Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

ТАВ Аеродроми обезбедуваат интегрирани услуги во сите области на аеродромското работење и во глобални рамки управуваат со 91 аеродром во 26 земји. Како членка на групацијата ADP, ТАВ Аеродроми е дел од водечката платформа за управување со аеродроми на глобално ниво, којашто опслужи 218 милиони патници во 2019 година. Во Република Северна Македонија, ТАВ Аеродроми ги опслужуваат Меѓународен аеродром Скопје и „Свети Апостол Павле“ во Охрид.

Моментално вработува:

Техничар за машински инсталации
Техничар за електрични системи

ПроКредит е германска развојно ориентирана банка со присуство во Источна и Југоисточна Европа, посветена на поддржување микро, мали и средни претпријатија (ММСП) и физички лица, како и на поттикнување економски раст и одржлив развој.

Моментално вработува:

Стручен за управување со ризици

H&M е еден од водечките меѓународни модни брендови, познат по современа облека, обувки и модни додатоци за жени, мажи и деца. Брендот нуди разновидни модни колекции кои ги следат актуелните трендови, комбинирајќи стил, удобност и достапни цени. Со фокус на секојдневната мода и современиот начин на живот, H&M им овозможува на потрошувачите да го изразат својот личен стил во секоја пригода.

Моментално вработува:

Visual Merchandiser for our stores in Tetovo Palma Mall (40 hours per week)

Kolid Foods е една од водечките дистрибутивни компании за производи за широка потрошувачка во Македонија. Kolid Foods е основана во 1991 година како мала приватна компанија. Во 1994 година, Kolid Foods почна интензивно градење на својата дистрибутивна мрежа, која сега котира во најдобрите 5 дистрибутивни компании во Македонија.

Моментално вработува:

Унапредувач на продажба - Мерчендајзер
Административен работник – Скопје
Комерцијалист – Скопје
Службеник за сортирање - Мерчендајзер – Штип
Главен Магационер - Струмица

Нептун е најголемата малопродажна и дистрибутивна мрежа на производи од бела техника, апарати за домаќинство, ТВ/Аудио/Видео, компјутери, телефони, фото апарати и камери, производи за нега и убавина, ладење и греење, во Македонијa.

Моментално вработува:

Референт за продажба во Скопје
Референт за продажба во Битола

Интимисими откако е лансиран во 1996 година брендот Интимисими го освои пазарот за долна облека благодарение на својата спецфичност и стил, брзо станувајќи водечки бренд во својата индустрија.

Моментално вработува:

Асистент за продажба - Diamond Mall

Калцедониа е бутик за долна облека е долгогодишен италијански бренд кој што и го дава името на групацијата CALZEDONIA SPA, која ја претставува суштината и наследството на компанијата. Од 1986 година има можност да ги претставува најиновативните трендови во областа на хулахопките и костимите за капење, во секоја колекција, спојувајки квалитетна изработка,стил и пристапни цени.

Моментално вработува:

Асистент за продажба - City Mall

KFC еден од најголемите ланци на ресторани во светот и лидер во начинот на подготовка и послужување на пилешко!

Моментално вработуваат:

Административен асистент
Персонал за работа – Тетово
Менаџер на смена - Струга

Компанијата А1 Македонија е член на Групацијата А1 Телеком Австрија, водечки провајдер за комуникациски и дигитални решенија во Централна и Источна Европа.

Сите огласи на А1 Македонија можете да ги најдете ТУКА.

Зегин е првата приватна компанија во Република С. Македонија регистрирана за продажба на лекови.

Сите огласи на Зегин можете да ги најдете ТУКА.

Доколку се уште сте во потрага по вашето иеално работно место, сите останати активни огласи за вработување можете да ги најдете ТУКА.

Имате премногу задачи, роковите се преклопуваат, а новите обврски постојано пристигнуваат. Сепак, наместо да кажете дека не можете да постигнете сè, продолжувате да прифаќате работа за да не оставите впечаток дека не сте доволно посветени. Звучи познато?

Во многу работни средини, да се каже „имам премногу работа“ може да изгледа како признание дека некој не се справува добро со своите обврски. Затоа, вработените често молчат, остануваат подолго на работа и се обидуваат да стигнат до секој рок, дури и кога тоа значи дека нивниот ден нема доволно часови.

Но, да се укаже на преоптовареност не е жалење, туку професионална комуникација. Клучот е во начинот на кој ќе го започнете разговорот и во тоа дали ќе се фокусирате на проблемот или на решението.

