Најди работа во Куманово!

Најнови огласи за работа во Куманово!

Куманово, како еден од поголемите градови во Македонија, нуди голем број можности за работа во различни индустрии. Без разлика дали сте млад професионалец, квалификуван работник, или студент кој бара прво работно искуство, пазарот на труд во Куманово нуди разновидни опции за сите профили на кандидати.

Моментално се отворени следниве работни позиции:

Продавач/Касиер (м/ж) - Доктор Рибар Куманово
Smart board representative
Лице за контакт центар (Call Center Agent)
Assistant Account Executive
Експерт за кредитирање во филијала - Куманово

Останатите работни позиции од Куманово можете да ги најдете ТУКА.

Се уште невработени?! Сите останати работни позиции можете да ги најдете ТУКА.

Прочитајте и за: Нови отворени позиции во Охрид!

Дали неискористениот годишен одмор пропаѓа на крајот на 2026 година?

Не дозволувајте да ви пропаднат деновите од годишниот одмор!

Крајот на годината е период кога многу вработени проверуваат колку денови од годишниот одмор им останале. Но, дали неискористените денови пропаѓаат на 31 декември или можат да се пренесат во следната година?

Според член 141 од Законот за работните односи, годишниот одмор по правило се користи во текот на календарската година, но може да се користи и во два дела. Работодавачот е должен да му овозможи на работникот да искористи најмалку 12 работни дена до крајот на тековната година, додека преостанатите денови може да се искористат најдоцна до 30 јуни наредната година.

Тоа значи дека неискористените денови од годишниот одмор за 2026 година, под законските услови, може да се искористат најдоцна до 30 јуни 2027 година.

Што ако не сте можеле да го искористите одморот поради боледување или породилно отсуство?

Законот предвидува посебна можност и за работниците кои не успеале да го искористат годишниот одмор поради боледување или повреда, породилно отсуство или отсуство за нега и чување на дете. И во овие случаи неискористениот одмор може да се искористи до 30 јуни наредната година.

Дали неискористениот годишен одмор може да се исплати во пари?

Годишниот одмор е законско право на работникот и не може едноставно да се замени со паричен надоместок додека трае работниот однос.

Исклучок постои при престанување на работниот однос: работникот има право на надоместок за неискористениот дел од годишниот одмор доколку претходно побарал да го користи, работодавачот не му го овозможил тоа, а работниот однос престанал не по негова вина и волја.

Затоа, доколку ви останале денови од годишниот одмор за 2026 година, проверете ја вашата евиденција и навреме договорете го нивното користење со работодавачот.

Тагови: боледувања годишен одмор Законот за работните односи работници работнички права

Словенија воведе задолжителен божиќен бонус од најмалку 740 евра за сите вработени

Нова законска мерка во Словенија: сите работодавачи ќе мора да исплатат зимски регрес, а минималниот износ е 740,94 евра.

Словенија воведе задолжителен зимски регрес, односно божиќен бонус, со што сите вработени годинава ќе имаат право на дополнителен надоместок од најмалку 740,94 евра. Мерката ја прави исплатата законска обврска за сите работодавачи, во период кога во многу земји пред празниците се исплаќаат бонуси или т.н. 13-та плата.

Износот на зимскиот регрес е врзан за минималната бруто-плата во земјата, која во 2026 година изнесува 1.481,88 евра. Според новото правило, бонусот е еднаков на половина од минималната бруто-плата. Право на целосниот износ ќе имаат работниците кои цела година работеле со полно работно време кај ист работодавач, додека за оние со пократок стаж или скратено работно време, исплатата ќе се пресметува пропорционално.

Работодавачите ќе мора да го исплатат зимскиот регрес во готовински износ најдоцна до 18 декември 2026 година. Иако и други земји во регионот практикуваат празнични исплати, Словенија се издвојува бидејќи овој надоместок сега е задолжителен за сите работодавачи, за разлика од Хрватска, каде божиќниот бонус зависи од колективни договори и одлуки на компаниите.

Тагови: божиќен бонус вработени Словенија

Нов начин на наплата на патарините во Македонија: Ќе се плаќа според поминатите километри

Без запирање, без колони и со поправедна цена — Македонија подготвува нов систем за електронска наплата на патарините, кој најпрво ќе стартува на Кичево – Охрид.

Македонија подготвува нов модел за наплата на патарини, според кој возачите ќе плаќаат точно онолку колку што поминале на автопат, без запирање на наплатните рампи и без чекање во колони. Министерството за транспорт работи на законско решение што треба да биде претставено во декември, а во неговата подготовка ќе бидат вклучени и европски експерти.

Според најавите на министерот Александар Николоски, новиот систем треба да донесе поправедна наплата, особено за возачите што користат пократки делници. Како пример беше посочена патарината кај Смоквица, каде што денес ист износ плаќаат и возачите што патуваат кратко и оние што минуваат значително подолга релација. Со новиот модел, цената ќе се пресметува според реално поминатата километража, што би значело и пониски трошоци за дел од граѓаните.

Првата примена на системот е планирана на автопатот Кичево – Охрид, кој според најавите треба целосно да биде пуштен во сообраќај во мај. Потоа, електронската наплата би можела постепено да се прошири и на другите автопатски делници во земјата. Иако сè уште нема точен датум за старт на новиот начин на наплата, властите очекуваат тој да придонесе за побрз сообраќај, помалку гужви и поголема безбедност на патиштата.

Тагови: Александар Николоски патарини