Македонија се најде на 18-то место според брзината на мобилниот интернет, објавено е на speedtest.net. 

Овие податоци се за мај 2020 година. 

Македонија добро котира на рангирањето каде се опфатени над 170 земји во светот. 

На 7-то место се најде Бугарија, Хрватска е на 11-то место, а Албанија е 14-та. 

Србија се најде на 28-то, а Црна Гора на 33-то место. 

Словенија е 38-ма, а Грција е 39-та на листата. 

Косово е на 58-то место на оваа листа. 

Луксембург e најбогата земја во Европа. 

Зад неа се најдоа Ирска, Данска, Холандија, Австрија и Германија.

Ова го покажуваат податоците кои ги објави европската статистичка агенција Евростат минатата недела.

Куповната моќ на граѓаните во Луксембург е 35 отсто над просекот на ЕУ. 

Од друга страна, Македонија, Албанија и Босна и Херцеговина се на дното на листата. 

Овие три држави се најсиромашни и нивните граѓани имаат најмала куповна моќ. 

Ако ги погледнеме платите, во април македонските работници земале скоро 26.000 денари нето. 

Поради кризата предизвикана од коронавирусот, бројот на невработени во Германија може да ја надмине границата од три милиони за првпат после пет години, предупреди шефот на Федералната агенција за труд (БА), Детлеф Шеле.

– Во текот на летото, најверојатно, ќе ја поминеме границата од три милиони невработени, изјави Шеле за „Зидојче Цајтунг“.

Последниот пат во лето невработеноста беше толку голема пред десет години, а во однос на целата последен пат е забележана ваква тешка состојба на пазарот на трудот пред пет години.

Шеле се надева дека ситуацијата ќе се подобри после летото.

За да падне бројот на невработени во есен, потребно е сега во гастрономијата и туризмот да делува попуштањето на ограничувањата воведени поради коронавирусот, за да се придвижи светската трговија и да дејствува пакетот мерки за поттикнување на економијата.

Наскоро ќе се отворат скопскиот и охридскиот аеродром. 

Ваква одлука донесе Владата. 

„Владата денеска донесе одлука од 1 јули, среда, да бидат отворени за сообраќај Меѓународниот аеродром Скопје и на Аеродромот „Св. Апостол Павле“ во Охрид. Согласно овие одлуки Владата денеска донесе одлука да биде укината забраната за организиран превоз, која исто така стартува од 26 јуни“, информираат од Владата. 

На 15 март се затвори охридскиот аеродром, а потоа и скопскиот со цел да се спречи ширењето на коронавирусот. 

Границите ќе се поминуваат без тестови за коронавирус, но и без обврска за карантин.