Минималната цена на трудот во Србија ќе се зголеми на 500 евра од 1 октомври оваа година, беше одлучено на седницата на економско-социјалниот совет.

На 124-та редовна седница беше донесена едногласна одлука за вонредно зголемување на минималната плата.

Поточно, минималната плата од октомври ќе биде повисока за 9,4 проценти и ќе изнесува повеќе од 500 евра, беше договорено денес на седницата на Социјално-економскиот совет (СЕС) на Србија. Претседателката на СЕС и министерка за труд, Милица Ѓурѓевиќ, изјави дека одлуката за вонредното зголемување е донесена едногласно и дека тоа е резултат на социјалниот дијалог во Србија.

Претходно беше презентиран предлог за динамиката на растот на минималната плата, кој предвидува зголемување во две фази - од октомври оваа година и од јануари 2026 година (за што одлуката ќе се донесе во август).

Минималната плата во моментов е 53.592 динари, или 457 евра, откако беше зголемена за 13,7 проценти во јануари оваа година, а целта е до крајот на 2027 година, односно од 2028 година, минималната плата да изнесува 651 евро.

Претпоставката беше дека првото зголемување ќе биде на 500 евра, односно на околу 58.000 динари.

Тагови: минимална плата Србија

Тесла ќе одржи гласање на акционерите за тоа дали производителот на автомобили на Илон Маск треба да инвестира во неговиот стартап за вештачка интелигенција xAI, изјави милијардерот во неделата.

Да зависеше од мене, Тесла одамна ќе инвестираше во xAI“, рече Маск во објава на неговата платформа за социјални медиуми X, која самата по себе е дел од xAI. „Ќе имаме гласање на акционерите за ова прашање, пишува Си-Ен-Ен.

Маск влева ресурси од другите свои компании во xAI додека се обидува да се натпреварува со лидерите во вештачката интелигенција како OpenAI, Meta и Google. Во март, xAI го купи X, кој веќе го користеше за податоци за обука и за дистрибуција на својот чет-бот, Grok. А во саботата, Wall Street Journal објави дека вселенската компанија на Маск, SpaceX, треба да инвестира 2 милијарди долари во xAI.

Обезбедувањето инвестиција за xAI од Тесла може да биде малку покомплицирано, со оглед на тоа што станува збор за јавно тргувана компанија и чии инвеститори веќе беа загрижени за приоритетите на Маск во последните месеци. 

Акционерите на „Тесла“, загрижени од обемот на политичката вклученост на Маск - како и од неговата лидерска улога во најмалку три други компании - побараа од него да посвети најмалку 40 часа неделно на својата улога како извршен директор на „Тесла“, или одборот да постави „основни правила“ околу неговите надворешни активности.

Маск претходно се спротивстави на идејата дека „Тесла“ би можела да се спои со xAI.

Акциите на „Тесла“ (TSLA) малку пораснаа рано во понеделник, но остануваат намалени за повеќе од 16 отсто од почетокот на годината.

„Тесла“ минатата недела соопшти дека ќе го одржи својот годишен состанок на акционерите на 6 ноември - најава што дојде откако десетици лути акционери побараа да знаат зошто толку долго се закажува настанот.

xAI брзо собра значителни инвестиции, и тоа не само од сопствените компании на Маск.

Минатиот мај, собра 6 милијарди долари од инвеститори, вклучувајќи ги „Секуоја Капитал“, „Андресен Хоровиц“ и саудискиот принц Алвалид Бин Талал, зголемувајќи ја нејзината проценка на 24 милијарди долари. Кога xAI го купи X во март, Маск рече дека вредноста на комбинираната компанија е 80 милијарди долари. Неодамна, xAI се обиде да собере 10 милијарди долари со проценка од 200 милијарди долари, објави Блумберг.

Од друга страна, дел од светските медиуми јавуваат дека Маск, кој важи за еден од најбогатите луѓе на светот побара од сопствената компанија Тесла четвртина од уделот и гласачката моќ, заканувајќи се дека во спротивно ќе го премести развојот на вештачка интелигенција и роботика во својата друга компанија, xAI.

Техномилијардерот со својата одлука ги зголеми стравувањата на инвеститорите. Неговиот ултиматум може да ја наруши долгорочната конкурентност на Тесла.

Маск изјавил дека не се чувствува сигурно во лидерската улога за вештачка интелигенија и роботика во Тесла со сегашните акции кои ги поседува, бидејќи постои ризик да биде сменет од големи акционери.

Западните медиуми пишуваат дека неговата одлука не е финансиска, туку е обид за контрола на технологиите за вештачка интелигенција.

Ројтерс јави дека си даде отказ извршната директорка на Икс, Линда Јакарино, која раководеше со социјалната мрежа во соработка со милијардерот.

Назначена пред две години со цел да ги врати огласувачите на мрежата, таа беше под притисок да ги спои во функционирањето Икс и xAI.

После две неверојатни години решив да си дадавам оставка од функцијата извршен директор на Икс, напиша Јакарино на Икс.

Маск ѝ одговори: „Благодарам за твојот придонес“.

