж од 9 месеци непрекинато или 12 месеци со прекин во последните 18 месеци, надоместокот се исплаќа 1 месец, а со поголем стаж периодот на исплата се продолжува во зависност од бројот на години осигурување, со максимално 12 месеци за стаж над 25 години. За невработени лица со над 15 години стаж кои недостасуваат најмногу до 18 месеци до условите за старосна пензија, надоместокот се исплаќа до вработување или до настанување на некоја од основите за престанок на правото. За овие лица, кои се жени над 60 години и 6 месеци или мажи над 62 години и 6 месеци, паричниот надоместок се исплаќа без придонеси за пензиско и инвалидско осигурување.

Тагови: Агенција за вработување (АВРМ) невработеност паричен надоместок

Сакате да го реновирате домот, да купите автомобил и да одите на посакуваната дестинација, а вашата плата не може да го покрие ова задоволство. Има решение! УНИБанка овозможува потрошувачки кредит наменет за ваквите потреби.

Можете да аплицирате онлајн, без жиранти, и брзо и едноставно да дојдете до сумата која ќе ви овозможи да се радувате на работите кои ви значат.

Потрошувачкиот кредит на УНИБанка е до 2.000.000 денари расположливи средства, по поволна каматна стапка почнувајќи од 4,5%, за целиот период на отплата, без жиранти.

Дизајниран е да ви помогне да управувате со поголеми трошења или инвестиции без непосреден товар врз вашиот паричник. Нема скриени трошоци, а постапката е транспарентна.

Со потрошувачкиот кредит на УНИБанка, можете да го започнете долго очекуваното реновирање во домот, да купите добра за кои отсекогаш сте сонувале или едноставно да ги консолидирате постоечките долгови. Разбирањето на сопствените потреби може да ви помогне да донесувате подобри финансиски одлуки, а со вистинските алатки, како што е потрошувачкиот кредит на УНИБанка, да постигнете совршен баланс меѓу уживањето денес и планирањето за утре. 

УНИБанка е динамична и современа дигитална банка, која ги разбира потребите на младите луѓе, нивните лични потреби и очекувања, нудејќи продукти и услуги како би им овозможила остварување на соништата и максимални животни постигнувања.

Затоа не ги одложувајте вашите планови и потреби поради недостаток на финансиски средства.

Тагови: HR УНИ БАНКА АД