Автомобилскиот гигант General Motors повторно ја отвори глобалната дебата за иднината на работните места и влијанието на AI врз пазарот на труд.

Компанијата неодамна отпушти стотици IT вработени, но паралелно започна со отворање нови позиции поврзани со:

• Вештачка интелигенција (AI)
• Data engineering
• Cloud технологии
• Automation systems

Овој потег јасно покажува дека компаниите не само што ги намалуваат тимовите — туку целосно ги менуваат профилите на кадар што им е потребен.

Традиционалните IT позиции постепено се трансформираат. Наместо класична администрација и рутинско одржување, компаниите бараат луѓе што знаат:

• Да работат со AI алатки
• Да анализираат големи количини податоци
• Да развиваат cloud инфраструктура
• Да автоматизираат процеси

Ова е уште еден доказ дека AI не значи нужно „помалку работа“, туку поинаква работа.

Експертите предупредуваат дека најголем ризик во следните години ќе биде неподготвеноста за новите технологии. Вработените што континуирано учат и се адаптираат ќе имаат огромна предност на пазарот на труд.

Во исто време, компаниите сè повеќе инвестираат во reskilling и upskilling, бидејќи побарувачката за AI и cloud кадар расте побрзо од понудата.

Пазарот на труд влегува во нова ера ера каде што техничките вештини, адаптибилноста и способноста за работа со AI стануваат поважни од било кога.

Прочитајте и за: AI нема да ве замени но човек што користи AI можеби ќе ве замени

Тагови: HR трендови

Од вчера започна исплатата на средствата од програмата МојДДВ за скенираните фискални сметки во првото тримесечје од 2026 година, информираат од Управата за јавни приходи.

Исплатата ќе се врши етапно, во зависност од обработката на налозите.

Според податоците на УЈП, средства ќе добијат 528.447 корисници, а вкупниот износ што треба да биде исплатен изнесува близу 836 милиони денари.

Кај 4.968 корисници е утврден неточен податок за трансакциска сметка, поради што исплатата засега не може да се реализира. Средствата ќе бидат исплатени откако корисниците ќе ги коригираат податоците.

Дополнително, кај 7.560 корисници износот за поврат е помал од 50 денари, па тие средства ќе бидат префрлени и исплатени во следниот квартал.

Од УЈП апелираат до граѓаните кои сè уште не добиле средства од претходни или тековни исплати да ги проверат податоците за трансакциската сметка во апликацијата, за исплатата да може непречено да се реализира.

Тагови: исплата Мој ДДВ УЈП

Во последните години, начинот на купување значително се промени, а online shopping-от стана дел од секојдневието на многу луѓе. Сепак, и покрај брзиот раст на онлајн продавниците, голем дел од потрошувачите и понатаму сакаат класично купување во продавница. И двата начини имаат свои предности, а изборот најчесто зависи од навиките, потребите и времето што го има секој човек.

Предности на online shopping

Онлајн купувањето нуди брзина, удобност и можност да купуваш од каде било и во кое било време. Со само неколку клика можеш да споредиш цени, да прочиташ рецензии и да нарачаш производ без да чекаш редици или да губиш време низ продавници. Дополнително, често има поголем избор на производи и попусти што не се достапни во физичките продавници.

Предности на купување во продавница

Од друга страна, купувањето во продавница овозможува производот веднаш да се види, проба или провери пред да се купи. Многу луѓе имаат поголема доверба кога лично ќе го видат квалитетот, особено кога станува збор за облека, техника или мебел. Исто така, нема чекање за достава, а искуството во продавница за многумина претставува и начин за релаксација и дружење.

На крајот, не постои точен одговор кој начин е подобар. Online shopping-от е идеален за брзина и практичност, додека класичното купување нуди поголема сигурност и директно искуство со производот. Најважно е секој да го избере начинот што најмногу му одговара според потребите и животниот стил.

Тагови: облека онлајн купување продавници нарачки

Родителот ќе биде казнет со 250 евра за секое насилство сторено од детето, но и кога родителите ќе одбијат да соработуваат со училиштето - рече Јаневска.

Родителите на учениците кои ќе бидат инволвирани во насилство во училиштата ќе може да бидат казнети со 250 евра, најави министерката за образование и наука, Весна Јаневска.

Ваквата мерка е предвидена со измените на Законот за основно образование, кои се подготвуваат по зачестените случаи на врсничко насилство што предизвикаа силни реакции во јавноста.

Според најавите, паричната казна нема да се однесува само на случаите кога ученик ќе изврши насилство, туку и на ситуациите кога родителите нема да прифатат соработка со училиштето, стручните служби и надлежните институции.

Од Министерството за образование и наука посочуваат дека целта на измените е да се зголеми одговорноста на родителите и семејството во превенцијата и справувањето со насилството меѓу учениците.

Новите законски решенија, според најавите, се во завршна фаза и наскоро треба да бидат доставени до Собранието.

Тагови: Весна Јаневска Министерство за образование и наука - МОН родител училиште казна