ПроКредит е германска развојно ориентирана банка со присуство во Источна и Југоисточна Европа, посветена на поддржување микро, мали и средни претпријатија (ММСП) и физички лица, како и на поттикнување економски раст и одржлив развој.
Стани следното дополнение на нашиот тим како Стручен за управување со ризици и придонеси кон навремено идентификување, следење и управување со ризиците на кои е изложена Банката.
Клучни одговорности:
- Следење и анализа на ризичниот профил на Банката, со фокус на ликвидносниот, пазарниот, оперативниот и останатите релевантни ризици.
- Следење на интерните и регулаторните лимити, индикаторите за ризик и праговите за рано предупредување, како и навремено идентификување и комуницирање на потенцијални отстапувања.
- Подготовка, анализа и презентација на редовни извештаи од областа на управување со ризици за потребите на Банката, Групацијата, регулаторните тела и органите на управување.
- Спроведување на стрес-тестирања и сценарио анализи, анализа на ризични настани и проценка на влијанието на различни ризик фактори врз работењето на Банката.
- Следење и анализа на изложеноста кон банки и земји, вклучително анализа на финансиски показатели, кредитни рејтинзи и други релевантни фактори на ризик.
- Учество во унапредување на рамката за управување со ризици, вклучително ревидирање на методологии, политики и процедури, подготовка на планови и извештаи и следење на реализацијата на препораките на релевантните тела.
Потребни квалификации:
- Завршено високо образование од областа на економија, финансии, банкарство, сметководство или друга сродна област.
- Претходно работно искуство во областа на управување со ризици.
- Развиени аналитички способности и способност за работа со поголем обем на финансиски и квантитативни податоци.
- Разбирање на финансиски извештаи и клучни финансиски показатели.
- Прецизност, систематичност и внимание на детали, со способност за почитување на дефинирани рокови.
- Напредно познавање на MS Excel и останатите алатки од MS Office пакетот.
- Одлично познавање на англиски јазик.
Што нудиме:
- Меѓународна компанија со пријатна и отворена работна атмосфера.
- Тимска соработка и култура која охрабрува проактивност и иновативни идеи.
- Континуиран личен и професионален развој.
- Рамна хиерархија и брзи процеси на одлучување.
- Флексибилно работно време (08:00 – 09:00).
Ги охрабруваме сите заинтересирани кандидати да аплицираат на линк: ProCredit Bank - Апликација за вработување.