Нептун е најголемата малопродажна и дистрибутивна мрежа на производи од бела техника, апарати за домаќинство, ТВ/Аудио/Видео, компјутери, телефони, фото апарати и камери, производи за нега и убавина, ладење и греење, во Македонијa.

Моментално вработува:

Референт за наплата и кредитирање - Скопје
Референт за продажба во Струмица
Референт за продажба во Тетово
Референт за продажба во Дебар
Продукт менаџер (Бела техника)

Се уште невработени?! Сите останати активни работни позиции ќе ги најдете ТУКА.

Тагови: Нептун Македонија

Почетокот на нова работа носи возбуда, но и многу нови информации, задачи и ситуации на кои треба брзо да се прилагодите. Токму тука, вештачката интелигенција може да биде корисен сојузник.

AI не треба да ја завршува работата наместо вас, туку да ви помогне побрзо да учите, да се подготвите и да носите подобри одлуки.

1. Препознајте ги задачите што се повторуваат

Во секоја работа постојат задачи кои се повторуваат секојдневно или неделно. Наместо целото време да го трошите на нив, размислете кои од нив може да ги поедноставите со помош на AI.

Од сумирање документи и организирање информации до подготовка на извештаи и пребарување релевантни податоци – AI може да ви помогне да заштедите време и да се фокусирате на поважните делови од работата.

2. Користете го AI како „виртуелен колега“

Кога сте нови во компанијата, нормално е да имате многу прашања. AI може да ви помогне да разгледате проблем од повеќе агли.

Наместо секогаш да барате готово решение, можете да побарате од AI да ви поставува дополнителни прашања, да ја анализира вашата идеја или да ви понуди поинаква перспектива.

На овој начин, AI не размислува наместо вас, туку ви помага да размислувате подобро.

3. Вежбајте ги тешките ситуации пред да се случат

Една од најкорисните примени на AI е симулацијата на реални ситуации.

Имате важен состанок? Треба да разговарате со незадоволен клиент? Подготвувате интервју или преговори?

Побарајте од AI да ја преземе улогата на соговорникот и вежбајте ја ситуацијата однапред. Може да ви поставува непријатни прашања, да не се согласува со вас или да ви даде повратна информација за начинот на кој сте реагирале.

Така, кога ситуацијата навистина ќе се случи, ќе бидете подобро подготвени.

Сепак, постои една важна граница.

AI треба да биде ваша поддршка, а не замена за вашето знаење и расудување.

Користете го за идеи, анализа, подготовка, учење и заштеда на време, но конечните одлуки и одговорноста за работата треба да останат кај вас.

Новата работа можеби е ново поглавје. AI може да ви помогне побрзо да ја научите приказната.

Тагови: вештачка интелигенција работни вештини работнички права

Дали начинот на кој компаниите ги вреднуваат работните позиции сè уште одговара на современиот пазар на труд? Традиционалната евалуација на работните места, која со години се користи како основа за утврдување на платите и хиерархијата во организациите, сè повеќе се соочува со нови предизвици. Во време кога транспарентноста на платите, еднаквоста и оправданоста на одлуките за наградување стануваат клучни HR прашања, старите модели можат да претставуваат и деловен ризик.

Целта на евалуацијата на работните места традиционално е да обезбеди конзистентни и одбранливи одлуки за платите односно да покаже зошто една позиција е вреднувана повисоко или пониско од друга. Но, проблемот настанува кога описите на работните места и критериумите за нивно вреднување не се во чекор со реалноста на работата.

Работните места денес се менуваат побрзо

Дигитализацијата, вештачката интелигенција и промената на потребните вештини значат дека една иста позиција може значително да се промени за само неколку години.Вработените денес често преземаат нови одговорности, работат меѓу различни тимови и користат технологии кои не постоеле кога биле креирани оригиналните системи за евалуација.

Ако системот продолжи да ја вреднува позицијата според старите критериуми, постои ризик реалниот придонес на вработениот да не биде соодветно препознаен.

Транспарентноста на платите го зголемува притисокот врз HR

Прашањето за тоа „кој колку заработува и зошто“ станува сè поважно. Кога компанијата не може јасно да објасни како дошла до одредена плата или разлика меѓу две позиции, тоа може да создаде недоверба кај вработените и дополнителен ризик за организацијата.

