Директорката на скопската Клиника за Гинекологија, доктор Викторија Јовановска за „Фокус“ ги потврди информациите дека во последните три месеци во болницата починале 35 бебиња, што според неа, се исто така алармантни бројки.

Точно е дека во првите три месеци од 2018 година на клиниката починале 35 бебиња. Најчестите причини за зголемената смртност се недозреани бели дробови и сепса. Факт е дека смртноста мора да се намали. Досега се преземени мерки, но потребни се уште многу работи да се променат за да се намалат црните статистики – вели доктор Јовановска.

„Фокус“ објави дека на скопска Гинекологија за само три месеци починале повеќе од 35 новороденчиња, што е за 2,6 отсто помалку од истиот период лани.

На патот до успехот клучен фактор е самодовербата, а можеме да постигнеме многу само кога доволно веруваме во себе и во своите акции. Сите успешни жени имаат најразлични карактеристики, но има и 5 нешта кои се заеднички за нив.

1. Важно е да се има визија

Успехот се сведува на визија и на план. Што е она што навистина го сакаме? За што сонуваме?

Точно, соништата на сите ни се големи, но не значи дека сè треба да постигнеме преку ноќ. Поделете ги своите цели на неколку помали, па така ќе си го олесните патот кон нив.

2. Имајте ментор

Соништата сами по себе не се доволни. Често, разговор со лице кое веќе ги исполнило своите цели (или голем дел од нив), може многу да ви помогне со дискусија и совети. Најголемиот број успешни луѓе со задоволство би зборувале за својата професија или страст.

3. Најдете и вие ваша страст

Важно е да го сакате тоа што го работите. Откако ќе го одберете она што го сакате и ви е страст, нема да има сила која ќе ве запре.

4. Носете и тешки одлуки

Некогаш животот нè носи на пат кој значи дека ќе мора да се избира, било да се работи за селење, нова работа, за вложување на заштедените пари… Излезете од својот безбеден меур и размислете кои предности би ги имал ризикот, а потоа проценете ги последиците од вашата одлука.

5. Инвестирајте во себе

Научете се да се релаксирате, да бидете исполнети од активностите, да бидете инспирирани… Пристапете му на животот со страст и никогаш веќе нема да останете без енергија за секојдневните активности.

Мај е месец на неработни денови. Ќе имаме споен викенд кога 4 дена ќе одмараме.

Власите пак ќе имаат ден повеќе тој викенд.

На 24 мај четврток нема да се работи за Кирил и Методиј, а во петок, на 25 мај, нема да се работи за Духовден, што е уште еден продолжен викенд, и простор, заедно со четвртокот да се поврзат 4 неработни денови. На 23 мај пак е Национален ден на Власите.

За сите граѓани
• 1 мај (вторник), Ден на трудот,
• 24 мај (четврток) „Св. Кирил и Методиј“ Ден на сесловенските просветители

За граѓаните од православна вероисповед
• 25 мај (петок), Духовден, петок пред Духовден

За граѓаните припадници на влашката заедница во РМ
• 23 мај (среда), Национален ден на Власите.

Oд 15 мај годинава ќе бидат пуштени во оптек книжни пари изработени од полимер, во апоени од 10 и 50 денари.

Истовремено ќе се изврши и повлекување од оптек на книжните пари во апоени од 10 и 50 денари коишто се во оптек од 8 септември 1996 година, а се употребуваат и во моментов. Согласно со оваа одлука, на денот кога ќе бидат пуштени во оптек книжните пари во апоени од 10 и 50 денари, изработени од полимер, книжните пари со истата апоенска вредност, коишто се во оптек од септември 1996 година престануваат да бидат законско средство за плаќање. Нив, правните и физичките лица ќе можат бесплатно да ги заменат со други книжни и ковани пари со еквивалентен износ. Замената на книжните пари, од 15 мај годинава до 15 мај следната година, ќе ја вршат деловните банки основани во Република Македонија, а по овој период, замената ќе се врши во Народната банка.