Почнува изградбата на најсложениот и најтешкиот автопат кој на мало растојание од само 10.5 километри ќе има бројни тунели, вијадукти, мостови, галерии на комплексен ридско-планински терен кој ќе биде предизвик и за проектантите и изведувачите, изјави директорот на Јавното претпријатие Коце Трајановски на денешното поставување на камен темелник за започнување на изградбата на втората фаза на автопатот Скопје-Блаце.

Денес не поставуваме само камен-темелник на еден автопат, туку поставуваме темел за побрза, побезбедна и посилно поврзана Македонија со соседите, регионот и Европа. Со отпочнувањето на изградбата на автопатот Скопје – Блаце, од клучката Стенковец до граничниот премин Блаце, во должина од околу 10,5 километри, правиме значаен исчекор кон заокружување на оваа стратешка регионална врска. Со изборот на „Гранит“ за изведувач се создадоа конкретни услови за поставување на овој камен-темелник. Оваа инвестиција е особено значајна затоа што не поврзува со пристаништето во Драч, со Албанија, Црна Гора и Србија преку Косово, рече Трајановски.

Тој уште рече дека финансирањето е обезбедено преку заем од Европската банка за обнова и развој во висина од 167,6 милиони евра, грант од Рамката за инвестиции за Западен Балкан од 30,82 милиони евра, средства од буџетот на ЈПДП за експропријација, како и грант средства за проектантите Hill International и ADT Omega.

Трајановски во својот говор се осврна и на техничките карактеристики на автопатот кој ќе има две коловозни ленти, секоја со по две сообраќајни ленти и лента за застанување, со вкупна ширина од околу 27,5 метри.

Ова е најсложениот и најтешкиот автопат кој на мало растојание од само 10.5 км ќе има бројни тунели, вијадукти, мостови, галерии и кој ќе биде предизвик и за проектантите и изведувачите.  Поради сложениот ридско-планински терен, проектот предвидува изградба на: 5 тунели со лева и десна цевка, 8 мостови, 11 потпатници, 4 галерии, 9 потпорни ѕидови. Рокот на изградба е 4 години, рече Трајановски.

Тагови: автопат Скопје-Блаце

Зегин ДОО е првата приватна компанија во Република С. Македонија регистрирана за продажба на лекови. Една од најуспешните и најголемите компании кај нас, со најдобра инфраструктура и најголема дистрибутивна мрежа.

Одговорно лице за основни средства
Овластен сметководител
IT Project Manager/Scrum Master
Лепач на декларации
Хигиеничар/ка во магацин - Маџари

Останатите огласи од Зегин ќе ги најдете ТУКА.

Се уште невработени?! Останатите огласи можете да ги најдете ТУКА.

Тагови: Зегин ДОО Скопје

На панел-дискусијата „AI & DATA REVOLUTION“, во рамките на дводневниот настан во Семос Академии, KARIERA.mk учествуваше во разговорот за едно од најактуелните прашања на современиот пазар на труд: како вештачката интелигенција, податоците и новите вештини ја менуваат иднината на кариерата?

Како платформа која оваа година одбележува 10 години постоење, KARIERA.mk има директен увид во промените што се случуваат на пазарот на трудот и од перспективата на компаниите и од перспективата на кандидатите.

Од платформа за огласи до целосен кариерен екосистем

KARIERA.mk денес не е само место каде што се објавуваат огласи за работа. Во текот на изминатите 10 години, платформата прерасна во екосистем кој ги поврзува луѓето, компаниите, знаењето и кариерните можности. Нашата мисија отсекогаш била да бидеме мост помеѓу талентите и компаниите, но денес тој мост е многу поширок.

Една од клучните теми на дискусијата беа вештините што кандидатите треба да ги развиваат за да останат конкурентни во услови на брзи технолошки промени. Она што го покажуваат секојдневните огласи за работа е јасно: дипломата и работното искуство повеќе не се единствените критериуми.

Во согласност со промените на пазарот, KARIERA.mk активно инвестира во развој на технологии кои ќе го направат процесот на вработување поефикасен. Еден од резултатите на оваа насока е Kariera AI локално развиено AI решение за HR процеси. Системот овозможува анализа на CV-ата според релевантни критериуми како образование, работно искуство, вештини, квалификации и seniority, со цел компаниите полесно да добијат преглед и да ги рангираат кандидатите според барањата на конкретната позиција.

Развојот на KARIERA AI не е насочен само кон компаниите. Една од важните насоки е технологијата да им помогне и на кандидатите преку насоки за подобрување на CV-то, подобро претставување на искуството и вештините и поголема релевантност на нивната апликација за конкретната работна позиција.

Како следен чекор, KARIERA.mk го развива и Kariera Hub, систем кој ќе овозможи полесно следење и управување со различните фази од процесот на вработување од селекција на кандидати и први интервјуа, до коментари, белешки, состаноци и следни чекори.

Исто така продуктот HR Scanner како алатка беше дел од овој разговор. Во современиот HR свет, податоците стануваат сè поважни за донесување стратешки одлуки. Токму во оваа насока, преку соработката со Pikasa AI, KARIERA.mk разви решение кое овозможува анализа и следење на конкуренцијата од аспект на нејзиното вработување. Компаниите можат да следат што се случува во нивната индустрија според различни параметри од градови и временски периоди до типови на позиции.

