Долниот дом на францускиот Парламент, Националното собрание, денеска усвои законски измени со кои на родителите им се забранува физичко казнување на нивните деца.

Како што јави ДПА, со измените на францускиот Граѓански кодекс, родителите се задолжуваат своите деца да ги воспитуваат без употреба на „физичко и психолошко насилство“.

Со законските измени, Собранието ја овластува Владата да го процени обемот на физичкото казнување на децата во Франција и следната година да изработи препораки за преземање мерки за подигнување на свеста на родителите за ова прашање.

Измените на Граѓанскиот кодекс беа поддржани од пратениците на владејачките центристички и на левичарските партии, против беше екстремно десничарскиот Национален собир, а мнозинството од претставниците на најголемата опозициска сила, конзервативната партија Републиканци се воздржаа од гласање.

Пред да стапат во сила, законските измени треба да ги одобри и Горниот дом на францускиот Парламент, Сенатот, каде опозицијата има мнозинство.

На усвојувањето на законските измени реагираше Советот на Европа, кој ваквата одлука ја оцени како историска.

Забрана за физичко казнување на децата од страна на родителите прва во светот воведе Шведска, уште во 1966 година. По неа, вакви забрани воведоа уште 54 земји во светот, меѓу кои се и 22 од 28-те актулени членки на ЕУ.

После дружбата на Економски факултет, KARIERA.mk овој пат се дружеше со студентите од Факултетот за информатички науки и компјутерско инженерство (ФИНКИ) и Технолошко-металуршкиот Факултет.

Студентите отворени за комуникација, се информираа за KARIERA.mк и повеќе за нашите бесплатини услуги. Најзаинтересирани беа околу нашите обуки за тоа како да изгледа нивното CV,  како да се претстават себеси во најдобро светло на првото интервју, како да направат мотивационо писмо и како да пребаруваат соодветни огласи за работа.

Целта на оваа дружба е да ги информираме и да им помогнеме при вработување и постигнување на својата цел.

Исто така им доделивме и по некоја награда која се одвива преку хаштаговите #karieramk, #бидимиколешка, #бидимиколега, на социјалните мрежи, како благодарност за издвоеното време.

Следете нè на KARIERA.mk за повеќе информации.

Тагови: ФИНКИ

Европските социјалисти бараат истрага за доделувањето бугарски државјанства.

Тие денеска побараа Европската комисија да ги разгледа тврдењата за незаконско доделување на бугарски државјанства на странци.

Европските социјалисти велат дека ова прашање е значајно и за ЕУ, затоа што лицата кои добиваат бугарско државјанство се стекнуваат со правото за слободно патување и работа во Унијата.

Сметаат дека овој случај е „поврзан со чесноста и безбедноста“ и дека тврдењата за злоупотреби го поткопуваат кредибилитетот на ЕУ.

Заменик премиер, министер и пратеник во Европскиот парламент се последните имиња кои се појавија во аферата со бугарските пасоши, открива Еуроактив. Станува збор за Красимир Каракачанов, Екатерина Захариева и Андреј Ковачев и тројцата еминентни бугарски политичари. Нивната поврзаност во скандалот, за Еуроактив ја открива Катја Манева, поранешна директор на Советот за државјанство, која била сменета од страна на Захариева под притисок на Каракачанов и Ковачев. Манева до бугарското овинителство кое ја води истрагата, доставила документи и дала исказ според кој партијата ВМРО на Каракачанов финансиски опстојувала единствено од митото добивано за бугарските пасоши. Матева тврди дека таа во 2016-та година стопирала 7.000 сомнителни барања за издавање потврди за потекло, со што го навлекла бесот на заменик премиерот. Каракачанов побарал од Захариева, која во тој период била министерка за правда, да ја отпушти Матева и да го одблокира процесот за издавање пасоши на странци. Захариева од почеток застанала во одбрана на својата подредена, но по состанокот кој го организирал европратеникот Ковачев со бугарски невладини организации од Македонија, попуштила под притисокот.

Каракачанов земал меѓу 550 и 1.500 евра од секој Македонец кој аплицирал за бугарски пасош во оваа шема, а дневно имало меѓу 150 и 200 кандидати.

Захариева и Ковачев изјавија дека се изненадени од обвинувањата. 

Бугарскиот премиер, Бојко Борисов минатата недела им наложи на Министерството за внатрешни работи и на Државната агенција за национална безбедност да извршат проверка на бугарските патни документи издадени на странци во последните пет години.

Обвинителството во земјата минатиот месец започна истрага против службеници во Државната агенција за Бугарите во странство во врска со наводите за корупција и злоупотреби при издавањето на бугарски државјанства на странци.

Во врска со овие сомнежи на 31 октомври беа приведени претседателот на Агенцијата, Петар Харалампиев и 19 нејзини службеници. По првичната истрага, обвиненија беа покренати само против Харалампиев, главниот секретар на Агенцијата, Красимир Томов и против уште две лица.

По ова бугарската Влада најави дека планира да ја затвори Агенцијата, а нејзините надлежности да се поделат на неколку други државни институции.

Претседателот на ИАБ Македонија, Борис Ефтимовски ги повика најголемите огласувачи во Македонија во своите адвертајзинг буџети за наредната година да го зголемат делот предвиден за огласување преку домашните веб портали.

Очекуваме од домашните компании и медиски агенции во своите буџети за наредната 2019 година да издвојат поголем дел за дигиталните издавачи и македонски веб портали, пропорционално на импактот кој тие го имаат во секојневието на македонските граѓани“ – вели Ефтимовски и надополнува: “Просто неверојатно звучи податокот дека третата најголема национална телевизија има поголеми приходи од водечките 30 македонски веб портали заедно. Овој сооднос помеѓу огласувањето на двата водечки канали, телевизијата и интернетот, е неприфатлив и целосно не одговара на улогата која веб порталите ја имаат во општеството во делот на информирање, едукација, забава и во севкупното поминато време на медиско конзумирање.

Според него, огласувачите треба дополнително да го поддржат развојот на квалитетните веб портали во Македонија и процесот на само-регулација, преку поголема застапеност на веб медиумите кои го прифаќаат Етичкиот Кодекс на ИАБ во нивните медиски планови.

ИАБ Македонија е дел од интернационалната мрежа IAB Worldwide со седиште во Њујорк, која преставува најголема глобална мрежа што ги обединува медиумите, маркетинг агенциите и огласувачите со цел развој на онлајн огласувањето.