Аналитичарите предупредуваат дека барањето на Маск за 25 проценти акции создава огромен конфликт на интереси во Тесла.

Доколку акционерите се согласат, Маск ќе стекне непропорционална контрола врз делот со вештачка интелигенција(xAI), потенцијално нарушувајќи демократските принципи на управување во јавна компанија.

Ако го одбие Маск, Тесла ризикува да ја изгуби предноста во автономно возење што го нудат нејзините електрични автомобили, но и предноста во роботиката, како кај роботот Оптимус, кој исто така користи вештачка интелигенција.

Овие технологии би можеле да бидат преселени во xAI, компанијата за која Маск веќе бара поголем удел.

Овој пресврт не е само финансиски судир, туку се чини дека Маск ја отвора глобалната дебата за тоа која компанија може поефикасно да ги води граничните технологии?

Дали Тесла ќе остане автомобилска компанија или ќе се трансформира во АИ лидер под целосна контрола на својот основач?

Тагови: Елон Маск акции Тесла

Започнувањето на кариера без претходно работно искуство може да изгледа како невозможна мисија. Огласите бараат „минимум една година искуство“, а вие сè уште го немате ни првото интервју. Но вистината е сите некаде почнале. Недостигот на искуство не значи недостиг на потенцијал.

Еве што можете да направите за да се истакнете и да го направите првиот чекор во светот на вработените:

1. Фокусирајте се на вештините, не на искуството

Работодавците бараат луѓе што ќе придонесат – а тоа не секогаш значи долга биографија. Истакнете ги вашите меките вештини како комуникација, организација, тимска работа или способност за учење. Ако имате технички вештини – уште подобро.

2. Искуството не е само работа

Практичната настава, студентски проекти, волонтерство, курсеви, дури и хобија – сето тоа е некое искуство. Напишете ги овие активности во биографијата со конкретни задачи што сте ги извршувале.

3. Создадете свое портфолио или пример за работа

Ако аплицирате за креативна или техничка позиција – создајте свое портфолио. Тоа може да биде блог, Instagram профил, GitHub страница или дизајн-проекти. Покажете дека сте активни, дури и без да ве вработил некој.

4. Вмрежете се

Мрежите прават чуда! Посетете настани, семинари, поврзете се на LinkedIn со луѓе од индустријата. Често, препораките од внатре вредат повеќе од совршено CV.

5. Прилагодете го секое CV и мотивационо писмо

Немојте да праќате ист документ на 50 места. Наместо тоа, вложете време да истражите за секоја компанија и прилагодете ја вашата пријава според нивните потреби.

Да се почне без искуство е предизвик, но не и пречка. Вашата енергија, желбата за учење и подготвеноста да започнете од основа се вредности што многу компании ги бараат. Првиот чекор е секогаш најтежок, но и највреден.

Ве унапредија но не и вашата плата, прочитајте и за: Унапредување без денар повеќе? Еве што навистина значи тоа

Тагови: HR работно искуство совети за работа

Во време кога младите се борат да најдат средина што не е само уште едно „седење пред компјутер“, Concentrix создава приказна што вреди да се слушне – и да се доживее. Ова не е само глобална компанија – ова е бренд што има јасна мисија да ги постави луѓето на прво место, и тоа не декларативно, туку со шанса за корпоративен раст.

Летото оваа година официјално го означивме со Summer Party 2025 – настан каков што ретко се гледа во корпоративниот свет. Над 150 колеги од различни градови, тимови и позиции беа на едно место. Забава, музика, open-air атмосфера и многу насмевки. Но зад сето тоа стоеше нешто посилно – чувство на припадност. Приказната не беше само „имавме журка“, туку „имаме култура што се живее“.

„Од првиот ден знаев дека Concentrix не е обична фирма. Тука не доаѓаш само за плата, тука доаѓаш да растеш – и како професионалец и како човек,“ споделува Бесфорд Пацоли, еден од нашите оперативни менаџери кој веќе три години е дел од тимот. „Сите тие мали детали – дали некој те прашал како си, дали имаш слободен ден кога ти треба, дали те мотивираат и кога не оди – тоа прави разлика.“

Вредностите на компанијата – почит, инклузија, тимски дух и отворена комуникација – не се само на постери во канцеларија. Тие се дел од секој состанок, секој проект, секоја пауза за кафе. Со бенефити што реално прават разлика – стабилна плата, 13-та плата, приватно здравствено осигурување, менторски програми, спортски членства, бонуси за перформанс и препораки – Concentrix покажува дека знае што значи „луѓето се најважни“.

Но тоа не застанува тука. Компанијата веќе неколку години по ред активно учествува во општествени проекти – од крводарителски акции, еко-иницијативи, до директна поддршка на ранливи групи. Тоа не е ПР, тоа е вредност што ја живеат вработените.

Concentrix не е само место за работа. Тоа е заедница што мотивира, слуша и постојано вложува – во луѓето, во иднината, во вистински вредности. Ако бараш стабилност, но и смисла – ова е местото каде и двете работи одат заедно.

Тагови: КОНЦЕНТРИКС ДООЕЛ Скопје