За многу млади професионалци, унапредувањето во менаџерска позиција повеќе не претставува автоматски чекор кон успех. Наместо поголема плата, престиж и можност за напредување, дел од нив во менаџерската улога гледаат повеќе стрес, поголема одговорност и значително поголем обем на работа.

Трендот покажува дека новите генерации вработени сè почесто го преиспитуваат традиционалниот кариерен пат од вработен, преку тим лидер, до менаџер. За нив, професионалниот успех не се мери единствено преку позицијата во организациската структура, туку и преку балансот меѓу работата и приватниот живот, флексибилноста и менталната благосостојба.

Повеќе одговорност, но и повеќе притисок

Менаџерската позиција подразбира носење одлуки, управување со тимови, решавање конфликти, следење резултати и одговарање пред повисокото раководство. Во многу компании, дополнителната одговорност доаѓа и со повеќе состаноци, подолги работни часови и постојана достапност.

За младите работници, токму ова е една од причините поради кои размислуваат двапати пред да прифатат унапредување. Наместо прашањето „Колку ќе заработувам како менаџер?“, сè почесто се поставува прашањето „Што ќе треба да жртвувам за да станам менаџер?“

Не секој сака да биде шеф

Современиот кариерен развој постепено се оддалечува од идејата дека секој успешен професионалец мора да стане менаџер. Многу млади сакаат да се развиваат како експерти во својата област, да стекнуваат нови знаења и да преземаат интересни проекти – без нужно да управуваат со тим.

Ова значи дека компаниите треба да размислуваат за алтернативни патеки за кариерен развој, каде што вработените можат да напредуваат и финансиски и професионално без единствената опција да биде раководна функција.

Што значи ова за работодавачите?

Одбивањето на менаџерска позиција не треба автоматски да се толкува како недостаток на амбиција. Напротив, може да биде сигнал дека вработените бараат поздрав и поодржлив начин на развој. Компаниите кои сакаат да ги задржат младите таленти ќе треба да понудат подобра поддршка за идните менаџери, реално дефиниран обем на работа, јасни очекувања и можност за делегирање на одговорностите.

Исто така, важно е унапредувањето да не значи едноставно „повеќе задачи за повисока позиција“, туку вистинска промена во улогата, со соодветни ресурси, обука и поддршка.

Новата дефиниција на кариерен успех

За младите генерации, успешната кариера сè помалку се сведува само на титулата. Да се биде успешен денес може да значи да имаш добра плата, можност за развој, автономија, флексибилност и доволно време за живот надвор од работата.

Токму затоа, иднината на менаџментот можеби нема да биде во тоа како да ги убедиме младите да станат менаџери, туку како да создадеме менаџерски позиции што младите навистина ќе сакаат да ги прифатат.

Прочитајте и за: Годишен одмор за спиење? Речиси половина од миленијалците избираат да останат дома

Тагови: HR трендови вработени млади

Почетокот на прво одделение е голем настан и за детето, и за родителите. Покрај тетратките, боичките и училишниот прибор, еден од најважните избори е ранецот. Но, што е подобро за едно прваче: класичен ранец што се носи на грб или ранец со тркала што може да се влече?

Одговорот зависи од неколку фактори тежината, растојанието до училиштето, начинот на транспорт и навиките на детето.

Класичен ранец - практичен и лесен за движење

Класичниот ранец е најчестиот избор за учениците. Неговата најголема предност е што му овозможува на детето слободно да се движи, да се качува по скали, да трча и лесно да се снаоѓа во училишниот простор.

При изборот, важно е ранецот да има:

• Широки и добро подложени ремени;
• Можност за прилагодување;
• Цврст и стабилен грб;
• Повеќе прегради за подобра распределба на тежината;
• Полемина соодветна на висината на детето.

Дополнителен плус е тоа што тежината се распределува на двете рамена, наместо детето постојано да влече товар зад себе.

Ранец со тркала - помал товар на грбот

Ранецот со тркала може да биде практично решение доколку детето секојдневно носи поголема количина книги и прибор.

Неговата главна предност е очигледна детето не мора целата тежина да ја носи на грб, туку може да го влече ранецот.

Сепак, има и недостатоци. На скали, нерамни тротоари или преполни училишни ходници, ранецот со тркала може да биде потежок за маневрирање. Дополнително, самиот механизам со тркалата и рачката додава тежина на ранецот.

Па, кој да го изберете?

Ако детето има краток пат до училиште, користи автобус или автомобил и нема многу тежок прибор, квалитетен класичен ранец може да биде одличен избор.

Ако, пак, детето често носи потежок ранец и има можност да го влече по рамна површина, моделот со тркала може да биде практична алтернатива.

Совет за родителите

Не избирајте ранец само затоа што е убав или има омилен лик на детето. Пробајте го пред да го купите. Ставете малку тежина во него, наместете ги ремените и проверете дали детето може удобно да го носи и да се движи со него.

