Кој е основачот на брендот МОКИ и што стои зад идејата за неговото создавање?

Основачка на брендот МОКИ сум јас – Моника, водена од желбата и поривот да создадам нешто со моите раце и да го споделам со околината.

Како и кога се роди идејата за МОКИ и што ве инспирираше да започнете со илустрирани производи?

МОКИ започна да постои во 2019 година, а во 2022 година доби и физичка продавница. МОКИ не постои поради инспирација, туку поради потребата да го споделам креативниот и емоционалниот свет што го носам во себе.

Кои се најголемите предизвици со кои се соочивте на почетокот и како ги надминавте?

Еден од најголемите предизвици со кои сум се соочила беше да ја задржам упорноста, дисциплината и надежта дека проект како МОКИ може да успее во средина што минимално, речиси непостоечки, ги поттикнува и поддржува уметниците. За среќа, природно го најдов патот до вистинската публика, која ги прави сите предизвици подносливи.

Како би го опишале стилот и филозофијата на вашите продукти – што ги прави уникатни?

Сѐ што правам е искрено и од срце – тоа е целата филозофија.
 

Кое е најпродаваното парче од вашата колекција и зошто мислите дека потрошувачите го сакаат?

Најпродавани се картичките/честитките, бидејќи луѓето сакаат меѓусебно да се потсетуваат дека мислат едни на други. Во моите честитки има простор за секаква љубов и за секое чувство, па лесно ја пронаоѓаат вистинската порака.

Како ја одржувате креативноста и инспирацијата кога креирате нови дизајни?

Постојано истражувам – и надвор од мене, и внатре во себе.

Дали имате некоја специфична порака или вредност што сакате да ја пренесете преку вашите производи?

Да – во МОКИ има место за сите искрени и отворени срца.

Што би им порачале на младите креативци кои размислуваат да започнат свој бренд?

Да не брзаат, да бидат подготвени дека патот не е без препреки, да останат автентични и дисциплинирани и во целиот процес да најдат начин да ја зачуваат својата слобода.

Тагови: уметност МОКИ креативност

Упатите, рецептите и медицинските извештаи наскоро повеќе нема да се издаваат на хартија, туку целосно дигитално преку Националниот систем за електронски евиденции во здравството „Мој Термин“. Измените на Законот за евиденциите од областа на здравството, кои ги претстави министерот за здравство Азир Алиу, предвидуваат медицинската документација да се води електронски, а хартијата да се користи само како привремено решение при прекин на системот. Клучна новина е воведувањето Електронско здравствено досие за секој пациент, кое ќе биде централен извор на сите здравствени податоци – од прегледи и резултати до упати, рецепти и телемедицински услуги, со директен пристап за граѓаните преку портал или мобилна апликација.

Законот наложува техничка и семантичка интероперабилност на сите здравствени информатички системи, што значи дека јавните и приватните здравствени установи ќе мора да користат сертифицирани решенија усогласени со „Мој Термин“, со задолжително евидентирање на секој пристап до здравствените податоци. Првпат се регулира и интеграцијата на телемедицината и мобилното здравство (mHealth), при што онлајн-консултациите добиваат иста правна важност како физичките прегледи. Предвидена е и контролирана секундарна употреба на анонимизирани податоци за научни истражувања, статистика и развој на политики, со строга забрана за каква било злоупотреба што би довела до дискриминација, профилирање или економска штета за поединец.

Со измените се централизираат и интегрираат здравствените регистри во рамки на националниот систем и се зајакнуваат безбедносните стандарди, вклучително и обврска за здравствените установи да воспостават системи за управување со информациска безбедност и да пријавуваат инциденти. Министерот Алиу нагласи дека законските решенија се делумно усогласени со европските регулативи за дигитално здравство, меѓу кои и Регулативата за Европскиот простор за здравствени податоци, и дека со тоа се поставуваат темелите за модерен, сигурен и интероперабилен систем кој ќе го подобри квалитетот и ефикасноста на здравствените услуги. Во тек е и финализирање на измените на уште 12 закони од областа на здравството, кои постепено се објавуваат на ЕНЕР.

Тагови: Министерството за здравство Мој Термин рецепт

Многу млади луѓе се соочуваат со истиот предизвик: како да напишат CV кога немаат претходно работно искуство. Иако можеби немате формална работа зад себе, тоа не значи дека немате што да понудите на работодавачите. Добро структуираното CV може да ги истакне вашите способности, потенцијал и мотивација.

1. Лични податоци и краток професионален профил

На почетокот на CV-то внесете ги основните информации: име и презиме, телефон, е-пошта и место на живеење. Под нив додадете краток професионален профил (2–3 реченици) во кој ќе ја објасните вашата мотивација и интерес за работа.

Пример: Мотивирана и одговорна личност која сака да започне кариера во административна работа. Брзо учам, поседувам одлични организациски вештини и сум подготвена да придонесам во динамична работна средина.

2. Образование

Кога немате работно искуство, образованието станува еден од најважните делови во CV-то. Наведете:

• Училиштето или факултетот
• Насоката
• Периодот на студирање
• Значајни проекти, награди или достигнувања

3. Практична работа, пракса или волонтирање

Дури и ако немате формално работно искуство, можете да наведете:

• Студентска пракса
• Волонтерска работа
• Учество во проекти
• Работа на студентски или училишни активности

Овие искуства покажуваат дека сте активни и подготвени да стекнувате нови знаења.

4. Вештини

Во CV-то задолжително наведете ги вашите клучни вештини, како на пример:

• Компјутерски вештини (MS Office, Excel, интернет алатки)
• Комуникациски вештини
• Организација и управување со време
• Тимска работа
• Познавање странски јазици

5. Курсеви и обуки

Доколку сте посетувале курсеви, онлајн обуки или сертификати, тие се одличен додаток во CV-то. Тоа покажува дека инвестирате во личен и професионален развој.

6. Проекти и лични иницијативи

Можете да наведете и:

• Лични проекти
• Блог или портфолио
• Учество во натпревари
• Организација на настани

Ова им покажува на работодавачите дека имате иницијатива и интерес за развој.

7. Интереси и хоби

На крајот, можете да додадете краток дел со интереси и хоби. Иако изгледа неформално, понекогаш токму овие информации им помагаат на работодавачите подобро да го запознаат кандидатот.

Запомнете: Недостатокот на работно искуство не значи недостаток на потенцијал. Добро напишано CV кое ги истакнува вашите вештини, образование и мотивација може да биде првиот чекор кон вашата прва работа.

Прочитајте и за: Зошто управувањето со времето е поважно од мултитаскингот?

Тагови: CV работно искуство совети за работа

Според податоците на „Блумберг“, цената на суровата нафта WTI се зголеми за 3,08% и изнесува 76,98 долари за барел, додека суровата нафта Брент забележа зголемување од 2,30% и моментално чини 83,27 долари за барел.

Цените на суровата нафта од типот Брент и WTI , природниот гас и маслото за греење на светските берзи вчера во 15 часот забележаа зголемување од неколку проценти во споредба со претходниот ден.

Така, според податоците на „Блумберг“, цената на суровата нафта WTI се зголеми за 3,08% и изнесува 76,98 долари за барел, додека нафтата од типот Брент забележа зголемување од 2,30% и моментално чини 83,27 долари за барел.

Цените на природниот гас исто така се зголемија за 1,68 проценти, додека најголем скок на цената е забележан кај нафтата за греење, чија вредност се зголеми за 4,64 проценти.

Тагови: нафтените деривати Блискиот Исток Блумберг