Тоа овозможува подобро разбирање на пазарот: кои позиции се најбарани, каде постои недостиг на кадар, какви се трендовите во индустријата и каде треба да се насочи HR стратегијата.Со други зборови, податоците повеќе не се само статистика тие стануваат основа за подобро планирање.

Од образование до реална кариера: партнерството со Семос Едукација

Посебен дел од разговорот беше посветен и на соработката помеѓу KARIERA.mk и Семос Едукација. Партнерството претставува природно продолжение на заедничката цел да им се помогне на луѓето полесно да го направат чекорот од стекнатото знаење до реална кариера.

За студентите на Семос Академиите, образованието не завршува со сертификатот

Преку MojaKARIERA, студентите добиваат дополнителна поддршка во процесот на барање работа. По завршувањето на Академијата, преку активирање на MojaKARIERA PRO картичката, нивното CV може да добие дополнителна видливост пред компаниите и да биде препорачано до релевантни работодавачи.

Така се создава вистински кариерен мост. Семос Едукација го обезбедува знаењето и практичните вештини, а KARIERA.mk помага тие знаења да се претворат во реална кариерна можност. Иднината на кариерата е комбинација од човек и технологија. Главната порака од панел-дискусијата „AI & DATA REVOLUTION“ е дека иднината на работата не е едноставно приказна за технологијата. Таа е приказна за луѓето кои знаат како да ја користат технологијата.

AI ќе менува професии, процеси и начини на работа. Но, компаниите и понатаму ќе имаат потреба од луѓе кои размислуваат критички, комуницираат, создаваат, решаваат проблеми и се подготвени да учат.

Токму затоа KARIERA.mk продолжува да инвестира во технологии, партнерства и решенија кои ќе го направат патот од знаење до вработување пократок, поедноставен и поефикасен.

По 10 години, приказната за KARIERA.mk не завршува. Напротив започнува нова ера во која знаењето, вештините, податоците и вештачката интелигенција заедно ја креираат иднината на кариерата.

Тагови: AI HR Scanner Kariera.AI Кариера Онлајн

Првите неколку минути од интервјуто можат да имаат големо влијание врз целокупниот впечаток што ќе го оставите. Иако регрутерите не донесуваат одлука исклучиво врз основа на првиот впечаток, во почетокот на разговорот често забележуваат одредени детали кои им помагаат да проценат како комуницирате, колку сте подготвени и дали сериозно сте заинтересирани за позицијата.

Еве 5 работи на кои регрутерите често обрнуваат внимание.

1. Како го започнувате разговорот

Начинот на кој се поздравувате, вашата комуникација и првите неколку реченици можат да кажат многу за вашата самодоверба и професионалност.

Не станува збор за тоа да звучите совршено или формално, туку да бидете љубезни, присутни и природни. Едноставно „Добар ден, мило ми е што се запознавме“ и сигурен настап се сосема доволни за добар почеток.

2. Дали сте подготвени за интервјуто

Регрутерот може многу брзо да забележи дали сте одвоиле време да се информирате за позицијата. Доколку знаете со што се занимава компанијата, што подразбира работното место и можете да објасните зошто сте заинтересирани, покажувате дека не сте аплицирале случајно.

Подготовката испраќа порака дека ја цените можноста.

3. Како комуницирате

Не е важно само што кажувате, туку и како го кажувате. Регрутерите обрнуваат внимание дали ги слушате прашањата, дали одговарате јасно и конкретно и дали знаете да објасните нешто без да се изгубите во премногу детали.

Не мора да имате совршени одговори. Важно е комуникацијата да биде природна и професионална.

4. Дали покажувате вистински интерес

Еден од најчестите знаци дека кандидатот не се подготвил доволно е кога не знае зошто ја сака конкретната позиција. Ако можете да објасните што ве привлекло кај работното место, компанијата или можноста за развој, регрутерот полесно ќе разбере дека имате реален интерес.

И не заборавајте – интервјуто е двонасочен разговор. Поставувањето релевантни прашања на крајот покажува дека и вие се обидувате да дознаете дали позицијата ви одговара.

5. Вашиот став и професионален однос

Самодовербата, почитта и начинот на кој зборувате за претходните работодавачи и колеги можат да остават силен впечаток.

Дури и ако сте имале негативно искуство на претходното работно место, избегнувајте навреди и непотребно негативен тон. Наместо тоа, фокусирајте се на тоа што сте научиле и што барате во следната професионална средина.

А што не треба да заборавите?

Првите пет минути се важни, но не се единствениот фактор што одлучува дали ќе ја добиете работата. Можеби сте нервозни, ќе ви треба време да се опуштите или нема да одговорите совршено на првото прашање. Тоа е нормално. Наместо да се обидувате да оставите „совршен впечаток“, фокусирајте се на тоа да бидете подготвени, професионални и автентични.

Интервјуто не е испит на кој мора да дадете совршени одговори. Тоа е разговор во кој и вие и работодавачот се обидувате да процените дали сте добар избор еден за друг. Затоа, подгответе се добро, слушајте внимателно, покажете интерес и не заборавајте дека и вие имате право да поставувате прашања.

Прочитајте и за: Зошто луѓето остануваат во компании во кои не се задоволни?

Тагови: интервју за работа совети за работа