Од денес во сила се нови, построги правила за управување со електрични тротинети, предвидени со измените на Законот за безбедност на сообраќајот на патиштата. Надлежните велат дека целта е да се зголеми безбедноста и на возачите на лесни електрични возила и на другите учесници во сообраќајот.

Според новите одредби, електричен тротинет ќе може да управува само лице кое има наполнето 18 години, наместо досегашната граница од 14 години. Максималната дозволена брзина останува 20 km/h на велосипедски патеки и ленти, додека на тротоари, пешачки и мешани патеки е ограничена на 6 km/h. При преминување коловоз или пешачки премин, ако нема велосипедска патека или лента, возачот е должен да слезе и да го турка тротинетот.

Новина е и забраната за превезување друго лице на тротинет, при што во случај на прекршок ќе бидат санкционирани и возачот и патникот. Заштитниот шлем е задолжителен за сите, а и понатаму важи обврската за носење рефлектирачки елек во услови на намалена видливост и ноќе. За дел од прекршоците, покрај парични казни, предвидено е и привремено одземање на тротинетот во траење од 30 дена. Ако прекршок стори дете, одговорноста ќе ја сносат родителите или старателите.

Тагови: закон Сејф сити - Безбеден град тротинет

Првиот локално развиен и целосно независен AI модел за HR процеси носи нов стандард во регрутацијата

Пронаоѓањето на вистинскиот кандидат никогаш не било поважно  ниту покомплексно.

Компаниите секојдневно добиваат десетици, па и стотици CV-а, апликации и профили од различни канали. HR тимовите треба брзо да препознаат кој кандидат има вистинско искуство, вистински вештини и вистински потенцијал за конкретната позиција.

Во време кога пазарот на труд се движи побрзо од кога било, класичната регрутација повеќе не е доволна.

Затоа го создадовме Kariera AI,  паметна алатка базирана на вештачка интелигенција, создадена да ја направи регрутацијата побрза, појасна, поефикасна и потранспарентна.

Паметна селекција. Подобар преглед. Побрзи HR одлуки.

Kariera AI автоматски ги анализира биографиите и ги препознава најважните информации: образование, работно искуство, технички вештини, квалификации, seniority ниво и други релевантни параметри.

Наместо рачно прегледување на голем број апликации, HR тимовите добиваат јасна слика за тоа кои кандидати најмногу одговараат на конкретната позиција.

Алатката ги рангира кандидатите според барањата на огласот и критериумите поставени од компанијата, овозможувајќи побрза селекција и посигурна основа за носење кадровски одлуки.

Еден систем за сите кандидати

Kariera AI овозможува сите кандидати да бидат разгледани на едно место.

Покрај апликациите пристигнати преку платформата, компаниите можат да додадат и CV-а добиени преку е-пошта, препораки или други канали. Така, сите кандидати се анализираат според исти критериуми, без разлика од каде пристигнала нивната апликација.

Тоа значи подобра организација, поголема транспарентност и појасен увид во целиот процес на селекција.

Подобри огласи за подобри кандидати

Kariera AI не помага само при изборот на кандидати. Алатката дава и паметни препораки за подобрување на огласите за работа.

Системот може да укаже кои информации недостасуваат, што треба да се дополни и како описот на позицијата да биде појасен, поконкурентен и попривлечен за кандидатите.

Ова е особено важно денес, кога квалитетните кандидати не избираат само работно место, туку и компанија која јасно комуницира што нуди, какви услови обезбедува и каков профил бара.

Локален AI модел. Локална инфраструктура. Целосна контрола на податоците.

Ова решение не е создадено преку ноќ.

Целиот процес се развивал со години, преку практично искуство, анализа на реалните потреби на компаниите и континуирана работа на дигитализација на HR процесите.

Во соработка со Pikasa, развивме локален AI модел кој работи на локална инфраструктура. Тоа значи дека личните податоци не се изнесуваат надвор од екосистемот на Кариера и Pikasa, не се споделуваат со AI модели на интернет и не се користат надвор од контролираното локално окружување.

Со Kariera.AI поставуваме нов стандард во дигитализацијата на HR и регрутациските процеси  прв локално развиен и целосно независен AI модел, создаден според потребите на домашниот пазар, а во чекор со глобалните технолошки трендови.

AI што му помага на HR тимот – не го заменува.

Kariera AI не ја заменува човечката проценка. Напротив, ја зајакнува.

Вештачката интелигенција во HR индустријата не значи помалку човечност. Таа значи повеќе време за вистинска проценка, подобра комуникација со кандидатите и попаметни одлуки.

Работодавачите добиваат побрза селекција, подобар преглед на апликациите и поефикасен процес. HR тимовите добиваат повеќе време за интервјуа, комуникација и проценка. Кандидатите добиваат поголема можност нивните вештини, искуство и потенцијал да бидат правилно препознаени.

Паметното вработување започнува тука

Со Kariera AI ја отвораме новата ера на регрутацијата.

Побрза. Попрегледна. Попаметна.

Иднината на вработувањето веќе не е далечна визија. Таа започнува со локално развиени решенија, паметни алатки и подобро поврзување на компаниите со вистинските луѓе.

Kariera AI е новиот стандард за модерна, одговорна и паметна регрутација.

Тагови: HR аналитика Kariera.AI Pikasa Analytics вештачка интелигенција човечки ресурси

Државната администрација нуди одлични можности за работа и кариера, а порталот KARIERA.mk е идеално место за најдобрите кандидати да ги пронајдат огласите за отворените позиции. 

На платформата ќе најдете различни работни места во јавниот сектор, од најниските до највисоките позиции во разни министерства, агенции и други државни институции.

Моментално отворени позиции:

Советник - Внатрешен ревизор, Одделение за внатрешна ревизија

Советник инспектор - Градежен инспектор, Одделение за инспекциски надзор - Инспекторат

Помлад соработник за администрирање и утврдување на даноци, Одделение за финансиски прашања

Помлад даночен извршител за централизирани активности за наплата на долгови, Оддел за планирање и мониторинг и централизирани активности за наплата на долгови, Сектор за наплата и управување со долгови, Директорат за управување со даночни функции и развој на даночни програми, Генерална дирекција

Виш соработник за спроведување на постапките за јавни набавки, Одделение за спроведување на постапките за јавни набавки, Сектор за јавни набавки

Сите останати позиции за во државна администрација можете да ги најдете ТУКА.

Тагови: државна администрација

Најновото истражување на Alma Career покажува дека вработените во државните институции во просек имаат 22,7 дена годишен одмор, додека оние во домашните приватни компании располагаат со 20 дена. Просекот во Македонија изнесува 20,54 дена, но многумина сметаат дека тоа не е доволно и би сакале да имаат дури 30 дена одмор годишно.

Истражувањето открива и загрижувачки тренд: 41 отсто од испитаниците велат дека за време на годишниот одмор се секогаш или често достапни за своите претпоставени. Тоа значи дека одморот за голем дел од работниците не претставува вистинско исклучување од работните обврски, туку продолжување на комуникацијата со шефовите дури и додека се на плажа.

Податоците потврдуваат дека слободното време станува сè поважен бенефит на пазарот на трудот. Дури 22 проценти од испитаниците би прифатиле дел од покачувањето на платата да го заменат за повеќе денови одмор, а уште 44 проценти велат дека би ја разгледале таа можност. Според Alma Career, дополнителните денови одмор веќе не се сметаат за луксуз, туку за неопходност за подобар баланс меѓу работата и приватниот живот.

Тагови: годишен одмор државна администрација Македонија приватен сектор