Transcom Macedonia го продолжува својот импресивен раст и проширување на бизнисот. Глобалната компанија, која веќе со години вработува илјадници професионалци ширум светот, доби нов клиент – што значи само едно: започнува големо вработување на германски говорници во Скопје и низ целата земја.

Овој проект носи долгорочна стабилност и бројни можности за професионален развој, а во центарот на приказната се луѓето кои ја сакаат комуникацијата, тимската работа и сакаат да бидат дел од средина која го поддржува нивниот раст.

Флексибилност и сигурност од првиот ден

Вработените во Transcom можат да изберат дали ќе работат од модерната канцеларија во Скопје или 100% од дома, уште од самиот почеток. Со тоа компанијата нуди целосна флексибилност, прилагодувајќи се на животниот стил и потребите на своите вработени.

Дополнително, сите нови членови на тимот добиваат договор на неопределено време, што е реткост на пазарот, особено во растечките индустрии на корисничка поддршка.

Привлечни бенефиции и можности за напредување

Transcom е познат по своите конкурентни услови за работа, а овој нов проект само го потврдува тој стандард. Новите вработени можат да сметаат на:

• 600 € bruto welcome bonus при почетокот на работата,
• одлична почетна плата со можности за бонуси,
• платена обука и постојана поддршка од ментори,
• работа во смени помеѓу 7:00 и 22:00, со можност за ноќна работа,
• бројни можности за напредување како што проектот расте и се развива.

Особено интересна е внатрешната програма за препораки што ја поттикнува Transcom – вработените кои ќе препорачаат пријатели или познаници можат да остварат дополнителни бонуси, погодности и подароци-вaучери, што уште повеќе го зајакнува тимскиот дух и чувството на заедништво во компанијата.

Култура што поттикнува раст и развој

Она што ја издвојува Transcom Macedonia од другите работодавци е опуштената и поддржувачка работна култура. Компанијата поттикнува отворена комуникација, размена на знаења и соработка меѓу колегите, создавајќи пријатна средина во која вработените се чувствуваат ценети и мотивирани.

Како што проектот ќе расте, се очекува и отворање на нови позиции – од специјализирани тимови до лидерски улоги – што дополнително потврдува дека станува збор за долгорочен и стабилен проект со перспектива за раст.

Со тоа, Transcom Macedonia уште еднаш го потврдува својот статус како еден од најпожелните работодавци во земјата – особено за сите кои течно зборуваат германски јазик и бараат сигурна, флексибилна и динамична кариера во меѓународно опкружување.

Тагови: Transcom Macedonia

Од 15 ноември па сè до 15 март, сите возачи во земјава ќе мора задолжително да поседуваат зимска опрема во своите возила – ова го потврди Министерството за внатрешни работи, потсетувајќи ја јавноста дека овие мерки се согласно со Законот за безбедност на сообраќајот на патиштата. Засилените контроли ќе осигурат безбедно движење во услови кога патиштата се лизгави и опасни.

Според Правилникот, возилата до 3.500 кг треба да имаат зимски гуми на сите четири тркала или летни гуми со синџири за снег. Возилата со погон на сите четири тркала (4×4) и тешките возила како автобуси и камиони мора да следат одредени уредби, вклопувајќи зимски гуми и соодветна опрема како зимски синџири.

МВР апелира на ситемските проверки и подготовка на зимската опрема како одговорност на сите возачи. „Со други зборови – ако сакате мирна зима без казни и непријатности, време е уште сега да ги проверите гумите, синџирите и приборот во вашето возило,“ е пораката до сите учесници во сообраќајот.

Тагови: зимска опрема МВР

До крајот на годината задолжително најмалку по 300 евра ќе им легнат на сметките на работниците за регрес за годишен одмор.

Согласно законот, газдите до 31 декември треба да исплатат К-15, кој изнесува најмалку 40 отсто од просечната плата, а најмногу 100 отсто.

К15 им следува и на административците, кој е помал за 100 евра од оној кој се исплаќа во приватниот сектор.

Минималната сума за исплата на регрес за годишен одмор, согалсно законот е утврден на 40% од просчената исплатена плата и за оваа година сумата е 18,141 денари за приватен сектор, додека за јавниот сектор сумата изнесува 12,372 денари.

Минатата година имало само 22 пријави за неисплатен К-15 од вкупно 4,000 работници и тоа претежно од текстилната индустрија. 

Ако вработените не го добијат законскиот минимум за К15, можат да пријават во Синдикатот или во Државниот инспекторат за труд.

Тагови: администрација К-15

„Скенирачите“ на фискални месецов може да ја очекуваат исплатата на повратот на ДДВ за периодот јули, август и септември. 

Законскиот рок е 60 дена по завршување на кварталот.

Граѓаните кои ги исполниле условите, скенирале сметки и имаат точно внесени трансакциски сметки, средствата ќе ги добијат автоматски по обработката.

Од Управата за јавни приходи (УЈП) потсетуваат дека најчеста причина за доцнење во претходните исплати биле некоректно внесени или неажурирани трансакциски сметки во апликацијата „МојДДВ“.

За навремена исплата, граѓаните треба да:

Проверуваат дали сите скенирани сметки се евидентирани во апликацијата „МојДДВ“. Осигураат дека трансакциската сметка е правилно внесена и активна во системот на УЈП. Следат официјални известувања од УЈП и апликацијата за актуелности.

Со редовно ажурирани податоци, повратот на „МојДДВ“ ќе се исплати навремено.

Граѓаните можат да добијат до 2.100 денари за едно тромесечие или до 8.400 денари за цела година.  

Тагови: УЈП фискални сметки