Затоа, системот за евалуација не треба да биде само административна алатка, туку механизам кој овозможува фер, транспарентни и логични одлуки за наградување.

Од „вредност на позицијата“ кон „вредност за организацијата“

Современиот пристап бара HR тимовите да гледаат пошироко од традиционалните фактори како што се одговорност, искуство и сложеност на работното место.

Сè поголемо значење имаат:

• Вештините што ги поседува вработениот;
• Реалниот придонес кон бизнис резултатите;
• Новите технологии и начинот на работа;
• Пазарната вредност на одредени професии;
• Можностите за развој и преземање дополнителни одговорности;
• Еднаквоста и транспарентноста во системот на наградување.

Што треба да направат компаниите?

Наместо еднаш воспоставен систем да се користи со години, компаниите треба редовно да ги преиспитуваат своите job descriptions, платните структури и критериумите за вреднување на позициите.

Прашањето веќе не е само: „Колку вреди ова работно место?“ Туку и: „Каква вредност создава оваа улога денес и дали нашиот систем тоа го препознава?“

Во услови на забрзани промени на пазарот на трудот, модернизацијата на системите за евалуација на работните места станува важен дел од стратегијата за задржување таленти, фер наградување и намалување на организацискиот ризик.

За HR лидерите, ова е сигнал дека платите и работните позиции повеќе не можат да се управуваат како статични категории. Тие мора постојано да се преиспитуваат во согласност со промените во бизнисот, технологијата и пазарот на труд.

Прочитај и за: Генерациите Z и миленијалците ги менуваат правилата на успехот во кариерата: Повеќе не брзаат кон врвот туку бараат кариера што вреди

Тагови: HR трендови

Глобалниот пазар на храна се подготвува за нов бран на поскапувања кој би можел да ги погоди потрошувачите ширум светот. Според најновите анализи на реномираната аналитичка куќа „Оксфорд економикс“, комбинацијата од ескалацијата на војната во Украина, климатските екстреми и растот на трошоците за производство се заканува да предизвика двоцифрен процентен раст на цените на основните прехранбени производи.

Пченицата под најголем притисок, лебот и тестенините со нови повисоки цени

Првите знаци на нестабилност се очекува да се одразат врз цените на свежата храна во периодот меѓу октомври и ноември 2026 година. Сепак, главниот бран на поскапувања кај преработената храна се предвидува за периодот меѓу февруари и мај 2027 година.

Според соопштението на „Оксфорд економикс“, глобалните цени на храната годинава ќе забележат раст од 11,8 проценти, додека за следната 2027 година се прогнозира дополнително зголемување од 4,8 проценти. Нај погодени од овој тренд ќе бидат:

• Житните култури (со фокус на пченицата)
• Овошјето и зеленчукот
• Млечните производи

Сушите и топлотните бранови го намалуваат приносот во Европа

Проблемот дополнително го усложнуваат лошите временски услови на европскиот континент. Здружението за трговија со житни култури „Коцерал“ во јули излезе со итно ажурирање на своите проценки, намалувајќи ја прогнозата за комбинираната жетва во ЕУ-27 и Велика Британија од 295,5 на 286,6 милиони тони — што е драстичен пад во однос на остварените 310 милиони тони во 2025 година.

Тешка е ситуацијата и во германското земјоделство. Според податоците што ги пренесе АФП, повикувајќи се на Германското здружение на земјоделци, жетвата на жито во земјата се очекува да се намали за 7 проценти (на 41,9 милиони тони) како директна последица на силните суши и рекордно високите температури.

Растат трошоците за енергенси и вештачки ѓубрива

Покрај климатските и геополитичките предизвици, дополнителен притисок врз финалната цена создаваат и репродуктивните материјали:

Дизел горивото: Глобалните цени во јули забележаа скок од 36 проценти во споредба со истиот период минатата година, делумно поради сообраќајните и логистичките прекини во Ормуската Теснина.

Вештачките ѓубрива: Се предвидува дека нивната цена до крајот на годината ќе се зголеми за 22 проценти, пренесува Еуроњуз Србија.

Сите овие параметри укажуваат дека земјоделскиот сектор влегува во исклучително нестабилен период, чија сметка на крајот ќе ја платат крајните потрошувачи преку маркетите.

Тагови: Свет храна цени