На самитот на ЕУ- Западен Балкан во Софија, којшто ќе се оддржи на 17 мај, можеби повторно да се разгледа иницијатива и потпишаниот договор за укинување на роаминг на сите земји од Западен Балкан. Тоа за Танјуг го изјави српскиот министер за трговија, туризам и телекомуникации-Расим Лајиќ.

Ние пред три години потпишавме договор со Македонија, БиХ и Црна Гора. Сега и Косово и Албанија сакаат да се приклучат кон тој договор да имаме укинат роаминг на просторот на Западен Балкан, вели Лајиќ.

За невработено лице се сметаат сите лица кои се пријавени во Агенцијата за вработување, кои се невработени и активно бараат работа, способни се да работат и се подготвени да прифатат секакво соодветно или погодно вработување што ќе го понуди Агенцијата.

Сите лица кои се регистрирани од страна на Агенцијата за вработување како невработени имаат право да ги уживаат сите права утврдени со закон кои им следуваат на невработени лица.

Секој граѓанин кој што е евидентиран како невработен е должен лично да се јавува во Агенцијата на секои 30 дена и да докаже дека активно барало работа во последниот месец. Невработените што нема да ја исполнат оваа обврска во рок од 30 дена по истекот на рокот на јавување утврден во индивидуалниот план за вработување, се брише од евиденцијата на невработени лица.

Дополнително, АВРМ има право да избрише од евиденција граѓани кои се упатени од Агенцијата кај работодавач, а тие не се јават или одбијат да засноваат работен однос, или пак одбие обука, преквалификација или доквалификација заради вработување.

Невработените лица кои не ги почитуваат преземените обврски од индивидуалниот план за вработување исто така се бришат од евиденција.

Лице што нема да прифати обука два пати во текот на две години исто така се брише од евиденцијата на невработени.

Сите невработени лица кои од страна на инспекцискиот орган се затекнати да работат спротивно на законот или одбијат работно ангажирање за вршење на јавни работи се бришат од евиденција.

Вчера беше донесен нов Закон за високо образование кој влева мала надеж за подобар образовен систем, чекор по чекор.

Министерката за образование и наука Рената Дескоска во своето обраќање до пратениците во Собранието рече дека посебен фокус е ставен на контролата на квалитетот во високото образование. 

Затоа досегашниот Одбор за акредитација и евалуација е поделен на две тела – посебно тело за евалуација на квалитетот на високото образование и посебно тело за акредитација. 

Вака ќе се обезбеди и контрола на акредитираните програми, со цел да се утврди дали акредитираните институции го обезбедуваат квалитетот што тие го предвиделе – рече Дескоска. 

Нов начин на студентско организирање, нови институции кои ќе ги мерат квалитетот и работата на високообразовните институции, повеќе надлежности се враќаат во рацете на професорите, односно наставно-научните совети, а слабее моќта на деканите и на ректорите. Ова се само дел од промените што ги носи.

Сакате да проверите дали сте правилно пријавени на вашето работно место? Следете ја постапката подолу. Најпрво, посетете ја страната на Агенцијата за вработување на Република Македонија и кликнете на е-Работа.

Во случај веќе да се регистрирани како корисник на е-Работа, внесете ја електронската адреса која сте ја регистрирале како корисничко име и лозинката за најавување во системот.

Ако сте правно лице, потребно е да поседувате валиден дигитален сертификат издаден од квалификуван издавач на дигитални сертификати. Може да се регистрираат само правни субјекти на кои им е доделен ЕМБС од страна на Централниот регистар на РМ.

За регистрација на физички лица не е потребен дигитален сертификат. Може да се регистрира секое лице за кое веќе постојан основни податоци во некоја од евиденциите на АВРМ.

Регистрација во туѓо име, со туѓи податоци и туѓи е-мејл адреси како корисничко име, претставува злоупотреба и е казнива по закон. Агенцијата за вработување не презема одговорност за злоупотреби од ваков тип.

Откако ќе се регистрирате, можете да симнете дигитална копија од вашиот тековен М1/М2 образец.