Јас сум Јусуф Мустафи. Неколку години поминав во Авганисран и Ирак, работејќи за Американската војска. Стекнав незаменливо искуство во исклучително опасна и напорна средина, што ми помогна да се изградам и како личност и како професионалец.
По завршувањето на таа, слободно можам така да се изразам, животна авантура, се вратив во Македонија. Сосема случајно налетав на огласот за продажен агент за банкарски услуги во Agile Pro Solutions. Компанијата штотуку отвори нова канцеларија во Тетово, и по неколкунеделната обука во канцеларијата во Скопје, јас и моите колеги започнавме со работа. Почетокот беше навистина тежок, и за себе мислев дека сум, за ваква работа, безнадежен случај. Неколку пати бев на работ на откажување, но комбинацијата на напорна работа, упорност од манаџерот и секако, нашиот локален инает ме натераа да издржам. Во неполна цела година, јас бев веќе унапреден во „Expert Level„ и сум навистина горд на моите достигнувања за точно веќе една година.
Заработката е добра, и иако работното време е константна „втора смена„ заради америчкиот пазар на кој функционираме, слободните викенди и претпладниња си имаат повеќе предности отколку недостатоци. За крај би сакал на сите кои зборуваат добар англиски и се комуникативни личности, да им препорачам да се пробаат во продажба на американскиот пазар. Со упорност и труд, за кратко време можете да станете мајстори во овој занает, и да имате одлично работно место со повеќе од пристојна заработка.
Аплицирајте на нашите отворени позиции: https://agileprosolutions.com/openpositions/
Тагови: Agile Pro Solutions