И уште нешто важно: најскапиот ранец не значи автоматски и најдобар ранец. За прваче најважни се удобноста, соодветната големина, издржливоста и практичноста.

Мал совет: Вклучете го детето во изборот. Вие проверете ги квалитетот и практичноста, а оставете му да ја избере бојата или дизајнот. Така ранецот ќе биде и функционален и навистина „негов“.

Тагови: ранец со тркала класичен ранец прваче

За многумина годишниот одмор не значи авионска карта, плажа или туристичка авантура. Понекогаш најголемиот луксуз е едноставно да не правите ништо.

Анкета спроведена од американската компанија Amerisleep, во која учествувале повеќе од 1.200 Американци, покажала интересен тренд кај миленијалците. Дури 43% од испитаниците од оваа генерација изјавиле дека годишниот одмор го искористиле за да останат дома, да се одморат во кревет и конечно да се наспијат.

Наместо патувања, планови и активности, за дел од вработените идеалниот одмор е токму спротивното – без аларм, без состаноци, без рокови и без обврска денот да биде исполнет со активности.

Одмор што навистина ни е потребен

Овој тренд отвора и пошироко прашање за начинот на кој современите вработени го доживуваат одморот. Ако првите денови од годишниот одмор ги поминуваме во спиење и целосна неактивност, тоа може да биде знак дека во секојдневието сме акумулирале значителен замор.

Од HR перспектива, одморот не треба да се гледа само како можност за патување или за создавање нови спомени. Неговата основна цел е вработениот да се оддалечи од работните обврски, да го обнови својот капацитет и да се врати со повеќе енергија.

Затоа, ако вашиот идеален годишен одмор оваа година е пижами, омилената серија и осум или девет часа непрекинат сон можеби токму тоа ви било потребно.

А вие? Дали годишниот одмор го користите за патување и авантури или едвај чекате да останете дома и да се наспиете?

Прочитајте и за: Кога вработен ќе слушне дека го критикуваат шефот: Како треба да реагира HR?

Тагови: HR трендови миленијалци

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

KFC еден од најголемите ланци на ресторани во светот и лидер во начинот на подготовка и послужување на пилешко.

Моментално вработува:

Менаџер на смена – Окта
Персонал за работа – Окта
Менаџер на смена – Струга
Персонал за работа – Струга
Менаџер на смена - нас. Ново Лисиче
Персонал за работа - нас. Ново Лисиче
Персонал за работа - Битола

Макпетрол е една од водечките компании во Македонија во областа на нафтената индустрија и енергетиката. Компанијата е препознатлива по својата широка мрежа на бензински станици, продажбата и дистрибуцијата на горива, како и по понудата на производи и услуги наменети за индивидуални и деловни корисници.

Моментално вработува:

Готвач/ка во хотел Макпетрол Струга

H&M е глобален моден бренд со динамична и интернационална работна средина, кој на своите вработени им нуди можности за професионален развој, учење и градење кариера во светот на модата и трговијата.

Моментално вработува:

Советник за продажба - City Mall

Од 1994 година ДУНА е водечка команија присутна во бизнис секојдневието во Македонија. Со канцеларии и во Албанија и Србија. Со успешни проекти и во Косово. Посветено работиме на нашата мисија која започна во раните 90ти години, технологијата да биде присутна во сите сегмнети на индустријата, образованието, бизнисот и на целокупното општествено делување.

Моментално ваработува:

Service Specialist – мултифункциски уреди

Авицена Лабораторија е сертифицирана и акредитирана медицинска лабораторија, посветена на обезбедување висококвалитетни лабораториски услуги и сигурни резултати. Со современа опрема, стручeн кадар и примена на меѓународни стандарди, Авицена нуди широк спектар на лабораториски анализи и услуги, со фокус на точноста, професионалноста и грижата за пациентите.

Моментално вработува:

Хигиеничар/ка

Рамстор Македонија е една од водечките малопродажни синџири во земјата. Од своето основање во 2005 година, компанијата постојано расте и денес располага со широка мрежа на супермаркети и трговски центри низ цела Македонија.

Сите огласи од Рамстор Македонија можете да ги најдете ТУКА.

Вдл Бус Македонија Дооел, белгиски реномиран производител на автобуси, лоциран во Технолошко Индустриската Развојна Зона – Скопје 2, во Бунарџик/Илинден.

Сите огласи од Вдл Бус Македонија можете да ги најдете ТУКА.

Компанијата А1 Македонија е член на Групацијата А1 Телеком Австрија, водечки провајдер за комуникациски и дигитални решенија во Централна и Источна Европа.

Сите огласи од А1 Македонија можете да ги најдете ТУКА.

Зегин ДОО е првата приватна компанија во Република С. Македонија регистрирана за продажба на лекови.

Сите огласи од Зегин можете да ги најдете ТУКА.

Се уште невработени?! Сите останати активни работни позиции можете да ги најдете ТУКА.