Не чекајте да дојдете до точка на исцрпеност

Една од најчестите грешки е да се молчи сè додека ситуацијата не стане неодржлива. Вработениот се обидува сам да ги заврши сите задачи, го одложува одморот, работи прекувремено и се надева дека периодот со зголемен обем на работа наскоро ќе заврши.

Проблемот е што менаџерот можеби воопшто не е свесен колку обврски имате. Ако секогаш ги завршувате задачите навреме, дури и по дополнителни часови работа, можно е да добие впечаток дека моменталниот обем е сосема изводлив.

Затоа, подобро е да разговарате навреме, пред да почнат да страдаат квалитетот на работата, роковите и вашата концентрација. Не мора да чекате да се појави проблем за да побарате подобра распределба на обврските.

Зборувајте за приоритетите, а не само за бројот на задачите

Кога разговарате со шефот, обидете се да не се задржите само на реченицата „Имам премногу работа“. Иако е искрена, таа не му дава доволно информации за да разбере што точно треба да се промени. Наместо тоа, објаснете кои задачи ги имате, кои рокови се преклопуваат и што може да биде загрозено ако сите обврски останат приоритетни.

На пример, можете да кажете: „Во моментов работам на три задачи со блиски рокови, а денес добив и нова обврска. Сакам сите да бидат завршени квалитетно, па би сакал/а да се договориме која од нив има највисок приоритет.“

Со ваков пристап не одбивате да работите. Покажувате дека размислувате за резултатите и сакате реално да ги организирате обврските.

Користете конкретни примери наместо општи поплаки

Изјавите како „Постојано ми давате нови задачи“ или „Никој не разбира колку работа имам“ можат да го направат разговорот непријатен и да го насочат кон одбрана и обвинувања.

Многу поефикасно е да наведете конкретни ситуации. На пример: „Оваа недела имам две задачи со рок до петок, а за новиот проект е потребна дополнителна подготовка.“ „Ако ја преземам и оваа обврска денес, извештајот што го договоривме ќе мора да го испратам утре.“ „За да го задржам квалитетот на работата, би ми помогнало да одредиме што треба да се заврши прво.“

Фактите му помагаат на менаџерот да ја разбере ситуацијата без разговорот да звучи како лична критика.

Не велете само „не можам“, туку објаснете што е реално изводливо

Понекогаш навистина нема доволно време за сите задачи. Во таква ситуација, не мора да ветувате дека ќе завршите сè, а потоа да се обидувате да го исполните невозможното.

Наместо категорично одбивање, понудете реални можности.

На пример: „Можам да ја преземам и оваа задача, но тогаш ќе треба да го поместиме рокот за другата. Која опција ви одговара повеќе?“ Или: „За да ја завршам задачата квалитетно, ќе ми треба дополнително време. Дали можеме да го прилагодиме рокот или дел од другите обврски да ги пренасочиме?“

На овој начин му оставате простор на шефот да одлучи за приоритетите, наместо сами да преземате одговорност за обем на работа што не може реално да се заврши во дадениот рок.

Избегнувајте да се оправдувате за секоја минута од денот

Не мора да докажувате дека сте преоптоварени со детално објаснување за секоја задача, секој состанок и секој час поминат на работа.

Доволно е јасно да ги претставите обврските, роковите и ограничувањата. Професионалноста не значи дека секогаш мора да бидете достапни или дека треба да прифатите секое барање без прашање.

Исто така, обидете се да избегнувате разговор во момент на голема нервоза. Ако сте под притисок, запишете ги обврските и подгответе неколку конкретни точки што сакате да ги кажете. Така полесно ќе останете смирени и фокусирани.

Што ако шефот постојано додава нови задачи?

Еден разговор можеби нема да биде доволен, особено ако преоптовареноста е долгорочна, а не само резултат на неколку напорни денови.

Ако постојано добивате нови обврски без да се отстранат или одложат постојните, важно е да укажете на образецот, а не само на поединечниот случај.

Можете да кажете: „Забележувам дека во последните неколку недели редовно добивам дополнителни задачи покрај договорените обврски. Сакам да продолжам да придонесувам, но мислам дека треба да го разгледаме обемот на работа и да договориме поодржлив начин за поставување приоритети.“

Ако ситуацијата не се менува, водете евиденција за задачите, роковите и дополнителните часови, доколку ги има. Тоа може да ви помогне во понатамошен разговор со менаџерот или со човечките ресурси.

