(преземи го огласот во Word)

Врз основа на верифицираната Програма за обука на геодупчач за изработка на истражни, хидрогеолошки, геотехнички и инекциони дупнатини  од страна на Министерство за образование и наука со решение  УПЛ бр.12-989 од  13.07.2017 година, Приватно научната установа Институт за истражување во животна средина, градежништво и енергетика во соработка со Градежен Институт МАКЕДОНИЈА АД Скопје го објавува следниот

О Г Л А С

до сите заинтересирани лица за учество на обука

за геодупчач за изработка на истражни, хидрогеолошки, геотехнички и инекциони дупнатини

 

Услови за запишување

Се повикуваат лица:

• на возраст до 40 години
• со завршено најмалку средно стручно (пожелно геолошко- рударска, металуршка или градежна  струка) и гимназиско образование
• психоспособни за обавување на работи и работни задачи од категоријата на среден ризик
• со поседување возачка дозвола за Б категорија, активен возач
• со основно познавање на англиски и српски јазик
• со желба за работа на терен и работа во странство

 кои се заинтересирани за стекнување на знаења и вештини за геодупчач (дефицитарни кадри во РМ) да се пријават на обуката.

 

Цели на обуката

Со оваа обука заинтересираните лица ќе се стекнат со вештини и знаења за ракување со дупчачка гарнитура и со целиот процес на дупчење, поправка на дупчачки гарнитури, препознавање и разликување на разни видови на карпи и нивни карактеристики при дупчење, како и препознавање на разни видови дупнатини, контролирање на мерни инструменти, прилагодување на режим на дупчење во согласност со геотехничките карактеристики на карпите низ кои минуваат дупнатини и др. односно се во согласност со Програмата за обука на геодупчачи.

 

Методологија на работа

Обуката ќе се реализира во Скопје со комбинација од теренска обука и настава во училница во период од 6 месеци, организирана на следниот начин:

• теорија 86 часа
• пракса 173 часа и
• оценување 29 часа.

Обуката ќе се релизира согласно Програмата за обука верифицирана од страна на Министерство за образование и наука со решение УПЛ бр.12-989 од  13.07.2017 година, а лицата кои редовно ја посетувале обуката ќе добијат Сертификат за завршена обука.

 

Очекувани резултати на програмата се.

• анализираат, планираат и организираат работата;
• прават подготовки на работното место  (на теренот, машините и алатите);
• изработуваат истражни дупнатини, хидрогелошки дупнатини и бунари, геотехнички дупнатини и инекциони дупнатини:
• извршуваат административни работи;
• обезбедуваат квалитет во работењето;
• ги одржуваат машините и алатите за работа;
• комуницираат со соработниците и ја заштитуваат работната и животната средина.

 

Обуката е бесплатна.

На најдобрите учесници на обуката им се нуди можност за вработување.

Лицата кои се заинтересирани за учество во обуката можат да ги добијат сите потребни дополнителни информации на следниот тел. број 02 / 30 91 945, на електронската адреса [најави се за да го видиш е-маилот] или директно во просториите на Градежен Институт МАКЕДОНИЈА АД Скопје на ул. Дрезденска бр.52 општина Карпош, Скопје.

 Апликациите со CV, диплома, копија од возачка дозвола и др.потврди и сертификати, може да се достават директно во просториите Градежен Институт МАКЕДОНИЈА АД Скопје или по електронска пошта на следната адреса [најави се за да го видиш е-маилот]

 

 

   ПНУ Институт за истражување во животна

  средина, градежништво и енергетика- ИЕГЕ

                             Директор

             Ангелина Танева – Вешоска