Еуфоријата околу вештачката интелигенција се приближува кон пресвртна точка, предупредува финансиски и технолошки експерт, пренесува „Бизнис инсајдер“. Според него, доколку дојде до корекција или „пукање“ на AI бумот, ударот нема да биде толку драматичен како дот-ком кризата од почетокот на 2000-тите, но сепак ќе има широко влијание врз глобалната економија.
Експертот посочува дека денешните технолошки гиганти, како Alphabet, Microsoft, Apple и Meta, се во далеку посилна позиција отколку компаниите од дот-ком ерата. Тие располагаат со огромна корисничка база, стабилни приходи и значителни финансиски резерви, што им овозможува да инвестираат во развојот на AI без голема зависност од надворешни извори на капитал.
Сепак, ризиците остануваат високи. Огромен инвестициски капитал се влева во AI секторот, иако пазарот најверојатно ќе може да издржи само неколку доминантни играчи. Аналитичарите предупредуваат дека, ако започне пад на AI компаниите, „безбедно место“ на пазарот речиси и да нема да постои, а последиците ќе се почувствуваат многу пошироко од технолошкиот сектор. Заклучокот е јасен: вештачката интелигенција останува двигател на иднината, но опасноста од прегреан пазар станува сè пореална.
Тагови: вештачка интелигенција AI