Важно е и да знаете дека не секој проблем со обемот на работа може да се реши само со подобра организација. Понекогаш се потребни појасни одговорности, поинаква распределба на задачите или дополнителни ресурси.

Не заборавајте: границите не ве прават помалку посветени

Постои разлика меѓу вработен кој не сака да преземе одговорност и вработен кој сака да ја заврши работата добро, но има реални ограничувања во однос на времето и капацитетот.

Кога отворено комуницирате за обемот на работа, му давате можност на менаџерот да донесе подобри одлуки. Воедно, го намалувате ризикот од пропуштени рокови, грешки и долготрајна исцрпеност.

На крајот, не е ваша обврска секогаш да најдете начин да направите повеќе со помалку време. Ваша обврска е да работите одговорно, да комуницирате навреме и реално да ги претставите можностите и ограничувањата.

Добриот вработен не е оној што никогаш не кажува дека има премногу работа, туку оној што знае да разговара за проблемот пред тој да влијае врз резултатите. А добриот менаџер знае дека слушањето на ваквите сигнали не е знак на слабост во тимот, туку можност навреме да спречи поголем проблем.

Прочитајте и за: Може ли еден успешен вработен да ја наруши целата работна атмосфера?

Тагови: совети за работа

Пет години шопинг, дружење, забава и незаборавни спомени се повод за голема прослава! На 7 и 8 ноември 2026 година, East Gate Mall го слави својот петти роденден со „Роденденска џунгломанија“ – тематски викенд што ќе го претвори трговскиот центар во разигран свет на џунглата, исполнет со музика, наградна игра и многу изненадувања за посетителите од сите генерации.

East Gate Mall слави 5 години со „Роденденска џунгломанија“ – два дена забава, музика и изненадувања!

Во изминатите пет години, East Gate Mall прерасна во многу повеќе од најголемиот шопинг-центар во земјата. Денес, тој е урбана дестинација што ги обединува светските брендови, современите искуства и секојдневниот живот на илјадници посетители. Пет години шопинг, дружење и заеднички спомени се одличен повод за прослава што ќе го претвори роденденскиот викенд во вистинска авантура.  

Овој роденден носи поинакво доживување, East Gate Mall ги повикува посетителите да се впуштат во светот на животните и да уживаат во два дена исполнети со насмевки, забава и незаборавни моменти. Со тематски декорации и програма за сите генерации, роденденската „Џунгломанија“ ветува доживување за паметење. Роденденскиот викенд ќе започне со утринска програма за најмладите и нивните семејства. Децата ќе имаат можност да се дружат со Војо и животните, да уживаат во едночасовниот концерт на Дарко Биберко и да го надополнат својот џунгла-изглед со face painting. Попладневната забава продолжува со DJ Bono, кој ќе се погрижи за музиката и одличната роденденска атмосфера.

А бидејќи роденденот е уште поубав кога носи и подароци, посетителите ќе можат да се вклучат и во специјалната роденденска наградна игра. Со сметка во вредност над 1.000 денари, направена на 7 или 8 ноември, купувачите ќе добијат можност да учествуваат во извлекувањето за семејно патување во Берлин и посета на една од најголемите зоолошки градини во Европа.

Петтиот роденден е потсетник на сите моменти што East Gate Mall ги споделува со своите посетители уште од отворањето, но и повод за создавање нови заеднички спомени. На 7 и 8 ноември, посетителите ќе бидат дел од роденденска авантура поинаква од сите досега – „Роденденска џунгломанија“, со два дена исполнети со музика, забава и изненадувања за сите генерации. Затоа што пет години заедно заслужуваат прослава што ќе се памети!

Тагови: ЕАСТ ГАТЕ МАЛЛ ДОО

Променливо облачно време, со повремени локални и слаби врнежи од дожд. Ќе дува слаб до умерен ветер од северен правец.

Во Скопје ќе преовладува облачно време, а во одделни делови од котлината се очекува повремена појава на слаб дожд. Ветерот ќе биде од северен правец, со слаб до умерен интензитет.

Временска прогноза за Скопје. За другите градови кликни ТУКА.

30.10.2026 Петок   11° / 16° 07:03   17:36

31.10.2026 Сабота   10° / 14° 07:04   17:35

1.11.2026 Недела   9° / 10° 07:05   17:33